بعد مرور سنه على اخر احداث روايتنا ....
في قصر وليد الظهر ...
حنان جت من برى ركض لغرفة المكتب اللي كان قاعد فيها وليد ودفشت الباب و دخلت : لووووووووووودي !! >> اسم الدلع حقه صارت كذا تدلعه 😁
وليد ألتفت عليها شاقه حلقه الابتسامه : هههه حبيبتي شوي شوي ..
حنان تلهث من الركض : هفف متى بس ننقل شقه و ارتاح .. يا طول المسافه و يا بعد مكتبك ..!
وليد : ههههههههههههههه (قام من ع مكتبه و راح لها حط ايدينه ع اكتافها و قعدها ) ارتاحي حبيبتي .. تبين اجيب لك ماي ؟
حنان : اي والله ياا ليت ..
وليد رفع السماعه و طلب من الخدامه تجيب ماي لها ...
حنان بعد ما شربت و ارتاحت : الحمدلله ارتحت اللحين. .
وليد : ايييييه و وش فيك جايه ركض ؟! وش صار ؟!
حنان : ايييي صح نسسسسيت .. (فتحت شنطتها و طلعت ملف اخضر و كانت حدهاا مبسوطه) ابشرك اخيراااا تخرجت من الثانوية و افتكيت ..
وليد ابتسم : كنت عارف انك شطوره و قدها .. الحمدلله اخيرا تخرجتي و افتكيتي ..
حنان : طيب مثل ما وعدتني اذا خلصت الثانويه نروح انا وياك ندرس برا .. لا تكون غيرت رايك ؟
وليد : هههههه لا ابد .. و انا اقدر !
حنان ابتسمت بفرح : حلو حلو يااا اني متحمسه ..
وليد : يا حليلك على أي شيء تتحمسين .. ترا رايحين ندرس ..
حنان : يووهه منك لا تخرب فرحتي .. بروح اكلم سميه وابشرها واسولف معها ..
دق جوال وليد و كان المتصل ماجد ...
وليد ناظرها : اوك حبيبي روحي ..
حنان بفضول : مييين ..؟
وليد ابتسم : لا تخافين مو ريهام هذا ماجد ..
حنان براحه : اهااا زين .. بتطلع معه يعني ؟
وليد : احتمال .. (رد ع الجوال و كلم ماجد و حنان طلعت من الغرفه )
كانت تردد هالكلام ....
حنان ~ الله يا الدنيا ما اصدق اني صرت استحي منهم و ما اكلمهم .. الله لا يعيد هذيك الايام و يا عسى ربي يغفرلي اللي سويته !
نزل وليد يقابل ماجد اللي كان ينتظره بسيارته تحت .. ركب معه و سلم عليه ....
وليد : اخبارك ؟
ماجد : الحمدلله .. وانت ؟
وليد : والله تمام بس زوجتي ذابحتني بغيرتها ههه ..
ماجد : ههههههههه الحال من بعضه ..
وليد ابتسم : وانت بعد ؟!
ماجد : ههههه خلها على ربك بس ..
وليد : انا قعدت افكر ليش تزوجت وانت صغير ؟
ماجد : اسأل نفسك بالاول ههه !
وليد : والله انا تزوجت لاني احبها ولو ما سويت كذا كان راحت مني .. اما ريهام زواجي منها انت تعرف قصته .. بس انت كان قدامك وقت ..
ماجد حط يده ع كتف وليد وهو مبتسم : وانا بعد احبها و عشان كذا تزوجتها بسرعه ...
وليد : ههههه طيب طيب ..
ماجد : الزبده وين تحب نروح ؟
وليد : والله يا اخوي خلنا نروح ع اقرب مطعم هادي لاني ابيك في موضوع مهم ..
ماجد : ابشر من عيوني ..
وليد : تسلم عيونك ..
من جهه ثانيه و في بيت اهل فيصل .. وصل فيصل من الرياض بعد ما راح يمثل جامعته في مؤتمر للبحوث العلميخ هناك واستغرق اسبوع .. الكل كان في البيت ينتظره ع احر من الجمر .. دخل البيت سلم ع امه و اخوانه و قعدوا شوي سوالف ....
ام فيصل : صحيح مر اسبوع بس مستحيل اتعود على غيابك يا فيصل .. حتى لو يومين ..
فيصل : بعد عمري يايمه .. طمنيني عنك .. ابوي ضايقك في غيابي شي ؟!
ام فيصل : لا لا حنا قاعدين في بيتنا الحمدلله معززين مكرمين .. اما ابوك مشغول في المحاكم مع و ابو حنان ..
فيصل باستغراب : للحين ما خلصت قضيتهم ؟؟!
ام فيصل تنهدت بتعب : تعرف ابوك عنده واسطات و دايم يطلع منها .. و ابو حنان مو راضي يستسلم ..
فيصل : كفوو عليه والله ..
ام فيصل سرحت فيه تفكر ....
فيصل ناظرها مستغرب : وين رحتي يا يمه ؟
ام فيصل : قصتك انت و حنان ! .. عجزت وانا افكر فيها .. ليه تطلقت منك ؟ و بعد عدتها جا شخص و وافقت عليه على طول ؟!!
ام فيصل : يمممه !!! كم مره تكلمنا في هالموضوع .. قفليه لاني تعبت وانا احاول انساه ..
ام فيصل : والله عجزت .. ودي اعرف الحقيقه ..
فيصل : قلت لك يا يمه هي ما قدرت تحبني كزوج .. و عشان تنساني وافقت على اول عريس تقدم لها و انتهى ..
ام فيصل : ايييه الله يوفقها .. اما انت رح ادور لك ع العروس اللي تسعدك ..
فيصل : لا واللي يسلمك يا الغاليه مالي نية زواج اللحين ..
ام فيصل بنبرة زعل : وشلون ؟ انا ابي افرح فيك و اشوف عيالك .. لا تحرمني ..
فيصل : خلاص يا يمه نتكلم في هالموضوع بوقت ثاني بروح انام و ارتاح ..
ام فيصل : ههههه واخوانك اللي ينتظرونك عشان تلعب معهم ..؟!
فيصل : بمر عليهم شوي و بعدها بروح غرفتي ..
ام فيصل : طيب لا تنسى بكره نروح نزور خالتك ..
فيصل : ان شاء الله ابشري ..
أنت تقرأ
وش سويتي فينا يا بنت ؟!
Aventuraقصه من وحي خيالي تحكي القصة عن فتاه اختارت طريقا صعبا لتنقذ اهلها بأن تصبح فتى ! كم هي جريئه هذه الفتاه عنيده , متهوره و حساسه و كم هي جميله ليقع في حبها اكثر من شخص روايتنا لا تخلو من التشويق , المغامرة و الاكشن و الاثارة هناك مواقف مضحكه , حزين...
