حنان ~ وش سالفته معي اليوم رااااايق و بس يقرب مني .. ياا ربي بمووووت ....! اللحين اذا دخلت الغرفه انام لازم اتغطا على طول ما ابي اعطيه اي فرصه .. جد اخاااف اموووت من كثر ما يدق قلبي اذا قرب مني ....
اول ما دخلوا الشقه .. كان فارس و تركي قاعدين يلعبون ...
فارس : حيا الله من جانا ..
تركي : كان دقيت علينا حنا نجي ناخذكك و لا تثق في وليد و ما تثق فينا !
حنان ~ سلاماات ! وش يقول ذا الغبي ..؟
وليد : حمد اكيد انت تعبان رح نام وراكك دوام بكره ..
حنان : اي والله بناااام ..
وليد : نوم العوافي ..
راحت و تركي عينه عليهاا بعدين ناظر وليد .....
تركي ابتسم : و انت ياا وليد ما ودك تنام .. جنبه (شدد على الكلمه ) ؟!
فارس ضرب كتفه بكتف تركي و همس : انطمم انت !
كانوا قاعدين ع الارض يلعبون .. وليد قعد ع الكنبه اللي وراهم و حط رجل على رجل .....
تركي لف عليه يناظره باستغراب : ما تبي تنام ؟!
وليد : لااا والله .. حاب اسهر معكم ..
فارس : تحلا السهره فيكك ..
وليد : ايييه عاارف ..
فارس بينه و بين تركي بهمس : واااضح انه يتمسخر ..
تركي : هههههههههههههههههه ..
حنان خذت شاور سريع ثم تمددت على سريرها .. قعدت تناظر الباب ......
حنان ~ اش فيه تأخر ؟ يعني ما رح ينام و لا ايش ؟! .. ( تغطت من ع وجهها ) اووووف و انا ليش اسأل ...
كانت متغطيه لثواني بعدين فزت من سريرها تذكرت شي .....
حنان ~ فيييييصل ! لازم ادق عليه و أسأل عنه .. و لا .. و لا بيكرهني و يطردني من الشقه ... غريبه اليوم ما دق علي ! ... خل ادق انا و اشوف ....
طبعا فيصل من بعد سالفة ميرال و هو عايش جو ثاني بس قافل على نفسه بغرفته .... الى ان جا اتصال حنان .....
فيصل ~ والله يا انك دقيتي بوقتك ...
حنان طلعت للبلكون تكلمه : الوو .. فيصل !
فيصل : هلااا حنوو هلاا ..
حنان : هلاا بك .. اخبارك ؟
فيصل : والله مو كويس ..
حنان باستغراب : ليييه سلامات وش فيك ؟؟؟
فيصل : هااا .. و لا شي .. بس كان عندي اختبار لغه و زفتت فيه ..
حنان : اهااا ما عليه بسسيطه دام بس عشان اختبار ..
فيصل تضايق ~ ليييه كذبت عليها انااا !!؟
حنان : الووو .. وين رحت ؟!
فيصل : معكك معك .. هههه صحيح وش عندك داااقه ؟!
حنان : هههههههه بالله هذا سؤال تسألني اياه ..؟!
فيصل : ههههه والله صدق .. ما تظقين علي انتي .. لو مو انا اللي ادق ما اظن بتدقين ..
حنان : طيب واللحين من اللي دق ؟!
فيصل : هههههههههههه مو انا اقول لك غريبه انتي تدقين !
حنان تنهدت : لاني واثقه انك بتدق علي ف قلت ما رح ادق .. بس ما دقيت علي انت اليوم ..
فيصل : هههههههه مبسووووووووط اناا ..
حنان : ههههه عساهه دوووم بس وش اللي مخليك كذا مبسوط ؟!
فيصل : لانك انتبهتي لي و دقيتي .. اش قد كنت محتاج اسمع صوتك بس كنت مخطط ما ادق لين انتي تدقين ..
حنان : ههههههه ليه كل هالعناد ؟!
فيصل : لاني .. لاني من سافرت .. حسيت انك ابتعدتي عني .. ما اقصد المسافه .. اقصد مشاعرك ..
حنان تحس ما فهمت بس تسلك له : اهااا ..
فيصل : ترى واااضح انك تسلكين !!
حنان : ههههههههه شسوي ما فهمتكك ..
