ملك يمينى ( قمر و عمر )

الحلقه ( 37 )

الحلقه 37

عمر : انته ايه جابك تانى انا مش قولت خلاص مش عاوز اشوفك

رامى : انا اسف حقك عليا

انا عارف انى واطى وجبان وحيوان كمان بس احنا اصحاب واخوات

عمر : وجاى عشان اسمحك لا معلش انته كان قدامك فرصه انك تقف جنبى وتكون صاحبى واخويا بجد لاكن انته خفت على نفسك

وسبتنى ومهمكش انا هيحصلى ايه

رامى : انا كل شويه كنت بكلم قمر

عمر : كانت بتقولى كنت بتكلمنى حوالى 6 مرات فى اليوم

بس انته قولتلى هروح اجيب حاجات واجيلك وروحت ومرجعتش تعرف ساعتها انا كنت محتاجك اوى او على الاقل محتاج راجل جنبى اسند عليه وانا قايم من السرير وانا مش قادر اقوم

وانا بدهن المرهم وبخلى بنت غريبه عنى بدل صاحبى واخويا هو اللى يدهنلى واتكشف عليه وانا مش مكسوف ولا محرج من بنت غريبه عنى

طب تصدق بقى قمر طلعت ارجل منك وقفت جنبى ومخفتش على نفسها زيك

هى وايمن

رامى : انا اسف بجد مستعد اعمل اى حاجه عشان تسامحنى

عمر : مش عاوز اشوفك تانى

رامى : حاضر همشى بس سامحنى اشوف وشك بخير

( قام رامى وراح عند الباب وفتحو )

عمر : رامى انته صحيح واطى وجبان بس فى الاخر صاحبى واخويا الواطى

رامى : هههههههه طب ايه امشى يعنى ولا

عمر : انته شايف ايه ؟

رامى : انا شايف انى لازم تدخل فى حضن اخوك يا عمر

عمر : ( فتح دراعتو لرامى ) يلا فى حضن اخوك

رامى : ( قرب منو وهو متردد ) طب هو انته خفيت الحمد لله ولا ممكن تنقل العدوى لحد ؟

عمر : امشى يا واطى

**** ( بقلم هند محمد @isis Mohamed ) ****

هبه : كده برضو يا وفاء اتصل بيكى تلحقينى تسبينى كده

وفاء : طب اعمل ايه حسام قالى مفيش نزول معرفتش اعمل ايه غصب عنى يا هبه انتى عارفه انا ممكن اعمل عشانك ايه

المهم وبعد ما الشيخ فريد طلعك من القسم عملتى ايه ؟

هبه : روحت على الشقه قاعت اعيط على الحال اللى وصلتلو لحد ما نمت من التعب وصحيت جيت على هنا

وفاء : اللى عملتيه ده جنان مفيش واحده عقله تعمل كده

هبه : طب قوليلى اعمل ايه ارجع لعمر ازاى احط رقبتى تحت رقبة ايهاب واسيبو يتحكم فيه ولا اعمل ايه ؟