Chasing Her (BS #1)

Simula

Simula

"Chase that woman!" Sigaw ng mga armadong kalalakihan habang hinahabol si Nathalia Cepeda.

Matagal ng ginagawa ng dalaga ang pagtakbo at pagtatago sa mga bodyguards ng kanyang ama dahil gusto siyang iuwi ng mga ito sa kanila. Pero pinili niyang umalis sa poder nito't maghirap na lamang kesa manirahan sa mansion nila na puro ama lang niya ang nasusunod. Wala siyang laya mula rito kaya parati siyang tumatakas. Kaisa-isang anak kasi siya at babae pa kaya mas lalo siyang pinaghihigpitan ng kanyang ama.

Isang linggo na rin ang nakakalipas mula nang tumakas siya sa mansion ng mga Cepeda. Pero patuloy pa rin siyang hinahanap ng kanyang amang Gobernador na palagi siyang natutunton dahil na rin sa kapangyarihan nito't maraming koneksyon.

Sa totoo lang, ang tanging gusto lang naman ng dalaga ay maging malaya at magawa ang gusto niya. Pero pilit siyang tinuturuan ng pamilya niyang makisama sa mga malalaking tao sa bansa na ayaw na ayaw niya. She despised those plastic people. At ang makasalamuha ang mga ito, iyon ang ayaw na ayaw niya.

Sa isip-isip niya, mas magaling pang mga pulubi ang makasalamuha niya kesa sa mga mayayamang iyon na wala namang ginawa kundi maggamitan para magkaroon ng mas maraming koneksyon.

Damn her life!

"Oh, shit!" mariing bulalas niya nang malapit na siyang abutan ng isang guard pero hindi pa rin siya tumigil sa pagtakbo.

Pagod na pagod na siya pero ayaw niyang magpahuli sa mga ito. She needs to be free from her family, at ito lang ang tanging solusyon na alam niya!

"Miss Nathalia!" hiyaw ng mga ito sa pangalan niya pero patuloy siya sa pagtakbo sa kung saan.

Hanggang sa may namataan siyang lalaki na papasok sa sasakyan nito.

Napangisi siya sa sarili.

"I'm sorry, man. I just need to escape from those freaks." aniya sa sarili at mabilis na binuksan ang pinto ng passenger seat ng estrangherong sasakyan at mabilis na isinilid ang sarili.

"Oh God! That was close!" hingal na hingal na aniya, sa wakas ay nakahinga rin nang maluwag dahil sa pagkakaupo sa kumportableng sasakyan.

Pinaypayan niya ang sarili at awtomatikong itinodo ang aircon ng sasakyan dahil init na init na siya. Ramdam niya ang lagkit ng pawis. Pagod na pagod siya sa pagtakbong iyon. 

"This is heaven..." sabay sandal sa may backrest ng upuan at inihilig doon ang ulo niya.

"Who are you?"

Namilog ang mga mata niya at agad napabalikwas.

Halos makalimutan niyang nakisakay lang siya sa sasakyan ng lalaking hindi niya kilala. Kaya naman agad niya itong hinarap, suot ang magandang ngiti na agad ding napawi nang maharap niya ito.

What the fuck?!

Literal na lumaglag ang panty—este, ang panga niya dahil sa lintek na mala-adonis na pagmumukha ng lalaki!

Nanatiling nakaawang ang labi niya, kumukurap-kurap na tinitigan ito. Hindi niya alam, pero pamilyar ang itsura nito.

He has this set of deep color brown eyes, thick brows, a perfect pointed nose, stubborn jaw and oh, that freaking sexy red lips.

Ngayon lang nakaramdam ng pagka-uhaw si Thalia sa tanang buhay niya habang nakatitig sa mapupulang labi ng lalaki. Sa isip niya'y parang napakasarap noong halikan kahit wala naman siyang karanasan doon.

"Excuse me, miss?" Seryosong anang lalaki sa kanya.

Napasimangot siya nang ibalik siya nito sa kanyang ulirat. May pagkasuplado ang lalaki pero kahit gano'n sobrang gwapo pa rin nito. At kaya niya yatang mabuhay sa mundong ito habang nakatitig lamang sa mala-perpekto nitong mukha.