راحت و قعدت فيه شوي .. مر منها واحد وقف قدامها ....
****** : أمااا انت باقي تدرس هنا يا الفاشل ؟!
حنان : من انتت ؟!
****** : افااا ما تذكرني .. اصبر اجيب لك العيال و تتذكر ..
حنان شهقت : هئئئئئئئئئئئ ذكرتككك ! انت اللي تهاوش معك راجح مره ..
متعب : اسمي متعب يا الفاشل .. الا وينه خويك راعي الكاراتيه ؟ ههههه اشوفك لحالك ؟! ... >> تذكرتوه متعب اللي سوا مشاكل مع فيصل و مع شلة هتان برضو و متعب هذا اخو عزيز اللي من شلة هتان .. ان شاء الله ذكرتوه ههه !
حنان : وش .. وش دخلك !؟
متعب : اعلمكك انا .. ( لف ينادي ) يااااا عياااال تعااالوا بسرعه ...
جوا اخويااهه .. و هم مستغربين اش السالفه ! ..
واحد منهم : وش فيكك ؟!
متعب شوفوا من موجود ..
طالعوا وراه ما شافوا احد ...
**** : ما نشوف الا جداار !
متعب لف : الحيواااااان .. توه كان هنا ! وين اختفى ؟
**** : من هو ؟!
متعب : الولد الحلو اللي كان يمشي مع فيصل العام ..
**** : أمااا ! وش جابه مدرستنا !؟
متعب : مدري شكله عاد السنه .. و ما معه احد الظاهر .. يعني وحداني ههههههههههههههه ...
و قعدوا يسولفون عنهاا و يتكلمون عن انتقام و ما انتقام و هم مبسوطين .. و طلع واحد جديد بعد يبي ينتقم منهاا بسبب ان راجح صفق متعب عشانهاا .....
استغلت وضعه لما كان يدور على اخوياه و انحاشت بهدوء .. كانت خايفه منه و اسلوبه معها ما يطمن ... دخلت ع المدرسه بسرعه و راحت تدور على اسمها او بالاصح اسم وليد بأي فصل حاطينه ... مرت الفصل الاول ما لقت اسمها و راحت الفصل الثاني لقت الاسم ...
حنان ~ هناا وليد .. يعني هذا فصلي ! العام كنت بالفصل اللي قبله .. خل اقرا قائمة الاسماء كامله يمكن في احد اعرفه راسب زيي ...
و هي تقرأ انفججججعت باسم ........
حنان ~ هتااااااااااااان ؟! في نفس فصلي ؟! معقوله يكون واحد ثاني اسمه هتان ؟! .. مدري مدري بس اذا كان نفسه هتان هذاكك اش بسوي ؟! الله يستر ان شاء الله لأ ان شاء الله مو هو !
دخلت الفصل اخذت لها طاوله وكرسي قدمتهم قدام و مسحتهم من الغبار ثم قعدت ..... و لا سلمت طبعا من نظرات طلاب الصف لهاا .. كانت خايفه و مستحيه لدرجة ما رفعت عينها عن الطاوله ...
جا واحد و ضرب بيده على الطاوله قدامهااا بقووووه افجعهاااا اكيييد ناظرته بخوف ....
***** : قم من هنا ..
حنان ~ من هذا ؟ و وش يبغا ؟
***** قرب وجهه منها : ما تسمع ؟ قمم لا افقع وجهكك ..
حنان قلبها يدق بقوه من الخوف .. قامت بسرعه و ابتعدت عنه ....
***** : المكان ذاا صار لي ...
حنان ~ خيييييييييييير اخذ مكاني .. سحبت الطاوله و الكرسي و نظفتهم و ذا بكل برود ياخذهم مني ...!
اكيد بتنقهر و ودهاا تذبحه بس ما رح تقدر عليه مستحيل .. مافي الا انها تاخذ طاوله ثانيه .... اخذت لهاا طاوله بس هالمره قعدت بالزاويه ورى اخر الفصل ...
حنان ~ لو احط لثمه اريح لي ... نظرات هالطلاب تخوفني احس اني ببكي من كثر ما ناظروني .....
و هي قاعده في امان الله .. جوا شلة سمر جنبهاا .. بالاول واحد قرب طاولته و لزقهاا جنب طاولة حنان و قال لهاا ....
***** : حنا بنقعد هنا ...
حنان تناظر وجهه يخووووف .. و هي اصلاااا بتمووووووت منن رعبهاااا ...
***** : اخوياي بيقعدون ورانا ..
حنان من قوة الخوف كاتمه انفاسهااا !
***** : ياا حلووو.. وش اسمككك ؟
حنان لو يتكلم معها زياده بكتتت ....
***** : وش فيك ما سمعتني ؟!
حنان ترجف ودها تنحاش : آ آ آنا .. ابي .. اروح .. اروح الحمام ...
***** غمز لها : اممم اجي معكك ..؟
حنان تروعت : هئئئئئئئ .. لا لا ..
