حنان قالت الكلمه بالغصب ودموعها متجمعه بعيونها .. ثم قامت على طول .. طلعت من غرفة وليد و راحت لغرفتهاا ...
عند الشباب بالصاله ... وليد لمح حنان و هي طالعه من غرفته ...
وليد و اللحين وش صار بينهم ؟!
ماجد لوليد : وش تفكر فيه ؟
نواف : وش بيكون يفكر فيه يعني .. اكيد يفكر يسوي مقلب و لا حركه من حركاته اللي ما تخلص ..
وليد ابتسم : يمكن ....
ماجد : اقووول قوم خلنا نلعب ...
نواف : أي و اذا حمد صحى نلعبه معنا ...
وليد : ههههه اهم شي حمد ...
نواف عطاه نظره ...
وليد : ههه خلاص بنسكت ...
حنان توضت ثم صلت ... بعدين جلست تفكر ...
حنان ادري ان فيصل زودها و انا مستحيل اسامحه .. قبل لا اسامحه اصلا ما عدت اثق فيه ... مع ذلك انا محتاجته .. هو الوحيد اللي يعرف حقيقتي و يقدر يساعدني و يرقع لي .. و في المدرسه ما لي غيره يحميني .. ما رح اسامحه بس بطلب منه اخر طلب ... نكمل اللعبه هذي للنهايه لان ما نقدر نوقف اللحين و ننهي كل شي ... دين وليد برقبتي كبير ... ( وقفت ) اللحين لااااازم اطلع برى و اقعد معهم ... ( تفتح الدولاب ) وش ألبس اللحين ؟ .... اممم خل اخذ هذا القميص و هذا الجاكيت و هذا البنطلون .. اللحين بصير كشششششخه ... لبست ثم طلعت ...
الكل كان قاعد برى حتى فيصل ... و الكل كان يناظرها من فوق لتحت ... و هي حست بالاحراج ...
وليد ابتسم ثم صفر و صفق : ووووووووه ...
حنان مستغربه : وش فيك ؟
وليد : ماااا شااااء الله ... اكشششخ يا الكشخه ... ( ناظر نواف بخبث ) انا اللي ما عمري خقيت على احد خقيت عليك ...
نواف ناظر وليد بقهر ...
وليد رد عليه بابتسامه ...
حنان وجهها احمر .. اماا وليد يقول اني خقه .. وليد خق علي انا ماني مصدقه ...
فيصل لاحظ انها عاشت جوها : اقوووول لا تصدق عمرك ...
نواف تنرفز من كلام فيصل : و ليه ما يصدق عمره ... يحق له اصلا يصدق عمره واحد جميل زيه ما شاء الله عليه يصدق عمره و نص ...
وليد : هههه اخيرا تكلم المحامي ( يقصد نواف ) ..
فيصل قد ما يقدر يحاول يمسك اعصابه ... فـ ما تكلم و لا رد على نواف ..
ماجد : حممممد ليه واقف تعااال اقعد ...
وليد : حمووود تعال اقعد جنبي ...
نواف : اتركه في حاله وين ما يبي بيقعد ...
وليد : ههههههههههههه اكيد بيقعد جنبي ...
حنان : ما بقعد جنب احد بقعد هناك لحالي ...
نواف ناظر وليد : هههههههههههههههههههههه تستاهل ...
وليد سوى نفسه حزين : يهوووون عليك يا حمد ... تخلي هذا نوووافووه يضحك علي ...
حنان يا بعد قلبي كله و لا زعلك و الله ما تهون : و لااا تزعل بقعد جنبك ..
وليد : ييييييييييييس هههههههه ... حرقتك يا نواف ...
نواف بقهر : كل تبن ...
فيصل وقف و كان معصب : عن اذنكم ...
نواف بصوت غير مسموع : روحه بلا رجعه ...
ماجد سمعه و همس له : ابفهم ليش حاقد عليه انت كل ذا عشان حمد ؟
نواف : تراكم ازعجتوني ... اقولك يلا امش خل نرجع البيت ..
ماجد : يلاااا...
قاموااا .......
وليد : وين .. وين ...وين ؟
نواف : بنرجع لبيوتنا يعني وين ...
ماجد : لا تقولنا بدري خلاص لازم نرجع ...
وليد : طيب اللي يريحكم .. ( بيقهر نواف .. يحط يده ع كتف حنان ) دام الزيييييين معي وش لي بالشيووون ههههه...
ماجد : الله يسامحك اللحين حنا شيووون ؟!
نواف : معليك منه يبي يقهرناا بس خله ياكل تبن ... يلا امش ...
ماجد : يلاااا ...
بعد ما راحوا ......
حنان تحس تجمدت بمكانها ... و ما تدري وش تقول و وش تتكلم فيه ... وليد قريب منها حيل ... و هي قاعده جنبه ... من قوة خفقان قلبها تخاف لا يسمعه ......
أنت تقرأ
وش سويتي فينا يا بنت ؟!
Приключенияقصه من وحي خيالي تحكي القصة عن فتاه اختارت طريقا صعبا لتنقذ اهلها بأن تصبح فتى ! كم هي جريئه هذه الفتاه عنيده , متهوره و حساسه و كم هي جميله ليقع في حبها اكثر من شخص روايتنا لا تخلو من التشويق , المغامرة و الاكشن و الاثارة هناك مواقف مضحكه , حزين...
