نواف ~ اوووه شكله سمعنا .. اسحب نفسي احسن : عن اذنكم ...
و سحب نفسه و طلع من المطبخ .......
حنان : لييه جيت تبي شي !؟
فيصل : وش كنتوا تتكلمون فيهه ؟
حنان ارتبكت : هاااه ... لا .. و لا شي ...
فيصل عطاها نظره : طيب ليه سكتوا يوم دخلت ؟!
حنان : وش فيك خلصناا كلاام !
فيصل : أي طيب وش عنه ذا الكلام !؟
حنان : يووووه يااخي كنا نتكلم عن وليد ...
فيصل راح للثلاجه فتحهاا : وليد هاا !
حنان ~ الحمدلله شكله ما سمع شي : أي وليد وش فيهاا ..
فيصل اخذ مويه : طيييب ماا قلنا شي .. ليه انتي معصبه كذا ؟!
حنان : ماني معصبه و لا شي .. طلع لي العصير معك ع بال ما اجهز الكاسات ...
فيصل : ابشري ...
و قعد يساعدهاا بتحضير العصير الى ان ناداه .............
ماجد : فيييييييييييصل .. جوالك يرن ...
فيصل : غرييييب مين ؟
حنان : يمكن امك ... رووح بسرعه شوف ..
فيصل بقلق : عسااه خير بس ...
طلع فيصل و اخذ الجوال .. الرقم غريب .............
فيصل : عن اذنكم شباب ....
اخذ جواله و راح غرفته ثم رد .......
فيصل : الوووو ... مين معي ؟
ابو فيصل : ابووووووك يا اللي ما تستحي على وجهك .. توعدني من هنا و تدخل ولد ابو نواف من هنا !
فيصل : لا حول و لا قوة الا بالله .. الشقه ماهي شقتي و يكون في علمك انا اكره نواف بعد لكن مقدر اطرده لان الشقه ماهي لي ..
ابو فيصل : اذا مشكلتك بس الشقه .. ابشتري لك او أأجر لك شقه في نفس العماره و لا تماشي هالعايله ...
فيصل : اسمع بعدين نتكلم بالموضوع .. انا ما ادري وش بينكم .. و لا يهمني .. لا تدخلني في امور ما تعني لي ...
ابو فيصل : تجيني البيت الليله فااااهم ..
فيصل : ليييش ؟ .. غيرت رايك و تبيني اقعد عندك ؟! .. مستحيييل ..
ابو فيصل : انت بتجي بنتكلم ... الساعه 8 يا ويلك ان ما جيت .. لا اتلك من اذنك و اجيبك فاااهم ؟!
فيصل توه بيرد قفل بوجهه ...... ~ وش سالفته .. هذا االلي كان ناقصني فوق همي هم .. يااا رب تصبرني ما عاد فيني حيل القاها من مين و لا مين .. ( قعد شوي يفكر ) .. امممم انه ياخذ لي شقه في نفس العماره و ما اسمح لاحد يدخلها و ما اعيش فيها الا انا و حنان ! .. والله فكره ..
دقت حنان باب الغرفه و دخلت ......
حنان : وينك تأخرت ! .. عسى خالتي ما فيهاا شي ؟
فيصل : لااا هذي ماهي امي ..
حنان باستغراب : اجل مين ؟؟؟!
فيصل : ابوووووي .. اللي مو ابوي و لا يشرفني ..
حنان : وش يبي منك ؟
فيصل : يبيني امره ..الموضوع بسيط لا تشغلي بالك ..
حنان : متى بتروح ؟ انا ابيك توديني لأمي ..
فيصل : خلاص بعد المغرب اوديك عند امك .. انا ما بروح إلا الساعه 8 ..
حنان : دام كذا اوكييه ..
فيصل : باااقي موجودين برى ؟! ( يقصد نواف و ماجد ) ...
حنان : ايييه يا الله امش نقعد معهم ..
فيصل يتأفأف ما له خلق يقعد معهم ...........
بالصاله ....
نواف : ايوووه و ايش مسوي وليد في لندن ؟
ماجد : والله بخير ..قاعد يخطط يرجع قبل لا يكمل شهر ..بس انتبه تعلم احد يبي يسويها مفاجأه ..
