الحلقه 28
رامى : صباح الخير يا نجم ايه كل ده نوم
عمر : انا بقالى يومين ما نمتش كنت تعبان اوى
رامى : بص بقى انهاردا فى فرحين واحد شغل والتانى ابن واحد صاحبنا
عمر : يعنى هنسهر طيب ماشى
رامى : هو فى حد عندك ولا ايه ؟
عمر : اه دى قمر بقالها عندى اسبوع بنت المجنونه مش عاوزه تخلى البنت عندها تقولى شيل مسؤلية بنتك
رامى : طب ايه ؟
عمر : ايه ؟
رامى : مش حلو يعنى تقعد انته وهى كده
عمر : هو انا بشوفها اصلا انا اصحى من النوم انزل الشغل وعلى طول معاك برجع مهدود بنام هو انا بشوفها اصلا وبعدين قمر بنت محترمه اوى
رامى : انا بس خايف من الصحافه مش ناقصين
عمر : لا متخفش وبعدين حتى لو الصحافه كتبت عادى دى البيبى سيتر مش اكتر عادى بقى
رامى : طيب ماشى نسيت اقولك الاسبوع اللى جاى يوم الحد هنسافر لبنان
عمر : بجد طب فيها فلوس حلوه ؟
رامى : الله اكبر يا نجم ان شاء الله مبلغ حلو
عمر : ماشاء الله مش عاوز تفطر
رامى : لا انا فطران فى البيت شهد كانت عامله فطار انهاردا
عمر : ليه هى مش بتعمل فطار كل يوم ؟
رامى : لا طبعا لما تكون عاوزه فلوس بس بتفطرنى لاكن مش عاوزه حاجه تقولى افطر فى الشغل
عمر : انا من ساعت ما قمر جات قعدة معايا لازم تفطرنى قبل ما نزل وارجع بليل برضو تكون نايمه تصحى تعشينى بجد ربنا يكرمها
رامى : طب ما يلا عشان نلحق نشوف الشاعر وكمان عشان ننزل نشترى حاجات للبنان
عمر : ماشى انا هقوم البس
( دخل عمر الاوضه بتعتو عشان يلبس )
عمر : ايه ده انتى بتعملى ايه فى قميصى ؟
قمر : انا كنت بشوف محتاج غسيل ولا لا
عمر : اه طيب بصى اى قميص اقلعو اغسليه حتى لو مش محتاج غسيل اغسليه برضو
قمر : حاضر
احضرلك فطار ؟
عمر : لا انا هفطر باره خلي بالك انتى بس من نهال
قمر : مس هبه قالتلى اروح اودلها نهال تشوفها اروح ؟
عمر : طيب ماشى بس تعالى بدرى ما تمشيش متئخر بليل
قمر : حاضر ما هى اول ما تقولى امشى انا بمشى
عمر : لا هتروحى على كام ؟
أنت تقرأ
ملك يمينى ( قمر و عمر )
Romanceقصه اجتماعيه رومانسيه دراميه تناقش كل المشاكل التى تقابل اى زوج وزوجه فى حياتهم الزوجيه من غيره وشك ومصروف البيت والاولاد مشاكل موجوده فى كل بيت مصرى وعربيى فى قالب درامى رومانسى بقلمى انا هند محمد isis.mohamed@yahoo.com انا بدأت كتابت هذه القص...
