وليد مسك يدهاا : دام اني معك لا تخافين ..
حنان ابتسمت له : ش شكرااا ....
خلااااص بيدخلووون .. و هم ماااشيين وقفهاا ..
حنان باستغراب : وش فيككك ؟!
وليد : اسمعي .. خليك معي و جنبي لا تروحين مع احد لأي مكان .. مفهوم ؟!
حنان : ان .. ان شاء الله ..
وليد : لسا ما دخلنا .. اذا ودك تقدرين ترجعين ..
حنان ~ ياااااا لييييييت اقدر ميته خووف ابي ارجع لكن ... الله يااااخذك يا ريهااام ..
دق جوال وليييد .. المتصل نواف ....
وليد : هاا وش قلتي ؟!
حنان : لا .. لا بدخل خلاص ..
وليد تضايق ما كان وده .. ثم رد على جواله .....
نواف : وينك فيه ؟!
وليد : عند البوابه الخارجيه انا .. توني واصل ..
نواف : حموودي معك ؟
وليد يبي يقهره : لاا مو معي ..
نواف : اووووف من جدك انت .. طيب يالله تعال ..
وليد : دقيقه و اجيكم .. غبي لو سأل االدحمي كان قاله لانه يدري انك جايه ..
حنان : مين هذا ؟
وليد : نواف ..
حنان : يا الله .. سأل عني صح ؟
وليد : اييه ..
تغيرت ملامح وجهها و حست بالضيقه ....
وليد شد على يدهاا : لا تخافين انا تفاهمت مع نواف بخصوصك .. و ما رح يقربك او يضايقك بالكلام ..
حنان حست بالراحه شوي : مشكوور ..
وليد : العفوو .. يالله خلينا ندخل ..
حنان عطت نظره للمكان من برى و تنهدت تنهيده قويه .. : يالله !
و اول ما دخلووا و فتحوا الباب الداخلي .. كاان المكااان ظلااام .. ضغطت على يد وليد بقوه و قربت منه كتفها بكتفه من الخوف .....
وليد ابتسم و حس بسعاده انها متعلقه فيه و همس باذنها : حبيبي لا تخافين ..
حنان ارتعشت كاااان قرررييب مرره مرره من اذنها ثم ابتعدت عنه شوي ..
و فجأه ولعت اللمبات كلهاا و طاحت اوراق احتفاليه ع راس حنان و وليد من فوق و ما سمعت الا صرخت دحوووووم من بعيد ......
عبدالرحمن : سوووووووربرااااايز حمووووودي از باااااااااك ..
و باقي الشله يصفقون ويضحكوووون .....
حنان مصدومه تناظر الكككل .....
وليد : هههههه اش رايك بالمفاجأه ؟؟!
حنان من الصدمه ما هي قادره تتكلم ...
نط لهم عبدالرحمن و وقف في ما بينهم بالتحديد ......
عبدالرحمن : وش فيكم ماسكين ايدين بعض تقل حبايب !؟
حنان توها انتبهت انها لازالت ماسكه يد وليد و تركت يده بسرعه : هااا .. لااا !
عبدالرحمن احاطها بذراعه و سلم عليها خد بخد : الحمد لله ع السلامه اشتقناا لك يا ولد ..
وليد يناظره وده يقوله ابعد عنهاا بس ما يقدر .. شويااات و جا نواف سحبهاا و ابعدها عن عبدالرحمن .....
عبدالرحمن باستغراب : خير يا ابوي وش فيك ؟!
نواف : ما في شي بس بسلم عليه ..!
حنان هنا بدت تخاف من جد .. و عينه على وليد كأنها تقوله لا تتركني خلني معك لا احد يقربني غيرك !
نواف سلم عليها خد بخد برضه بس و هو يسلم همس باذنها : ليتككك ما جيتي ..
حنان ما ردت عليه ~ يحسب انه بكيفي ...
باقي الشله كانوا واقفين يناظرون الحفله اللي سواها عبدالرحمن عند الباب و يضحكون ......
تركي : اللحين هذا هو الولد اللي اسمه حمد ؟..
خالد : اييه هذا هو ..
فارس ابتسم : اخيرا بنتعرف عليه !
ماجد يناظر حنان بنظرات شك ..
تركي : ههههه ما توقعته كذا ..
خالد باستغراب : كيف يعني ؟!
تركي : لا تضحكون علي بس كأنه بنت ههههه ..
ماجد لف على تركي : انت تحس كذا كأنه بنت صح ..؟
تركي : ما ادري من شكله ..
فارس : اقوول يا شباب خلونا نروح نسلم عليه ..
خالد : اي صح لزووم نسلم ..
سلموا عليهاا بعدين تكووا مع بعض سووالف ......
