الحلقه 40
هبه : الو ايوه يا قمر انتى فين ؟
قمر : انا عند مس عفاف
هبه : طب تعالى عشان البنت بتعيط
قمر : حاضر جايه طب فين فى الفيلا ولا فين
هبه : فى الزمالك هبعتلك العنوان تركبى تاكسى وتوريه العنوان هيجيبك بسرعه يا قمر البنت بتصرخ باقلها 4 ساعات
قمر : يا حبيبة قلبى انا هجيلك حاضر ابعتى العنوان بسرعه طيب
هبه : هقفل وابعتهولك سلام
عفاف : انتى راحه فين ؟
قمر : راحه لنهال من ساعة ما اخدتها مس هبه والبنت بتسرخ مش ساكته صوتها فى التليفون قطع قلبى
هى بعتت العنوان اهو
عفاف : فين بقى الهانم سكنه فين ؟
هبه : فى الزمالك
عفاف : طب وانتى هتروحى كل المسافه دى لوحدك
قمر : هركب تاكسى
ام ايمن : تعالى هنا متروحيش فى حته
قمر : البنت بتعيط حرام
ام ايمن : خلى امها تساكتها مش هى عامله فيها الام المثاليه هى وصاحبتها امبارح كانت قاعده زى الضربه ومضروبه على قلبها اوعى تروحى
قمر : بس نهال بتعيط
ام ايمن : زى ما راحت واخدت البنت من بيت عمر تجبها هى
احنا مش خدامنها
عفاف : بس البنت يا ماما بتعيط انتى شوفتيها امبارح دى مش بتنزل من على ايد قمر
ام ايمن : ما عشان كده خليها تقعد بكرمتها هنا هى اللى تجبها لو هى راحتلهم هيديقوها
دى شيلاها فى عنيها والبنت مخلياها زى الفل
قمر : بس انا مش هاين عليا
ام ايمن : اعملى لنفسك كرامه انهاردا عشان يتعلمو انك مش بكلمه تروحى وكلمه تيجى
انتى اللى تمسكيها من رقبتها
وبعدين هى اللى محتجاكى مش انتى اللى محتجاها
قمر : بس لو هى بقى جابت بيبى سيتر غيرى انا هعمل ايه وهروح فين ؟
ام ايمن : بنتا مفتوح دانتى قد سهر والله انا حبيتك زى بنتى اسمعى كلامى ومتروحيش انا زى امك خلى عندك كرامه
( تليفون قمر رن )
قمر : دى بتتصل
عفاف : طب هاتى اكلمها
الو ايوه يا هبه ؟
هبه : هى الزفته قمر نسيت الموبيل ولا هى لسه عندك
أنت تقرأ
ملك يمينى ( قمر و عمر )
Romanceقصه اجتماعيه رومانسيه دراميه تناقش كل المشاكل التى تقابل اى زوج وزوجه فى حياتهم الزوجيه من غيره وشك ومصروف البيت والاولاد مشاكل موجوده فى كل بيت مصرى وعربيى فى قالب درامى رومانسى بقلمى انا هند محمد isis.mohamed@yahoo.com انا بدأت كتابت هذه القص...
