الحلقه 16
هبه : حمدالله على السلامه ها يا ايمن هنسلم قريب ان شاء الله
ايمن : هنسلم ايه هى فى حاجه اتبنت اصلا
هبه : نعم ايهاب انته مش قولتلى ان احنا خلصنا 70% من الشاليهات
ايهاب : دا كلام المهندسين ليه مكنتش شوفت الحقيقه ؟
هبه : وايه بقى الحقيقه ؟
ايمن : الحقيقه ان مفيش مسمار اتدق فى الارض حتى الاساسات مفيش اى حاجه الارض لسه صحرا
هبه : ايه ازاى طب والفلوس اللى انا كل يوم بدفعها والعمال اللى هناك
ايمن : العمال اه هو فين العمال صحيح يا ايهاب انا مشفتش قطه معديه اصلا فى الموقع والله انا حاسس انك ودتنى مكان غلط
هبه : لا دى تبقى سرقه علانى
ايهاب : انا كنت بتابع مع المهندسين وهما اللى كانو بيدونى تقرير غلط اعمل ايه
ايمن : المهندسين اللى هناك من اول يوم شغل من حوالى 7 شهور مئخدوش جنيه واحد
ايهاب : هو انا شفت شغل عشان اديهم فلوس
هبه : اطلع باره
ايهاب : انتى قد الكلمه دى
هبه : بقولك اطلع باره
( خرج ايهاب وهو بيطق شرار )
هبه : الحل ايه يا ايمن ؟
ايمن : حل ايه بقولك مفيش مسمار اتدق واحنا لازم نسلم كمان 5 شهور ومفيش سيوله ؟
هبه : طب يعنى هندفع الشرط الجزائى وطبعا كمان الفلوس اللى اختها
ايمن : هو فى حل بس ممكن مانلحقش
هبه : ايه ؟
ايمن : 50 شاليه لواحنا رامينا الحمل على شركتين كمان من الباطن وهما يبنو معانا ممكن ساعتها نلحق والفلوس اللى معانا
هبه : بس انا عمرى ما عملت كدا
ايمن : شركات كتير بتعمل كده انا اعرف اكتر من مقاول ممكن انا لو كلمتهم يقفو جنبى ومش هيسبونى
هبه : طب انته ضامنهم ؟
ايمن : طبعا اه هما شركتين صغيرين بس عندهم امكنيات وبعدين كمان هما هيكسبو معنا وكفايا انهم هيمولونا الفلوس اللى معنا يادوب تبنى 20 شاليه الباقى انا هوزعهم وانا هتابعهم متقلقيش اهم حاجه الشغل اللى فى القاهره انتى تتبعيه بنفسك وحولى تسلميه فى اقرب وقت
هبه : اكيد انا ووفاء هنروح المواقع كل يوم
ايمن : خلاص ربنا معانا بس يا رب ميحصلش حاجه توقفنا
هبه : الحمد لله كمان ان الشاليهات دى احنا هنسلمها بس طوب احمر يعنى لو ليل نهار اشتغلنا احتمال نسلمها قبل الوقت
أنت تقرأ
ملك يمينى ( قمر و عمر )
Romanceقصه اجتماعيه رومانسيه دراميه تناقش كل المشاكل التى تقابل اى زوج وزوجه فى حياتهم الزوجيه من غيره وشك ومصروف البيت والاولاد مشاكل موجوده فى كل بيت مصرى وعربيى فى قالب درامى رومانسى بقلمى انا هند محمد isis.mohamed@yahoo.com انا بدأت كتابت هذه القص...
