الحلقه 31
شهد : هو على حسب الضرر يعنى لو حد محتاج فلوس لازم تقف جنبو الفلوس لما بندفعها فى الخير بتذيد مش بتقل
رامى : لا مش فلوس حد من اصحابى عمل حادثه وهو لوحدو مش معاه حد محتاج حد يبقى جنبو بس هو عيان ممكن اتعدى منو ولو اتعاديت ممكن اموت
شهد : بعد الشر عليك يا عمرى بس هو عندو ايه ؟
رامى : عندو فيرس كده بس زى الوباء
شهد : اعوزو بالله طب هو معندوش ابو امو اخواتو
رامى : اه عندو اخت وكمان فى شغاله عندو
شهد : خلاص اهلو اولى بيه هو مين ده ؟
رامى : لا واحد متعرفهوش
بس يعنى لو انا اتخاليت عنو انا مبقاش ندل وواطى
شهد : بصراحه ومتزعلش ؟
رامى : لا قولى
شهد : انته تبقى ندل وواطى وحيوان
رامى : طب نامى بقى نامى
هو ان شاء الله يبقى كويس وكمان زى ما قولتى اختو اولى بيه انا اخاف اتعدى منو
**** ( بقلم هند محمد @isis Mohamed ) ****
قمر : ها كده حلو
عمر : متشكر اوى يا قمر بجد انا مكسوف منك اوى
قمر : انا دهنتلك والله ما بصيت وكلو تحت البطانيه والله ما شوفت حاجه
عمر : ( قعد يعيط )
قمر : بتعيط ليه تانى بس عشان خطرى بكرا تبقى كويس
عمر : انا صعبان عليا نفسى صاحبى وعشرة عمرى عارف انى لوحدى ويسبنى كده
قمر : لا مش لوحدك انا معاك اهو
عمر : متسبنيش يا قمر انتى كمان
قمر : اسيبك اروح فين بس هو انا اقدر اسيبك ولو سبتك هروح فين مانته عارف مقدرش ارجع لاهلى ومليش حد يعنى بيتك هو المقوى الوحيد ليه
انته اللى متسبنيش وخلينى معاك على طول خدمتك وتحت رجلك
عمر : انتى فوق راسى يا قمر
قمر : طب المهم انته جوعت ؟
عمر : لا مش قادر
قمر : لا هعمل شوية شوربه وحتى عشان تاكلهم بسرعه هشربك بشفاطه اسرع
عمر : انا بتعبك اوى
قمر : متقولش كده
عمر : قمر متقوليش لحد انى عيان حتى عفاف وايمن
قمر : طب اقولهم ايه انك سافرت المغرب زى ما قولت لمس هبه ؟
عمر : انتى قولتى لهبه كده طب كويس اه قوللهم كده
أنت تقرأ
ملك يمينى ( قمر و عمر )
Romanceقصه اجتماعيه رومانسيه دراميه تناقش كل المشاكل التى تقابل اى زوج وزوجه فى حياتهم الزوجيه من غيره وشك ومصروف البيت والاولاد مشاكل موجوده فى كل بيت مصرى وعربيى فى قالب درامى رومانسى بقلمى انا هند محمد isis.mohamed@yahoo.com انا بدأت كتابت هذه القص...
