Cindereluh And The Alien Hunks

CHAPTER FORTY

Dear diary, 

Dili jud unta mosugot si Trent nga modayon ko og apil sa Miss You Niversity, pero ako syang gipugos. Sayang man gud ang opportunity, dba? Sauna kay chaka ang panan-aw nila nako. Pirmi pa kong i-bully. Pero karon, apil nako'g beauty pageant? 'Di ba, lumalaban? Wa man siguro'y bati kung gusto kong bation og kaanyag bisan panagsa lang, 'di ba? Karon ra bitaw. Og labaw sa tanan, kihanglan pa nakong ilampaso ang model sa Ampalaya Plus nga itago nato sa pangalang Allaine. 

"Ni-cutting ka pag first rehearsal nato. Bagaa gud nimo'g nawng para mobalik pa ari," ana sya.

"Why not?" Ni-smile pa ko para saputon siya. 

"Disqualified naka." 

"Ows? Abi nako'g kandidata ra ka. Organizer na sad diay ka ron?" 

"Of course not!" Nisamot siya'g kalagot. Nice. "It's common sense. Nihawa ra ka'g kalit sa practice gud." 

"Common sense? Naa diay ka ana? I'm surprised." 

Kung pwede lang sigurong mobuga siya'g kayo, hagbay ra kong nasunog. Pero sorry sya, di sya kahilabot nako. 

"You're such a bitch." 

"Can't you think of a better insult? Lame ra kaayo gud. In fact, it was more like a compliment. Me? A bitch? Thank you, then." 

"Timan-i ni, pildihon tika. I promise." 

"Sure." Og ako na syang gitalikdan. Kapoy si'g storya anang mga tawng bitter diary oi. Bahala sya's iyang kinabuhi. 

"Girls! Girls!" Gitawag mi sa organizer. Niduol mi tanang candidates. "We have a visitor this afternoon. She is a very important person. She's one of the judges but she will be mentoring you as well. By the way, siya ang major sponsor ani nga pageant." 

Na-curious ming tanan kung kinsa na siya. Sakto pud nga niabli ang portahan og nisod ang usa ka glamorous kaayo nga babay. She's wearing a red knee-length dress nga iyang gipatungan og fur coat. She looks expensive in her stilleto and Hermes bag. Ni-smile sya namong tanan. Yeah, she's beautiful. But there's something mysterious in her. Labi na katong nitutok sya nako. Nanlimbawt akong balhibo. Ma-sense nako nga there's something wrong. Ambot og unsa. Paranoid lang tingali ko. 

"Girls, I want you to meet Miss Tah Ler Laguvan." 

"Hi, girls. It's nice to meet you."

Nitan-aw ra sya sa among practice. If naa siya'y mapansin nga sayop, anha ra sya motingog. Pero usahay ra kaayo na mahitabo. She's usually quiet. Until it's my turn to walk. Nakulbaan jud ko. Mura ko'g ma-conscious the way sya mo-tutok nako. Naa juy something unusual ani niya. 

"Stop." Nipaspas ang beat sa akong heart pagtingog niya. Nibarog siya og niduol nako. "What's your name?" 

"C-Cin...de..." Shit, nakulbaan jud ko. Gisingot ko bisan na'y aircon.

"Her name is Cinderelax, Miss Tah Ler," tubag sa among organizer. 

"Cinderelax..." 

"Y-yes." 

"Your walk is very, very terrible!"

"M-miss?" 

"I don't know giunsa nimo pagka-apil ani nga pageant nga you don't even know how to walk like a beauty queen." 

Wa ko kasabot nganong nakaingon sya ana. Gi-practisan man gani ko ni'g maayo akong pag-rampa. Gi-commend pa gani ko sa among instructor kay maayo daw kay ko. 

"You're disqualified," Miss Tah Ler said with finality. Nahugno akong kalibutan sa iyang giingon. Nakit-an pa nako si Allaine nga ni-smirk. Nibukal jud akong dugo, diary. No! No way! Di ko pwedeng malupig ni Miss Ampalaya. Di ko pwedeng ma-disqualified. 

"Miss, I can learn. Promise, tun-an ko ni'g maayo. Please, ayaw ko i-disqualify." 

"The pageant is three days from now. Can you learn in three days? I don't think so." 

"Kaya nako, miss. I will do my best."

"Really, huh?"

"Yes," determinado nakong tubag.

"I like how determined you are. Alright, di tika i-disqualify. In one condition..."

"U-unsa man?"

"You can't go home after this rehearsal. We will have a private session. Just the two of us. I will teach you everything you need to learn."

Nakita nako kung unsa kasuya ang uban candidates nako. Syempre, si Miss Shiela Mae na gud ang mo-train nako. Baoks jud ni sila, alangan. Klaro kayng nanga-insecure ang mga froglet. Dapat malipay ko. Pero embis nga malipay, wa ko kasabot nganong nahadlok ko.

"O-okay," tubag nako.

"Good." Then iya nakong gitalikdan og nibalik sa iyang seat. Good luck to me.

After sa practice kay nanguli na ang tanan. Kami na lang ni Miss Tah Ler ang nahabilin. Akong gi-texsan si Trent to inform him nga madugay ko. Pero wa nako na-send kay giilog ni Miss Tah Ler akong cellphone.

"No cellphone using during our private session, please."

"Miss, ako lang i-send kay..."

"Cinderelax, are you taking this seriously?"

"Y-yes, miss."

"Good." Iyang gisod akong cp sa bulsa sa iyang fur coat. Pero nikalit to'g tingog. Naa'y nanawag. Iyang gikuha ang cellphone.

"Miss, basin si Trent na. Can I answer the call? Kadali ra kaayo."

"No!" She yelled then gilabay akong cellphone og gitamak-tamakan to.

"M-miss..." Mura siya'g nademonyuhan.

"Cinderelax, let's end your meaningless life!"

"Huh?"

Automatic nga na-lock ang portahan.

Nanglupad ang mga lingkuranan sa palibot og nangalagpot padung sa portahan.

Nikidlap-kidlap ang suga og nikusog ang hangin.

Shunatay! Unsa ni oy? Wa ko na-brief.

In danger,

Cinderelax