ملك يمينى ( قمر و عمر )

الحلقه { 7 }

الحلقه 7

ايمن : طب احكلنا انتى بقى ابو رجل مسلوخه كده لما اشوف بتحكى حلو ولا ايه ؟

قمر : كان يا مكان يا سعد يا اكرام وما يحلى الكلام الا بذكر النبى عليه الصلى والسلام

كان فى مدينه كبيره جوه المدينه دى بيت كبير اوى مهجور وكان الاشجار مغطيه على البيت كتير اوى لدرجة ان محدش يقدر وهو معدى من برا البيت يشوف فى ايه جوا

بس كل الناس كنت بتقول ان جوا البيت الكبيره راجل رجليه مسلوخه وشكلها وحش اوى واى حد بيدخل جوا البيت مش بيطلع تانى ابو رجل مسلوخه بيموتو ويدفنو فى الجنينه فضلت الناس تردد الكلام ده سنين وسنين لحد ما كلهم بقو مصدقين ان اللى جوا البيت ده راجل متوحش بيموت الناس ويمكن كمان يكون بياكلهم لانهم لما بيدخلو مش بيطلعو تانى

فا كل الناس قرارو ان اى حد يعمل حاجه غلط يروحو مدخلينو للراجل ده نوع من العقاب عشان يخلصو منو

حتى التلاميذ فى المدارس اى حد مكنش بيعمل الواجب 3 مرات كانو بيدخلوه عند ابو رجل مسلوخه والتلميذ اللى يدخل مكنش بيخرج خالص

وفى يوم من الايام جه ولاد معملش الواجب

فا المدرس كتب اسمو فى دفتر العقوبات

والمدرس انذرو قالو فضلك مرتين لو معملتش الواجب هندخلك لابو رجل مسلوخه

ولاكن الولد ده مهمهوش وقال بقى كده طب انا مش عامل الواجب واعملو اللى انتو عوزينى

راح تانى يوم وبرضو معملش الواجب

فا المدرس راح لابوه وامو قالهم ابنكم فاضلو مره لو ماعملش الواجب انه هيدخلوه ابو رجل مسلوخه ومش هيطلع ابدا زى الناس اللى قبلو

ابوه وامو فضلو ينصاحوه ويقولولو اكتب الواجب وهو مصمم انو ميعملش الواجب ولاكن عشان هو ولد شاطر كتب الواجب عشان يسمع كلام ابوه وامو

وهو رايح المدرسه رمى الكراسه فى الطريق ولما سئلو المدرس فين الواجب قالو معملتوش انا بقى عاوز اروح لابو رجل مسلوخه

طبعا المدرس مكنش يقدر يسمحو عشان باقى التلاميذ متعملش زيو

وفعلا راحو للقاضى وحكم انو غلط 3 مرات ولازم يروح للبيت اللى فيه ابو رجل مسلوخه

ويوم تنفيذ الحكم

الولد كان فرحان اوى وسعيد جدا انو هيدخل البيت الغريب ده اللى محدش شافو ابدا واخيرا هيشوف الشخص اللى كل الناس بتخاف منو

كل الناس كانت بتودعو فى الطريق اللى يوقلو عملت كده ليه واللى يقولو ابوك وامك حرام عليك

وهو ولا هنا كان فرحان جدا

الغريب واللى استغرب منو الولد ان بوابة البيت كانت مفتوحه ومش مقفوله لا من باره او من جوا الناس راحت فتحت الباب ودخلوه وراحو قفلو الباب عليه