نواف باستغراب : مااا شاء الله مفاجأه لمين ؟!
ماجد : ههههههه و ليش مستغرب !؟ .. اكيد لحمد و فيصل ..
نواف رفع حاجب : اهاا قصدك لحمد !
ماجد تكتف : و انتم وش سالفتكم مع حمد .. ترى احسه مأثر عليكم تأثير غير طبيعي !
نواف : ههههههههههههههههههههههههههههه ...
ماجد : ؟؟؟؟؟؟؟؟؟؟؟؟!!!!!!!
جاهم فيصل و معه حنان و قعدوا بالصاله بعد ما ضيفتهم بالعصير .. و في اثناء ذلك دق جوال ماجد .. كان المتصل وليد مع العلم انه يدري ان ماجد في الشقه يزور حمد و وفيصل ....
ماجد : دقيقه شباب ...... الووو ... هلا و غلااا ...... طمني عنك كيف امورك ؟ ....... أيييه بالشقه انا اللحين ...... والله ؟! ..... لحظه اسأله ... ( ابعد الجوال عن اذنه و لف على حنان )..... يااا حمد هذا وليد يقول انه يدق عليك جوالك مقفل ...
حنان : هاا ... ايييييييه صحيح جوالي مخلص شحنه و الشاحن مدري وينه !
فيصل : اناا اخذت الشاحن ...
ماجد رجع لوليد : سمعت ؟ ... اووووووك .. ( مد الجوال لحنان ) خذ يبي يكلمك ....
حنان اخذت الجوال و هي متردده : هـ هلااا ...
وليد ابتسم : هلااا بالصوت اللي يرد الروح .. هلااا بالغالي ...
حنان باحراج : تـ تسلم ...
وليد : ههههه اكيد انك مستحي اللحين .. و الشله حوالينك صح ..؟ طيب ياا قلبي ادخل الغرفه و كلمني احسن ..
حنان بسرعه : لأ ليييييه .. ؟! مو انت حاب تسلم و تتطمن !
وليد : لاااا ودي اسولف معك اكثر .. بس اعرفك مستحيل ترتاح تتكلم و العيال حولك ... يا الله ياا بعدهم ادخل الغرفه بسرعه لان وراي شغل ..
يوم قال بسرعه فزت من مكانهاا .. و طنشت الكل و راحت .. دخلت الغرفه و طلعت للبلكون بعد و سكرت الباب وراهاا .. ما تبي احد يسمعهم ...
حنان : طيييب اللحين صرت لحالي ...
وليد : مو يقولوا لحالي احلى لي هههههههه ..
حنان : ههههههههه صح لكن محد يحب يكون لحاله ...
وليد : انا مثلك .. خلك من ذا الكلام .. تصدق مع اني غبت يوم واحد إلا اني اشتقت لك .. يااخي انت شي ثاني بحياتي ....
حنان من الحيا ما عرفت وش تقول ....
وليد : هههه حتى لو انك ساكت يكفيني بس اسمع صوت انفاسك ..
حنان : انت .. انت تحرجني والله ..
وليد : يااا بعد كل هلي .. قبل لا اقفل .. اشحن جوالك لازم كل يوم اسمع صوتك ..اتفقنا ؟
حنان : ان .. ان شاء الله ..
وليد : تآمر شي او محتاج شي ؟
حنان : سلاامتك ..
وليد : الله يسلمك حبيبي .. اشوفك على خير ..
حنان قفلت منه و ضمة الجوال لصدرهااا .. و تنهدت تنهيده ما بعدهاا تنهيده ....
أنت تقرأ
وش سويتي فينا يا بنت ؟!
Adventureقصه من وحي خيالي تحكي القصة عن فتاه اختارت طريقا صعبا لتنقذ اهلها بأن تصبح فتى ! كم هي جريئه هذه الفتاه عنيده , متهوره و حساسه و كم هي جميله ليقع في حبها اكثر من شخص روايتنا لا تخلو من التشويق , المغامرة و الاكشن و الاثارة هناك مواقف مضحكه , حزين...
