^^ العرض الصاله اللي بقصر وليد و ريهام ..
_______________________________________
حنان : يباا انا سألته و بقول لك كل شي قاله لي .. ( لفت على الدكتور ) شكرا يا دكتور تقدر تروح ..
و قالت له حنان كل شي عن حالة فيصل .. اكيد رح تكون متضايقه و زعلانه لييييه ينساااااهاا ..
ما مرت ربع ساعه حتى وصلت ام فيصل و هي مرعوبه و تبكي .. مع ان ام حنان قالت لها ان فيصل بخير بس قلب الام ...
حنان جلست برى مع امها و علمتها السالفه و ام فيصل راحت داخل ركض تشوف ولدهاا و تتطمن عليه ....
ام فيصل تبكي : ياا حبيبي طممني عليييك !
فيصل : يممممه لا تبكين شوفيني بخير .. بس احس جسمي مكسر شوي ..
ام فيصل : يا حبيبي يا فيصل .. يااا اني خفت عليك .. بغا يوقف قلبي يوم قالت لي ناديه انك مسوي حادث ..
فيصل : الله يهديها خالتي افجعتك علي ..
ام فيصل : كنت قلقانه عليك من اول .. بجلس معك الليله ..
فيصل : لا يا الغاليه انا مافيني شي .. روحي البيت و ارتاحي .. انتي ما جبتي اخواني صح ؟
ام فيصل : لأ ما يدرون عن الحادث لانهم كانوا نايمين ..
فيصل : كويس خليهم و ارجعي لهم البيت .. لو صحوا ما لقوك بيخافون اعرفهم ..
ام فيصل : بس ياا يمهه ....
فيصل قاطعه : لا ينشغل بالك علي والله اني بخير .. الصباح تعالي و جيبي اخواني معك ..
ام فيصل : خلاص حبيبي اللي تشوفه بس خلني اللحين اقعد معك شوي ..
فيصل : اوكيه ..
جلست جنبه ع السرير كل شوي تحب راسه و تمسح ع شعره ...
فيصل : ههههه يمه وش الحنيه اللي عندك ما عرفتك ..
ام فيصل تمسح دموعها : مالي بالدنيا غيرك يااا يمه .. لو رحت انت بمووت ..
فيصل : بسم الله عليك يالغاليه .. لا تقولين كذا .. بعدين عندك اخواني سعد و سعود ..
ام فيصل : هههه الله يخليكم كلكم لي .. و جعلني ما افقد احد منكم ..
فيصل : آمييين .. يمه ابوي ما جا ؟!
ام فيصل : لآ .. يعني مشغول هو .. بس دق ع المستشفى و تطمن عليك ..
فيصل : لا ترقعينها له عادي ما همني والله ..
ام فيصل : حبيبي لا تقول كذا ..
فيصل : ء ء بغيت اسأل .. اممم البنت .. البنت اللي برا مع خالتي .. من تكون ؟!
ام فيصل انصدمت : ما فهمت ؟!
فيصل : من هي واش اسمها ؟ اش علاقتها فيني ..
ام فيصل وقفت تناظر عيونه هو صادق و لا يمزح ! : من جدك تتكلم ؟!
فيصل : ايييه ..
ام فيصل : هذي حنان بنت خالتك ناديه !
فيصل : اييه صححح .. تذكرت بنت خالتي ..
ام فيصل : و بعد هي تكون ..........
قاطعوهم حنان و امها بدخولهم ......
حنان لاحظت على ام فيصل الصدمه : خالتي وش فيك ؟
ام فيصل بوجه مفجوع : يقول ما يعرفكك !! يمه ولدي وش فيه ؟
حنان مسكتها مع ذراعها : تعالي خالتي افهمك كل شي ...
اخذتها برى الغرفه و فهمتها كل شي ... و طلبت منها ما تعلمه انها زوجته .....
بعد دقايق جت الممرضه لغرفة فيصل و طلبت من الكل يطلعون عشان بتعطيه مهدئ و ينام ... ودعوه و طلعوا ..
ام فيصل : لازم احد يبات معه ..
حنان : انتوا ارجعوا للبيت انا ببات معه ..
ام فيصل : بس هووو ....
حنان قاطعته : معليه ياا خالتي حتى لو ما يعرفني ..
ام حنان : خلاص يا مها احنا بنرجع و هي بتقعد مع رجلها .. يمكن لا جلست معه يتذكرها ..
ام فيصل : خلاص اللي تشوفونه ..
ابو حنان : ام فيصل اذا ما عندك سيارة احنا نوصلك ..
ام فيصل : لا والله ما تقصر يا ابو حنان .. جيت مع السواق و هو ينتظرني برى ..
ابو فيصل : كووويس ..
حنان : يممه اذا بتجين بكره الصباح جيبي لي معك ملابس و نقاب .. لان نقابي ضيعته مدري وين ..
ام حنان : ابشري ياا حنان .. و اذا احتجتي اي شي بعد كلميني ..
حنان : ان شاء الله ..
ام حنان : و جوالك خليه مفتوح مو ادق و ما تردين ..
حنان : طيب طيب .. ان شاء الله ..
سلمت عليهاا و ودعتهاا ..
أنت تقرأ
وش سويتي فينا يا بنت ؟!
Adventureقصه من وحي خيالي تحكي القصة عن فتاه اختارت طريقا صعبا لتنقذ اهلها بأن تصبح فتى ! كم هي جريئه هذه الفتاه عنيده , متهوره و حساسه و كم هي جميله ليقع في حبها اكثر من شخص روايتنا لا تخلو من التشويق , المغامرة و الاكشن و الاثارة هناك مواقف مضحكه , حزين...
