Cindereluh And The Alien Hunks

CHAPTER THIRTY THREE

Dear diary, 

"So, what can you say?" ana si Trent.

Nag-nganga ko's kakurat sa akong nadunggan. 

Kung imo kung sugton...

Mao na iyang linya, diary. Ngano, nanguyab diay s'ya nako? Wala ko na-inform. 

"H-huh?" 

"What can you say?" 

"K-kuan... Kanang..." 

"Trent?" 

"Cindereluh?" 

Great.

Nangmata na ang mga asungot sa among kinabuhi. Tss! Panira kaayo'g moment si Prince og Allaine diary, 'no? Naa ka'y number sa writer ani akong story? Mamalihug unta ko nga ipa-patay silang duha.

"What are you guys doing here?" Allaine asked.

Pero si Trent kay nag-sige ra japon og tutok nako. Mura siya'g way pake sa duha. He was still waiting for my answer. 

"A-ahh, w-wala oi, nag-stretching ra mi kadali. Trent, let's go!" 

Ni-una nako'g balik sa sakyanan. Dili ni mao ang sakto nga time para klaruhon ang status namo. Gusto ko mag-istorya ming duha og tarong. Kanang kami ra og wala'y laing asungot.

Nipadayon nami'g byahe. I must admit, kung awkward ang atmosphere ganina, mas awkard pa jud karon. Mura'g ni-triple. Juskolord! 

Few minutes later, na-feel na nako nga hapit nami maabot. Niliko mi sa right og nisugod na'g kataas ang karsada. Pa-saka na. Pa-zigzag and medyo gamay ra ang karsada, so may pagka buwis-buhay, diary. Ngitngit pa jud ang agianan. Then while nagkataas mi, sakit na sa dunggan. Grabe kaayo ang hangin gud.

Naa mi naagiang mga balay pero sirado na. Lagyo sad kaayong mga balay sa usa'g-usa. Wala'y uso silingan. Nakaagi mi sa ilang public marketon and nakakita mi'g daghan kaayong mga utanon adto. Naka-remember ko nga kaning lugara man diay ang Vegetable Basket of Cebu. Nihunong mi kadali sa ilang merkado. 

 "Asa dapit ang Brgy. Hall?" Pangutana ni Trent sa among naagiang lalaki. 

"Diretso lang mo. Unahan ra gamay. Nangihanglan mo'g tour guide?" 

And didto na nagkagubot ang mga tour guide sa among sakyanan. Mga lalaki, mura'g mga native rapud sa lugar. In all fairness, mga buotan man pud sila and friendly kaayo'g approach.

"Ah, no, 'di lang mi magkuha og guide."

Then gipa-andar na ni Trent ang sakyanan. Kadali ra kaayo mi naabot sa barangay hall. Closed pa, pero naa'y tiguwang nga lalaki ang nagbantay para sa mga mo-parking na sakyanan. 

Ang ilang barangay hall man gud daw ang starting point sa tanang mag-trekking padung sa peak. Paggawas namo sa sakyanan, gisugat dayon mi sa bugnaw nga hangin. I know nga bugnaw jud basta gabii, pero lahi ra jud ang katugnaw diring dapita. Mura'g naa'y centralized nga aircon. Maayo gani kay nag-jacket ming upat. Si Prince og Trent kay nag-bitbit og dako kaayong bag nga naay sulod nga tent. Nagsugod nami'g lakaw. 

"Okay ra ka?" ana si Prince.

I simply nodded, bisan sa tinuoray lang, 'di jud ko okay. Kapoy og lakaw oi. Mga 15 minutes pa ming naglakaw, wa pa gani mi nakatunga. Nakaingon na lang jud ko'g, "merese nimo, self!"

"Ahh!" Nikalit lang og kadagma si Allaine while naglakaw mi.

Usa nami ka oras kapin nag wakal. Okay pa man ang dalan. Plain ra man, sementado. Naa'y pasagka 'nya paubos na pud. Pero okay ra man jud. Medyo hangak, pero keri lang kay mopahuway man sad mi panagsa para molingkod or 'di kaha mangihi. OA lang jud ning bayhana, diary. 

