حنان : لحظه .............
فيصل همس : اش فيك ؟ لتكون غيرت رايك !؟
حنان ما ردت عليه و ناظرت وليد : ودي اسألك .. انت ودك اني اكمل لان الوقت ضيق ما يمديك تجيب غيري ؟ و لا عندك سبب ثاني ؟
وليد تنهد : هذا سبب .. و اسباب غيره كثير .. لما طلعت لك اوراق على اسمي ما خذت مني وقت لانها كانت جاهزه اصلا ننتظر بس صورة اللي بياخذ اسمي عشان كذا طلعت بسرعه .. اما اذا بسوي اوراق ثانيه رح تاخذ مني اقل شي 3 اشهر ..
حنان يعني مالي امل اترك و امشي .. لو تركته و مشيت بكون وحده كذابه و بيكون وليد في مشكله .. بس ورى ما يدرس هو بنفسه ؟
حنان ناظرته بحده : طيب ادرس بنفسك انا ما رح اكمل ...
وليد عصب و انقهر و صرخ : انت مااااااااا تفهم .. ( ناظر ماجد ) .. انا اذا قعدت هنا بأنجن .. فهم الثيران اللي هنا ( يقصد حنان و فيصل ) ..
اخذ وليد جواله و طلع من الشقه نزل ع الكآفي اللي تحت .....
فيصل : الثور هو و اشكاله ...
ماجد : هدواا يا شباااب .. انتوا مو عارفين اش قاعدين تطلبوا لا تلومونه اذا عصب ... حرام عليكم بالبدايه وافقتوا انه يدرس باسم وليد و اللحين بتنسحبوا ..؟
حنان تتذكر اللي صار لها مع هتان و شلته حست بقشعريره بجسمها ..
فيصل ناظرها كان باين عليها الخوف : ماجد قول لخويك انا مستعد اشتغل عنده و ارجع دينه بس حمد لا يدرس ...
ماجد تنهد بتعب : اقعدوا بس افهمكم كل شي ....
حنان & فيصل مستغربين بيفهمهم ايش ؟!
ماجد : ااسمعوني زين ... وليد عنده مشاكل مع اعمامه .. القصه تبدا من لما توفى ابوه قبل 5 سنوات ..قبل لا يموت ابوه كان كاتب بوصيته ان ابوي اللي هو صديق ابوه و شريك مع ابو وليد يتصرف بكل امواله في الشركه لغاية ما يصير عمر وليد 16 ينكتب كل شي باسم وليد يصير هو المتصرف الوحيد ...
حنان : بس وليد صغير على هالامور ..
ماجد : اييه صغير بس لو ابوه ما كتب بوصيته كذا كان اعمامه ما خلوا له شي ... و الى اللحين يحاولوا يطلعوا أي شي على وليد حتى يقدروا ياخذوا منه كل شي .. أي خطأ لو بسيط من وليد ممكن يروح فيها و يخسر كل شي و يبقى وحيد ..
حنان كسر خاطرهاا ..
فيصل خايف لا تغير رايها : ما يهمنا كل اللي تقوله ...
ماجد عصب : كيف ما يهمك ! انتوا اللحين بتسوو لوليد مشاكل .. وليد لانه مستلم شغل ابوه ما يقدر يدرس .. عمه هدده اذا درجاته ما كانت عاليه رح ياخذ منه كل شي .. و في نفس الوقت يبيه يشتغل لانه المتصرف الوحيد باموال ابوه .. وليد احتار يدرس و لا يشتغل اثنينهم مهمين ... اختار انه يشتغل و في نفس الوقت يجيب احد يدرس بداله ..
حنان : يعني ما كان قاصد انه يرتاح من الدراسه و يعيش حياته و يستانس .. هو في البدايه قالنا كذا ..
ماجد : لأ ما كان هذا قصده و ما كان يقدر يقولكم اسبابه .. لانه ما يعرفكم زين .. بس اللحين انتوا صرتوا قراب من وليد .. لازم تعرفوا الحقيقه .. اذا تخليتوا عنه اللحين رح تبينوا لاهله انه فاشل .. و بكذا يكون عندهم سبب انهم ياخذوا كل املاك ابوه منه ..
فيصل : اسبابكم غير مقنعه اذا بغيت الصراحه ..
ماجد : هذا الشي راجع لك كانك بغيت تقتنع او لا .. ما اقدر اقولكم غير انكم صرتوا مع وليد في نفس اللعبه و لازم تكملوا للأخير .. احنا ما نبي احد يطلع خسران ..
فيصل : اللعبه هذي بين وليد و اهله .. انتوا دخلتونا فيها بدون علمنا ..
ماجد : بعد هذا اللي صار .. اذا بتتخلون عنه اللحين براحتكم .. بس ما اضمن لكم اش رح يسوي وليد الى عصب ...
حنان تنهدت و قعدت تفكر ...
لا زال فيصل خايف انها تتراجع عن قرارها .....
أنت تقرأ
وش سويتي فينا يا بنت ؟!
Aventurăقصه من وحي خيالي تحكي القصة عن فتاه اختارت طريقا صعبا لتنقذ اهلها بأن تصبح فتى ! كم هي جريئه هذه الفتاه عنيده , متهوره و حساسه و كم هي جميله ليقع في حبها اكثر من شخص روايتنا لا تخلو من التشويق , المغامرة و الاكشن و الاثارة هناك مواقف مضحكه , حزين...