قامت بسرعه و طلعت من وراه ..و هو عينه عليهاا ما شالها عنها لين طلعت من الفصل ...
راحت ركض للحمام و قفلت على نفسهاا الباب .. طلعت الجوال اللي عطاها اياه وليد ....
حنان ترجف بالكاد ماسكه نفسهاا ~ الحمدلله ان وليد عطاني جوال .. ما عرفت اتصرف كيف بتعامل مع هذول .. مستحيل اتحمل ما اقدر اشكالهم تخوف ما اقدر ما اقدر (غطت عيونها و تبكي بصوت مكتوم) ..
شوي و صارت تسمع اصوات طلاب برى .. سكتت مرره و لا نفس .. حطت اصبعها على زر الاتصال بوليد .. لكنها متردده .... سمعت صوت جرس المدرسه يرن .... و الطلاب بالحمام قالوا .......
***** : يالله امشوا اللحين الحصه الاولى ... ما نبي ندج من اول يوم ...
ضحكوا و سولفوا شوي ثم طلعواا ... و بس حست حنان بالامان و بعد مرور 5 دقايق تقريبا من لما دق الجرس طلعت من الحمام ..
حنان ~ خلاص ما رح ادق على وليد مو معقول من اول يوم اسوي سالفه .. بس .. بس ما ابي اقعد جنب هاذولاك .. يخوفوني ... وش السواة اللحيين كيف اففتك منهم و انا اخاف اتكلم و استحي احط عيني بالاولاد .. ( تنهدت ) يااا زييين لما كان معي فيصل كنت متخبيه وراه دايما و ما عمره احد تجرأ يكلمني او حتى يناظرني و هو معي ....
شافهاا الوكيل واقفه عند الحمامات .. و كان معه عصا يطرد الطلاب على فصولهم .... جا لها يطردها هي بعد .....
الوكيل صرخ : وش تسوي عندك ياا ولد ؟ يالله على فصلك بسرعه ...
حنان ~ فكره ! ليه ما اقول للوكيل يغير مكاني ..؟
الوكيل : ياااا ولد بتروح و لا بالعصا ...
عاد هو كان يناديها و هو بعيد عنها شوي .. فراحت له حنان .....
حنان : استاذ .. انا .. انا ابيكك في خدمه ..
الوكيل معصب : وش فيككك ؟
حنان ~ يمه حتى وكيلهم يخوف : استاذ .. ابيك تنقل مكاني .. قعدوا جنبي ناس يخوفون ..
الوكيل فطس ضحكك : ههههههههههههههههههههههههه بالله ذا كلام رجال بالثانوي ؟ .. انت اللحين تروح فصلك و تسحب درجك لأي مكان تبيه و محد بيتكلم خلك رجال و اترك عنك المياعه ..
حنان : استااااااذ ! ما اقدر تكفى ساعدني ..
الوكيل : انت تتكلم كأنك في الابتدائي .. ما عاد ناقصني الا مبزرتك .. رح على فصلك يالله لا اوقفك بالشمس اللحين عقاب ...
حنان ~ هئئئ وش فيه ذا ؟ من جده بيعاقبني عشاني قلت له يساعدني !؟ سلاااااامااات ..
راحت حنان و على وجهها مية الف خيبه .. متحطمه و خايفه ... الوكيل يناظرهاا كأنه حس بالذنب ..
الوكيل ~ لا حول و لا قوة الا بالله .. الولد ذا نحيف و صغير و كأنه بنت والله العظيم يااا انه بتجيه مشاكل .. احس اني ندمت ما سااعدته .. يالله لازم يتعلم يحل مشاكله بنفسه و يصير اقوى .. لازم يصير رجال و لا ما رح يعيش ....
حنان ~ ما لي الا استغفر ربي كل هذا اكيد عقاب من ربي على البلاوي اللي اسويهااا ...
مشت للفصل و هي تدعي : " يااا رب بس تخلص هذي السنه و تخلص هذي المشكله اوعدكك يا رب ما عاد افكر ألبس كذا و لا اطلع كذا ..استغفر الله ياا رب اغفر لي يااا رب ........"
حنان ~ هئئئئئ يااااا الله .. الفصل مقفل اكيد عندهم مدرس .. وش هالمدرس اللي متحمس اول ما سمع الجرس على طول .. اشوف بعض الفصول طلابها طالعين .. دايما انا كذا دايما حظي شين ... لا حول و لا قوة الا بالله ...
المسكينه ههه بما انها علمي اكيد المعلمين بيجون ع الوقت بالضبط ما يحبون يضيعون الحصص .. دقت الباب بهدوء ثم فتحته ....
حنان ~ المصري حق الرياضيات ! يااا ويلي ما رح يدخلني اكيد ...
أ/رمضان : نعم .. عايز حاقه ؟
حنان عيونها للارض : ممكن ادخل يا استاذ ؟
أ/رمضان يطالع فيها بدقه شوي : ايه دا ؟ ... انته وليد ؟!