تركي : وش عندك ياا حمد لابس ثوب و كاشخ ..انت طالع شاليه مفروض تلبس شورت و كذا مثلنا ...
حنان ~ ياا لييل ذا النشبه فوق نظراته الحقير يتلقف بعد .. وش دخل اهله ؟!
وليد : عادي ما فيها شي .. حتى انا لبست ثوب ..
تركي : لا يعني بس اقول !
وليد همس لحنان : تراه صادق بس انا عارف وضعك الثوب احسن لك و انا لبست مثلك عشان ما يصير كأنك غريبه ..
حنان عطته نظره ~ وش يعني اقول ..اقول له شكرا مثلا و لا ايش ؟!
فارس : وش رايكم يا عيال تبون نروح البحر اللحين و لا الصبااح ..؟
خالد : خله الصباح بالليل ما يصلح ..
نواف : اي صادق خالد خلها الصباح ..
وليد : ايييه ما اشوف المزز حقينكم ..
عبدالرحمن : هههههههههههه بلاااك ما تدري وش صار ؟
وليد : وش صار ؟!
عبدالرحمن : خوينا خالد رفض يجي اذا بيكون فيه بنات .. حبيبنا ماا يخوون ..
وليد : هههههههه اهاا والله احسن ..
حنان ~ وش قصدهم هذول ..!؟
نواف : اناا بعد رااافض ..
ماجد : اييه لانك خطبت .. و خطبتك كانت اليوم و محد يدري عنك ..
وليد مصدوم : أأماااااا خااطب !
نواف عينه على حنان : هههههه مب كذا الموضوع .. يعني الامور صارت بسرعه ..
وليد : هههه الف مبروووك الف مبرووك .. ورااكك ما علمتنا نقوم بالواجب ..؟
نواف : ياخخي خلك مني مب لازم ..
حنان ~ فكه منه بيتزوج ..
طبعا الكل بااارك له .. حنان ما فتحت فمها بأي كلمه ودها بس ترجع بيتهم و كل شوي تطالع الجوال تخاف امها تدق عليها ..
تركي : يالله ياا عيال خلونا نقسم الغرف .. بشاليهنا فيه 4 غرف كل اثنين في غرفه ...
حنان خافت : لييه بننام هناا ؟!
فارس : اكككيد ..
تركي : انا و انت بغرفه ياا حموودي وش رايك ..؟
حنان : لا لا لا انا برجع البيت ما اقدر اتأخر ..
نواف : و انا بعد برجع ما بنام هنا ..
وليد : و انا نفس الشي ..
عبدالرحمن انقههر : لييييييييه يااا عيياال .. نبي ننبسط و نفلهاا قبل رمضان ..
حنان : انا ما اقدر ..
تركي : ماا فيه دامكم جيتوا بتقعدون ..
حنان : آآ ....
وليد قاطعها بهمس : معليكك منه سلكي له انا برجع قببل الفجر .. لا تخافين ..
فارس : خلوا مسألة الغرف بعدين .. و يالله نفلللها ياا عيااال ..
حنان : انا بجلس هنا ما ابي اروح معهم ..
وليد : اييه خليكك معي .. هم بيطلعون يلعبون كرة طايرة اكيد .. بس اذا ودك نطلع نتفرج عليهمم عادي نطلع ..
حنان : اذا راحوا نشوف ..
عبدالرحمن جاب الكوره : يالله انا جااهز ياا عياال .. قوموا على برى ..
وليد : انا و حمد ما نبي نلعب بس يمكن نتفرج عليكم ..
عبدالرحمن : هههه وين تلعبون و انتم لابسين اثواب بدلوا و تعالوا فله ترى ..
وليد : لا ما ودنا ..
عبدالرحمن : طيب بكيفكم ..
نواف : انا بلعب.. بس تكفى ياا حموودي شجعني هههههه ..
عبدالرحمن : اجل انا و انت في فريق واحد عشان يشجعنا اثنينا ههههه ..
خالد : و انا مع ولد عمي ..
تركي : اجل نصير انا و فارس و ماجد فريق ..
نواف : ما تهزمون تخسوون ..
ماجد : دام فيها تحدي انا بلعب و بهزمكم ..
عبدالرحمن : هههههههههههه يالله حماااس ..
و بس رااحواا يلعبون ............
أنت تقرأ
وش سويتي فينا يا بنت ؟!
Adventureقصه من وحي خيالي تحكي القصة عن فتاه اختارت طريقا صعبا لتنقذ اهلها بأن تصبح فتى ! كم هي جريئه هذه الفتاه عنيده , متهوره و حساسه و كم هي جميله ليقع في حبها اكثر من شخص روايتنا لا تخلو من التشويق , المغامرة و الاكشن و الاثارة هناك مواقف مضحكه , حزين...
