الحلقه 52
فريد : ينهار اسود ايه اللى مكتوب فى الجرايد ده ايه الصوره دى
الو ايوه يا زفته انتى فين ؟
هبه : ايوه يا فيرى انا على البحر ؟
فريد : انتى لابسه ايه ؟
هبه : قاعده على البحر وفى شارم الشيخ هلبس ايه يعنى بيجامه لابسه مايوم وباخد تان هو فى حاجه
فريد : فى دا انا هاجى انط فى كرشك دلوقتى
هبه : انته بيئه اوى على فكره عاوز ايه طيب دلوقتى ؟
فريد : امشى انجرى على الاوضه داليا فين وماما فين ؟
هبه : داليا فى البحر وماما جنبى وعماله تستغفر وتحسبن مش عارفه ليه
فريد : بتحسبن عليكى يا بعيده نهار اسود وداليا وامى لبسين ايه ؟
هبه : مامتك عابايا والطرحه وداليا نزلت جبتلها بقى حتة مايووو بيكينى قطعتين لونو فوشيا يجنن عليها
فريد : يا بنت الورمه قومى انجرى على الاوضه لمى الحاجه وانزلى على القاهره انتى فضحتينى
هبه : هو فى ايه انته مدايق ليه ؟
فريد : ابدا بفتح الجرايد الاقى زوجة الداعيه فريد محمود بالبكينى عادى ادايق ليه دا انا لو شوفتك قدامى هنفخك دلوقتى
هبه : طب وايه المشكله ؟
فريد : اخلاصى خدى ماما وداليا وروحى على الاوضه
هبه : لا انا الجو حلو وعاجبنى وشويه هنزل البحر كمان
فريد : هبه اسمعى الكلام
هبه : لا وسلام بقى
( وقفلت فى وشو )
فريد : انا خلاص اتفضحة هدخل الاجتماع ازاى دلوقت هقول للوزير ايه ولا لاصحابى ( لسه ما كملش كلامو والوزير نده عليه )
الوزير : شيخ فريد لو سماحة عاوزك
فريد : تحت امرك خير
الوزير : الصوره اللى فى الجرنال دى للمدام بتعتك ؟
فريد : الحقيقه اه بس اصل هى مراتى يعنى من بيت متفتح واللبس ده عندها عادى وكمان انا لسه مزعقلها بس
الوزير : المفروض انته ومراتك تكونو قدوه للناس ايه اللى هى لبساه ده ؟
فريد : انا لسه قافل معاها والله ومتخانق معاها هى دماغها كده طب اعملها ايه ؟
الوزير : والله انا مقدرش اقولك تعمل ايه مع اهل بيتك بس حاول تحكم وتسيطر شويه انا مش هقولك الربنا قال ايه فى تربية الزوج لزوجتو
عظها وهجرها ولو متعدلتش اضربها
فريد : انا اسف بجد بس انا لسه متجوزها جديد وهى بنت ناس جدا وسيدة اعمال فا المايوهات والحاجات دى عندهاعادى
أنت تقرأ
ملك يمينى ( قمر و عمر )
Romansaقصه اجتماعيه رومانسيه دراميه تناقش كل المشاكل التى تقابل اى زوج وزوجه فى حياتهم الزوجيه من غيره وشك ومصروف البيت والاولاد مشاكل موجوده فى كل بيت مصرى وعربيى فى قالب درامى رومانسى بقلمى انا هند محمد isis.mohamed@yahoo.com انا بدأت كتابت هذه القص...
