الحلقه { 4 }
قمر : يا بنتى نامى بقى انتى كنتى سكته من شويه بطلى عياط هووووو هووووو نامى يا قطه نامى يا حلوه
مش عوزه تنامى ليه خلينى احلم واشوف هروح ولا لا
يا حببتى انتى عيونك حلوه اوى طلعه لماما ولا لبابا اكيد ماما يلا انا غيرتلك نامى خليكى حلوه
( ونامت قمر بس محلمتش بحاجه وقرارت انها ترجع ما هى كده كده هتفضل دادا فا ولاد اختها اولى بيها من الغريب )
هبه : طب وعاوزه تمشى ليه ؟
قمر : معلش عندى ظروف فى مش هقدر اكمل
وفاء : طب استنى لما نلاقى حد غيرك البنت هتقعد مع مين ؟
قمر : يا ريت اقدر بجد مش هقدر انا اسفه اشووف وشكم بخير
**** ( بقلم هند محمد @isis Mohamed ) ****
( سافرت قمر على اسيوط وهى خايفه من اخوها وابوها ولاكن من جوها كانت بتقول )
قمر : انا هعمل خير هربى ولاد اختى اكيد محدش هيعملى حاجه ممكن غريب يضربنى او ابويا لاكن اكتر من كده لا
( وصلت قمر المحطه فى اسيوط وراحت على البيت )
ام قمر : انتى جيتى يا كلبه يا بنت الكلاب
قمر : ماما غريب وعدنى هو وشعبان لو رجعت محدش هيعمل فيا حاجه
غريب : انا مش قولتلك تيجى باليل جايه ليه دلوقتى فى النهار
قمر : معاد القطار اعمل ايه انتو وعدتنى مش هتعملى حاجه
ام قمر : كنتى فين بقالك 3 ليالى ؟
قمر : عند ناس طيبين اوى والله ماحدش عمالى حاجه انا جايه اربى ولاد اخواتى ولو مصممين اتجوز شعبان حاضر بس من غير ضرب
غريب : ادخلى اوضتك دلوقتى وبليل لينا كلام تانى
قمر : هما العيال فين ؟
"
"
"
انتو مش بتردو عليا ليه ؟
غريب : ادخلى اوضتك دلوقتى
قمر : هو فى ايه انته ليه بتكلمنى كده انا رجعت عشان ولاد اختى انته مش هتعمل فيه حاجه صح
( بصلها غريب من فوق لتحت وخرج باره البيت )
( وبليل بعد اساعه 12 )
غريب : قومى معايا
قمر : هنروح فين ؟
غريب : متسئليش قومى البسى ده وحطى الطرحه دى على وشك مش عاوز وشك يبان
قمر : هنروح فين وليه مش عاوز وشي يبان
غريب : خلصى بسرعه البسى حتى على هدومك دى مش لازم تغيرى
أنت تقرأ
ملك يمينى ( قمر و عمر )
Romanceقصه اجتماعيه رومانسيه دراميه تناقش كل المشاكل التى تقابل اى زوج وزوجه فى حياتهم الزوجيه من غيره وشك ومصروف البيت والاولاد مشاكل موجوده فى كل بيت مصرى وعربيى فى قالب درامى رومانسى بقلمى انا هند محمد isis.mohamed@yahoo.com انا بدأت كتابت هذه القص...
