^^ العرض رمزيه ..
_______________________________________
سمحوا له يدخل و طلعوه من الثلاجه .. و شافه .. وقف بمكانه للحظات قبل ينهار .. بعدها ما تحمل الصدمه منظر الجثه مررره ما ينوصف .. ف قعد ع الارض و اجهش بالبكاء ......
بعد دقيقه تقريبا وقف و مسح دموعه بقوه .. و حاول يستعيد رباطة جأشه ...
ماجد : دكتور ممكن سؤال ؟
الدكتور : تفضل ..
ماجد : كيف عرفتوا ان هذا وليد ؟ يمكن مو هو .. انتوا متأكدين ..؟!
الدكتور : طبعا متأكدين .. من حسن حظنا بصمته ما تضررت و قدرنا نعرف من خلالها ان هذا هو .. و بمساعدة الشرطه عرفنا اهله مين هم و بلغناهم يجون يستلمون الجثه ..
ماجد اللحين فقد الامل تماما : طيب يا دكتور ..
طلع ماجد برى الغرفه و قعد مع الشباب .. كل واحد منهم قاعد يحاول يهدي الثاني .....
ماجد كان قاعد جنب نواف اللي ما عاد نطق بأي كلمه : نووواف !
نواف لف عليه و ناظره كان لازال مصدوم ...
ماجد : انت بخير ؟
نواف هز راسه بمعنى ايه .. و في نفس الوقت طاحت دمعه من عينه ...
// نرجع للماضي بالتحديد قبل شهر من اللحظه هذي .. في قصر وليد بالغرفه السريه .. كان فيه اجتماع سري جدا جدا جدا بين وليد و ماجد و الاثنين من المحقيقين الباقيين ....
وليد : اطلعوني على اخر المستجدات .. و اذا ما لقيتوا المحقق اللي انخطف او لا ...
المحقق 1 : طال عمرك ما لقيناه .. بس الوضع ما يطمن ..احتمال 50% انهم يعرفون انك وراهم ..
وليد : طيب لهذا السبب ابي خطه .. ما ابي نفشل بعد ما وصلت ل هنا .. و ابوي دامه حي رح اجيبه .. تفهمون ..
ماجد لاحظ انه تنرفز شوي ف حط يده على كتفه يهديه : روق .. ابوك رح تلقاه و رح نساعده بس روق ..
وليد ابتسم حتى يبين له انه هدا : ان شاء الله ..
ماجد : عفوا بغيت أسأل .. عندكم خطه بما ان الوضع صار خطير كذا ؟
المحقق 2 : في الحقيقه .. قلنا نجتمع و نشوف خطه مناسبه ..
ماجد : اهاا .. يعني ما فيه اي خطه ..
المحققين ناظروا بعض ثم سكتوا .....
ماجد : وليييييييييد انا عندي فكره .. لازم نخليهم يعتقدون انك ميت ..
وليد باهتمام ناظره : وشلون ؟!
ماجد : اسمع انت تقول انك ملاحظ ان فيه احد يراقبك .. و تعتقد انه هم ..
وليد : اييه !
ماجد : حلو انهم يراقبونك .. اقنعهم انك تموت بعيد الشر عنك طبعا يعني اقنعهم بموتك بحادث ..
وليد : اي والله فكره .. والله انك جبتها ..
ماجد : بس .. الطريقه و كيف تسوي هالموضوع ما ادري ..
وليد : خلاص اتركها علي ..
ماجد : لا تسوي شي من دون لا تعلمني ..
وليد : انت ذراعي اليمين و بهالموضوع بحتاجك كثير .. بجهز الخطه ابي منك بس تساعدني ماديا اذا احتجت و ابي واسطات .. و ابيك تشرف على اللي بينفذون الخطه ..
ماجد ابشر تم .. >> جا اتصال مهم لماجد من شركة ابوه و استأذنهم و اضطر يروح ...
وليد : سمعتوا ؟ ابي الخطه هذي تتنفذ بأسرع وقت .. قبل يقتلوني ..
المحقق 1 : ان شاء الله طال عمرك ..
وليد : اجتماعنا الجاي رح يكون بعد 3 ايام من الان .. و اتمنى تجون و انتم مخططين للموضوع .. اللحين تقدرون تتفضلون ..
المحققين : ان شاء الله ..
( اجتماع الخطه الثاني رح اذكره مع الاحداث الجايه ركزوا و تابعوا معي .......)
أنت تقرأ
وش سويتي فينا يا بنت ؟!
Приключенияقصه من وحي خيالي تحكي القصة عن فتاه اختارت طريقا صعبا لتنقذ اهلها بأن تصبح فتى ! كم هي جريئه هذه الفتاه عنيده , متهوره و حساسه و كم هي جميله ليقع في حبها اكثر من شخص روايتنا لا تخلو من التشويق , المغامرة و الاكشن و الاثارة هناك مواقف مضحكه , حزين...
