وش سويتي فينا يا بنت ؟!

بارت 77

■ عندي طلب صغير ابي اشوف تفاعلكم و حماسكم يعني علقوا بالاين حددوا السطر اللي تحمستوا معه واكتبوا تعليق اثناء ما انتوا تقرون ترى كذا حماس :)
_______________________________________

نوال توترت و خافت و ارتبكت و ضاع الحكي ما تدري وش تقول .....
هتان : والله ما اخليك تطلعين من هنا جيتيني برجولك .. مين انتي ؟!
نوال ~ هئئئئئئئ ياااا ويلي !
هتان فتح النور و شال الشيلة من ع وجهها : وين شايفك انا ؟! >> طبعا ما يعرفها كثير ما شافها الا مره وحده و بالغلط ..
نوال انحرجت و تغطت : انا بنت عمكك ..
هتان عصب بس هدا صوته : وش جاااااااابك غرفتي ؟
نوال خافت : ات .. اتطمن عليكك ..
هتان مسكها مع ذراعه و قرب لاذنهاا : شووووفي يااا بنت .. المره هذي بخليك تطلعين من غرفتي بسلام .. المره الجايه بخليك تطلعين تبكين .. غرفتي محظوره محد يدخلهاا غيري .. فاااااااااهمه ؟!
نوال ماتت رعب : ط طيب ..!
هتان فتح الباب و رماهاا برى بقوهه .. و قبل يسكر الباب بوجهها قالت بسرعه و هي تبكي .....
نوال : هتااان .. انا احبككك ...
هتان وقف ما سكر الباب و ناظرهاا .. نظره مو مفهومه .. ثم سكر الباب بقوووه ..
نوال كانت طايحه بالارض سمعت صوت امه و قامت على طول .. امه كانت طالعه من المطبخ .. استغربتت لما شافت نوال عند باب الخروج .. طبعا غرفت هتان جنب باب الخروج ....
ام هتان : نوال ! ليه انتي هنا ؟!
نوال كانت معتطيتهاا ظهرها بسرعه مسحت دموعها ثم لفت عليها : هاااه .. و لا شي .. كنت .. كنت ناويه ارجع البيت ..
ام هتان : تعالي تشربين معنا العصير ثم تروحين ..
نوال : لا مشكوره يا خاله .. خلاص تطمنا عليكم و ودي ارجع البيت قبل يجي نايف .. اذا ما عليك امر قولي لرهف يالله لانها تنتظرك ..
ام هتان : يااا بنتي بعد ما حضرت العصير ما تشربونه ! تعالي بس كوب واحد ..
نوال ~ والله ماني رايقه اشرب شي .. بس احرجتني هالحرمه ..
و راحت معها للغرفه .. رهف استغربت وجود نوال .. قعدت تهمس لها ب بعدين بعلمك السالفه !
شربوا هالعصير ثم رجعوا على بيتهم .. و الحلو انهم رجعوا قبل رجعت نايف ..

اما هتان بغرفته .. قعدت على سريره .. مسك ع راسه يفكر باللي صار ....
هتان ~ هذي البنت من صدقهاا و لا تسوقها علي .. انا .. انا من يحبني ! .. ( يفرك براسه ) .. صدعت من كل هالمشاكل .. و كملت مع بنت عمي ... ( انسدح ) احس اني مصدوم .. هذي .. معقوله ! معقوله تحبني انا .. وش تبي فيني ؟ وش عاجبها فيني ؟! .. شكلها تلعب علي .. مالي خلق افكر فيهااا .. ( اخذ جوالهاا و فتح البي بي و راح على محادثة فيصل ) .. شكله حذف البي بي .. كل اللي ارسلته له ما وصله ! .. برسله مره ثانيه وش وراي .. ان شاء الله في يوم من الايام يرجع البي بي و يوصله كل كلامي .....
هتان : " مرحبا .. ان شاء الله انك مبسوط بالدراسه بامريكا .. يا ولد اشتقنا لك .. موحشه الدنيا من دونك .. انا محتار ليه ما تكلمني و تسأل ؟ .. والله ما ابي الا اتطمن عليكك .. اليوم مات واحد من العيال .. عساف انت تعرفه .. مات بحادث تفحيط و تهجم علي اخوه يقول اني السبب .. فيصل ! بديت احس ان وجودي بالحياه ماله داعي .. و ان الكل يكرهني .. اخواني يكرهوني و ما عندي ام و ابوي مقعد ما يطيق يحط عينه بعيني .. اخوياي اللي معي اللحين مخاويني مصلحه .. الوحيد الباقي معي نايف ولد عمي و اذا درى ان امي اجنبيه بيتركني اكيد .. فيصل محتااااااااااااااااااج لك .. تكفى لا تصير انت و هم علي .. وينك يا صاحبي ترى حالتي ما تسرك ! .. في امان الله .. "
و رجع غمض عيونه و دموعه تطيح غصب عنه .....
كان بيكمل نومته .. او رح يحاول يكملهااا .. صاير نومه متقطع اصلا .. المهم جته وكزات البي بي .. ابتسم لاول مره ابتسامه تسعد .. جا على باله انه فيصل على طول .. مسك الجوال بسرعه .. فتح البي بي راح لاسمه .. ما لقى منه شي و لقى رسايله برضه ما وصلته .. زعل كثير .. و رمى الجوال .. و لازال تجيه وكزات .. هدا شوي ثم اخذه و طبعا اكيد رح يكون معصب على هذا اللي مزعجه ......
هتان : " جعلك تموت و تلحق عساااف خيييييييير ! "
مشاري : " افااا.. هذا و انا ابي اتطمن عليككك "
هتان : " مليووون الف مره قلت لك لا تعلق ع الوكز .. مره وحده ان رديت اوكي ما رديت تضف وجهكك "
مشاري : " طيب ابشر .. علومكك "
هتان : " ازفتت من الزفت "
مشاري : " يلد معليك بتعدي "
هتان : " بغيت شي اللحين ؟ "
مشاري : " اييه بتحضر الدفن و العزا بكره بعد صلاة الظهر و لا لا ؟ "
هتان : " تبيني اتهاوش مع اخوه مره ثانيه يعني ؟! "
مشاري : " لا والله بس سألت سؤال ! "
هتان : " ماني حاضر .. ما حضرت حق هيثم تبيني احضر لذا ؟! "
مشاري : " اي والله .. خلاص على راحتكك "
هتان : " انا بقعد في البيت كم يوم .. لا تدق علي و لا تمرني و لا توكز حتى فاهم مالي خلق احد نفسيتي شييينه .. مستعد حتى اذبحك اذا زودتها "
مشاري : " افااا ياا ولد .. للدرجه ذي ؟! "
هتان : " و اكثر .. ابعد عني بس هالفتره "
مشاري : " انا ابيك تروق بس .. ما ابي تركك و انت اخلاق زفت "
هتان : " تبيني اروووق !!؟ "
مشاري : " اي والله .. "
هتان : " جيب لي فيصل .. محد يفهمني غيره "
مشاري : " اجيبه لك ما اقدر .. بس اقدر اخليك تكلمه "
هتان : " بالله عليكك .. طيب خلني اكلمه "
مشاري : " خلاص ابشر من عيوني .. بكره ارد لك خبر "
هتان : " بنام يالله "
مشاري : " نوووم العوافي يا العشير "
هتان قفل جواله ابتسم ابتسامة يأس ~ من جده بيخليني اكلمه ؟! والله ما ظنيت ..