"Hey Allaine, are you okay?" ana si Trent og giduol dayon ang bruha.

Okay rana Trent oi. Nag-drama ra na. Nanobrahan ka-OA. Kung di man diay niya kayang magbaktas, wala unta siya nanghagad nga mo-ari, 'di ba? 

"No, I'm not. Sakit na kaayo akong tiil. I can't walk anymore." 

"I think we're almost there. 'Di na nimo maantos bisan gamay?" 

"No, 'di na jud."

Kalami jud kumuton sa simod sa bilatra diary oi. Best actress kaayo. Si Trent pud, nagpa-atik dayon. Gwapo unta, uto-uto lang. 

"Okay, I'll carry you." 

Iyang gi-alsa si Allaine. Bride style nga pagka-alsa. Hoy, diary, tabang! Nisaka na pud ang rabies sa akong utok. I even saw her smirking at me, mura'g gi-trigger ko nga magselos. Well, kudos to her, successful siya's iyang wicked scheme.

"Ikaw Cindereluh, okay pa ka? I can carry you as well." 

"No! No! Okay ra!" Dali kaayo kong nakabalibad. 

Just the idea lang nga alsahon kong Prince, manlimbawt na akong balhibo. Don't get me wrong, ha. Wala ko giluod niya tungod kay chaka siya. Kahibaw tang tanan sa Chapter One pa lang kung unsa s'ya ka gwapo. 'Di na lang nako feel. O, 'di ba, gwapa kaayo ko diring dapita?

Finally, naabot nami sa foot sa mountain. Foot pa sa mountain, ha. Wala pa mi sa  peak. Wala pa nahuman among struggle. Pero nagpahuway 'sah mi og very light.

Naa'y kubo didto nga naa'y gamay'ng sari-sari store then naa pu'y banyo. Naa'y tigulang nga lalaki dito nga mura'g guard sa bukid. Gipabayad mi og 20 pesos each, then gipalista  among pangalan sa log book.

Wala pa mi nipadayon og saka. Instead, nagtukod mi'g tent para makapahuway mi'g tarong. Kanya-kanya mi'g tent. Syempre, as expected, share ming Prince, then share si Trent og Allaine.

Si Trent ra'y nagtukod sa ilang tent kay ang inutil nga Allaine, nagpasakit-sakit japon sa iyang tiil. Gwapa kaayo siya's iyang pamati. Abi siguro niya'g angayan siyang mag-artista. 'Di raba jud. Pwe!

Gitabangan na lang nako si Prince sa pag-set up og tent kay 'di raba ko parehas ni Allaine nga inutil, O.A., way pakinabang, og bigaon. Please repeat until fade.

"Cindereluh, pag-rest na lang dira. Ako na'y bahala aning tent." 

"Di ko inutil, OA, wala'y pakinabang, bigaon!"

Ay shit, diary, nasulti nako ang naa sa akong huna-huna! My intrusive thoughts won. Hooy!

Nilingi silang tulo nako. Syempre, sa ka hilom sa lugar, gamay'ng storya nimo, madunggan jud.

"What did you just say?!" ana si Allaine nga nikalit og ka-beast mode. Iyang dunggan, kuwang na lang mo-aso sa kalagot.

"Dili ko inutil, OA, wala'y pakinabang, og bigaon!" 

Wala nako napugngan akong baba og nasulti nako'g balik. Repeat until fade gani, 'di ba, diary?

"Are you referring to me? Nga inutil, OA, wala'y pakinabang, og bigaon ko? Sakit ra akong feet no! Sobra ka, ha!" 

"Di ko inutil, OA, wala'y pakinabang, og bigaon!"

Hoy, gisumpa ko'g mga engkanto's bukid?! Dili nako mapugngan akong baba. Gibalik-balik nako. Literal nga gi-repeat until fade jud nako. 

"You bitch!" Laruton na unta ni Allaine akong buhok pero automatic nga niharang si Trent nako.

"Trent..." She was obviously surprised by what he did. "W-why?" 

"Don't you dare hurt her." 

Haba ng hair,

Cindereluh

P.S. 'Di ko inutil, OA, wala'y pakinabang, og bigaon. LSS yarn?!