Cindereluh And The Alien Hunks

CHAPTER FOUR

Dear diary, 

This. Is. It.

Tabang, mura nako'g mag-hyperventilate sa excitement. Char! Ka-OA!

Unyang gabii na ang birthday party ni Prince. Good thing, it's a Saturday, wala'y klase, so maka-prepare ko'g tarong. 'Wa na lang ko nangambisyon og laysho nga gown diary oi. Tutal ana man sad si Prince nga okay ra niya bisan unsa akong sul-oton. Okay ra sad kaha niya kung wa ko'y sul-obon? A-hi-hi! Medyo naughty ko diary, noh? Meowk!

Akong mga stepsister, excited na pud kaayo. Ready na ilang gown og mask. Dapat lang jud silang mag-maskara aron matabunan ang ilang bati nga mga nawng. Too bad, 'di matabunan sa maskara ilang bati nga batasan. Pwe! 

"Abi ninyo'g kamo ra? Hah! Di ko palupig," ana ko pagkasulod nako sa akong kwarto (nga bodega sa mansyon) ing-ani ko nila ka love. Maka-touch, noh? Anyway, later nako mag-emote kay busy pako.

Akong gikuha ang naka-hanger nga pink gown. Sa akong Mommy pa ni nga gown, sa panahong dalaga pa siya og virgin pa (charot!). Around 6 PM, ready nako. Bag-ong ligo, naka-gown, and naka-make up na. Very light ra gud, kanang natural japon tan-awon. Gi-enhance ra sa make up ang akong natural beauty. Char.

"Pak! Ka-gwapa oi!" ana ko pag-atubang nako's mirror-mirror-on-the-wall.

Akong gikuptan ang akong pearl choker nga hinatag ni Mommy. Pamana pa daw to ni lola niya. So, gipasa from one generation to another. Kihanglan daw ako ning ampingan og ihatag sa akong mahimong anak puhon. Kung lalaki akong mahimong anak, dapat ma-bayot siya aron masul-ob niya ang pearl choker. Joke lang, diary! Adto ipasa sa iyang mapangasawa. 

"Cindereluh!" Priscilla knocked on my door

"Hoy, negra! Ablihi ning portahan!" Nag-shagit pud si Anastasia.

Hala, patay, diary! Naa sila!

Sheeet, unsaon ko ni?

Omo! Euttokae?

Chos! Koreana yarn?!

Pero bitaw, seryoso, nag-panic nako. 'Wa nako kahibaw og unsa'y buhaton. The door was locked, pero I know that they can find ways para maablihan to. Which is dili pwedeng mahitabo. 'Di ko nila pwedeng makit-an nga ing-ani ka-shufa. Masakpan 'nya ko nga moadto ko sa birthday party. For sure, ila kong pugngan.

No, no! Walang makakapigil sa akin. Sa giingon pa's mga katiguwangan, "mapugngan pa ang baha kaysa's biga". Pero 'wa ko nag-biga, diary, ha. 'Wag kang judgemental. True love jud ni akoa diring dapita. 

"Cindereluh!" Patay! Akong bruhildang stepmother na jud ang nag-shagit. "Unsa man, ablihan ni nimo o dili?!" 

Lightbulb. 

Ting! 

I opened the window nga nag-connect sa garden og adto ko niagi para makagawas. Tsk! Mawagtang man sad atong poise ani oi. Kiber na, basta 'di lang masakpan. The struggle is real para lang makalaag ko, diary. I silently wished nga ako na lang si Spiderman aron 'di ko maglisod og kanaog. Hapit pa ko matagak, pero syempre, naningkamot ko nga 'di maka-shagit. Zero noise dapat ang ferson aron di masakpan. Grabe, buwis-buhay naman ni oi. Kung 'di mi magka-uyab ni Prince after sa tanan nakong sakripisyo, mo-reklamo na jud ko's barangay.

Hooo! Finally, successful jud ang akong pagkanaog gikan sa bintana sa akong kwarto padung sa garden. Nidagan dayon ko para makalayo nila. Gipaspasan nako'g dagan oi, bisan nagkalisod ko's akong dress. Kiber na kung singuton ko'g maayo og ma-erase ang make up. Unya nana nako problemahon. Anyway, best in retouch man sad ko.

I really thought nga successful nako og makatakas na. Pero padung pa lang ko sa gate, nana'y isog kaayong iring itom nga niharang nako. 

 "Arf!"