فيصل : اللي اقوله انتي متغيره علي ..
حنان : اووووف رجعناا !!
فيصل : انتي اللحين ما اشتقتي لي ؟!
حنان بعفويه : الا اكيييد اشتقت لك !
فيصل : يعني تحبيني ؟!
حنان تضايقت و تاففت : اووف منككك .. انت كل مره بتكلمني بتسألني هللسؤال ؟! .. ترى والله العظيم طفشششتني ...
فيصل : اش اسوي .. ماني واثق من مشاعرك .. خاصه لعد ما ابتعدت ... حناااان ! اناا خايف افقدك ...
حنان : مشاعري هي هي ما تغيرت .. اوثق في نفسك قبل توثق فيني ...
فيصل : انا ابيك تحبيني .. ابيك تقولين لي هالكلمه كل ما كلمتك ..
حنان : ههههههههههااي قلبناها مسلسل تركي !
فيصل : يااا بنت لا تضحكين .. انا اتكلم جد ... يااا بنت حسسيني لو مره انك تحبيني !!!
حنان : طيب .. احبكككك .. حسيت بشي ؟!
فيصل طااار من الوناسه : ههههه اموووووت فيككك انا .. اييه حسسيت مع انك ما قلتيها من قلب بس مع ذلك انا مبسوووط لاني سمعتها منك ..
حنان : هه اهم شي قلتها و خلاص و ريحتك و ريحت راسي ..
فيصل : طيب كلميني فيديو ..
حنان ارتبكت : هااا ؟ .. لا ما يحتاج ..
فيصل : ابي اشوفك !
حنان : ء ء امم في شقتنا هنا ما في تغطيه 4G .. اذا رحت عند اهلي أكلمك فيديو ...
فيصل : اوكيه مو مشكله .. بتسهري مع سميه اليوم ؟!
حنان : لا لا تعبانه بقفل منك و انام على طول ..
فيصل : سلامتك يا عمري .. خلاص حبيبتي نوم العوافي ..
حنان : الله يعافيكك .. يالله مع السلامه ..
فيصل : مع السلامه ...
قفلت منه و ناظرت شاشة الجوال ......
حنان : وش فيني قمت اكذب عليه .. يااا الله !
لفت بتدخل ... انفجععععت ........
حنان : هئئئئئئئئئئئ .. ( حطت يدهاا ع قلبها من الرعبه ) بسم الله .. خوفتني .. ء ء من متى و انت واقف هنا .....
كان متسند على مدخل البلكون و متكتف ينتظرهاااا ......
وليد : من لما قلتي له احبككك ..
حنان حطت يدها ع فمهاا : امممم انا كنت ........
وليد قاطعها : ما يحتاج تبررين لي .. انتي كنتي تكلمين زوجك .. يعني طبيعي هالامور تصير ...
حنان : اششش لا يسمعونك ..
وليد : لااا تخافين قفلت الباب وراي ..
حنان ركضت للباب : لييييه انا مو قلت لك خله مفتوح ...
حطت يدها على مقبض الباب جا وليد و حط يده على يدهاااا ....
حنان اررررتعبت .. يعني خوف مع حب و مع كمية إحراج غير طبيعيه ههه ...!
وليد : انا .. انا بفتحه ...
حنان شالت يدها : طيب .. و انا .. انا بنام .. >> ركضت لسريرها تغطت من ع وجهها و سوت عمرها نايمه !
وليد فتح الباب شوي و رجع على سريره : حمدد نمت ؟!
حنان تسمعه و ساكته ما ردت ....
وليد همس : جد تحبه ؟!
حنان عصبت ~ لييييه يسألني ؟ ليه يحسسني انه مهتم و هو اصلا اللي تركني ؟ .. بسوي نفسي ما سمعت شي .. >> غمضت عيونهاا و حاولت ماةتسمع صوته ....
أنت تقرأ
وش سويتي فينا يا بنت ؟!
Adventureقصه من وحي خيالي تحكي القصة عن فتاه اختارت طريقا صعبا لتنقذ اهلها بأن تصبح فتى ! كم هي جريئه هذه الفتاه عنيده , متهوره و حساسه و كم هي جميله ليقع في حبها اكثر من شخص روايتنا لا تخلو من التشويق , المغامرة و الاكشن و الاثارة هناك مواقف مضحكه , حزين...