حنان ناظرته : ايييه ..
أ/رمضان : ازاي انته هنا .. هوا انته تخرجت العام الفايت مش كدا ؟
حنان ~ والله مدري اش اقولك يا استاذ لكن الموضوع من تحت راس ريهام انا متأكده : لا يا استاذ رسبت في مادتك ..
أ/رمضان : ازاي و انته ممتاز عندي ؟
حنان ~ اسأل مديركم : مدري ..
أ/رمضان : يمكن ما عديتش في اختبار النهايه .. ع العموم بما ان دي الحصه الاولى و دا اول يوم حدخلك للصف بس ما تتعودهاش .. مفهوم يا وليد ؟
حنان : ان شاء الله استاذ ..
أ/رمضان : تفضل ..
حنان تناظر مكانها اللي ورى و تفكر ما تبي تروح له .. خاصه ان شلة السمر يناظرونهاا و اللي قعد جنبهاا عطاها ذيك الابتسامه كرهت عمرهاا .. شافت مكان بالناحيه الثانيه من الفصل فاضي ف قعدت فيه .. و هذولاك يناظرونهاا الى ان قعدت .. لما قعدت عطوها نظرات تهديد ...
حنان ~ يممممه شف كيف يناظرني .. ياا ويلي شكله معصب مني هو و اخوياه ..الله يستر ...! يالله الحمدلله اني جيت من دون اغراض و لا شنطه و لا شي ..
لفت حنان على الطالب اللي جنبها و سألتها و هي تهمس .....
حنان : لو سمحت .. هذا المكان مكان احد ؟
الطالب : لأ ..
حنان : طيب عادي اقعد هنا على طول ؟
الطالب : اييه عادي ..
حنان : مشكووور ..
الطالب : العفوو ..
أ/رمضان : اييه وليد .. عاوز حاقه ؟
حنان انحرججت : لالا ..
أ/رمضان : مش شايفني بتكلم في حاجات حتنفعكو بعدين ؟ .. ما تسكت و تركز حتى ما ترسب السنه دي بردو ..
حنان ~ لا ان شاء الله الله لا يقولهاا : ان شاء الله بسكت ...
أ/رمضان : نكمل كلامنا كنا بنئول ان المنهج دوت صعب شويتين ماهم غيرواا المناهج .. يعني دا انتو لازمن تركزوا معايا .. مش عاوزين ناس ترسب .. نسبة الرسوب بالرياضيات السنه اللي راحت كانت 20% ودي تعتبر نسبه كبيره .. أأرب متال عندكو زميلكو في الصف وليد .. دا شاطر و ممتاز عندي بس رسب ..
حنان ~ ما شاء الله و صار ينضرب فيني المثل بعد !
واحد من الطلاب : استاذ العيال رسبوا لانك ما تعرف تشرح ..
أ/رمضان : ايه يااا واد .. هوا ايه دا اللي ما اعرفش اشرح .. دا انا ببزل كل جهدي و دايما بقول اي حد عندو سؤال يسألني .. بس ياا حبيبي انتوا ما بتزاكروا و ما عندكوش اي اهتمام بالدراسه ....
حنان لفت تناظر الولد اللي تكلم ~ ما شاء الله جريء ذا ...
أ/رمضان : المهم انا عندي قائمة اسمائكو خلونا نشوف من حضر و مين غايب .. و بعدها حشرح لكو مقدمه في الرياضيات ...
طالب : لاااااا يااا استاذ تونا اول يوم و اول حصه !
أ/رمضان : مش عايز اي كلام ...
و بدأ ينادي على الاسماء ....
حنان تكت على طاولتها .. ثم ناظرت الولد اللي جنبها ~ والله هالولد سوا فيني جميل و ابعدني عن هذولاك السمر .. و بعدين حليوو هالولد و ... خاطري اعرف اسمه ......
أ/رمضان : فييييصل ...
الولد اللي جنب حنان : نععععم !
حنان ~ اوووه مااي اسمه فيصل .. آهه ياا قلبي ذكرني فيه ..
كان اسم حنان اخر واحد بحكم انه بحرف الواو ..
أ/رمضان : و وليد .. هو دا موجود .. اخدنا الحضور يالله حنبدأ نشرح شويه ..
نخليهم ياخذون رياضيات بأول يوم دراسي و بأول حصه هههه جوكم يا العلمي أليم و كئيب هههه و مبرووووك العوده للمدارس الله يوفقكم ( ....
أنت تقرأ
وش سويتي فينا يا بنت ؟!
Adventureقصه من وحي خيالي تحكي القصة عن فتاه اختارت طريقا صعبا لتنقذ اهلها بأن تصبح فتى ! كم هي جريئه هذه الفتاه عنيده , متهوره و حساسه و كم هي جميله ليقع في حبها اكثر من شخص روايتنا لا تخلو من التشويق , المغامرة و الاكشن و الاثارة هناك مواقف مضحكه , حزين...
