الحلقه 58
الحلقه الاخيره ( الجزء الاول )
عمر : اخوها ايه يا سهر انتى بتقولى ايه فهمينى ؟
سهر : افهمك ايه بقولك غريب اخو قمر جالنا المعهد واخدها ومشى وهى قالتلى اقولك كده انها هتمشى مع غريب
عمر : يانهار اسود ومتعرفيش راحو فين ؟
سهر : لا اكيد مشيو بيتهم احسن ربنا رحمها منك هتقعد بقى فى بيت اخوها مرتاحه
عمر: اخوها شفها فين ردى عليا
سهر : هو جالنا على المعهد وبعدين متزعقليش كده انا مش شغاله عندك
ام ايمن : مين ده اللى بيزعقلك يا سهر ؟
سهر : عمر بقولو قمر مشيت مع اخوها بيزعقلى
ام ايمن : طب هاتيه اشوفو مالو
الو ايوه يا عمر انته بتزعق لسهر ليه ؟
عمر : دا انا لو شوفتها هنفخها دلوقتى
ام ايمن : تنفخها ليه هى عملت ايه ؟
عمر : اداهنى لما افهم منها ادهانى ولا انا جيلكم انا جاى
( وقفل )
عمر : رامى حسام مصيبه غريب عرف مكان قمر
رامى : يا نهار اسود عرف مكنها ازاى ؟
حسام : غريب ايه هو فى ايه ؟
رامى : هفهمك فى الطريق بس هنعمل ايه دا ممكن يقتلها
عمر : متقولش يقتلها انا ممكن اموت لو قمر حصلها حاجه ان شاء الله نلحقها
يلا نروح لعفاف بسرعه
رامى : عفاف ايه احنا نروح محطة القطار ولا الموقف هنروح لعفاف ليه مش يمكن ماركبوش
عمر : اه صح طب يلا بينا
رامى : حسام خد رامى انته وروح على الموقف وانا هروح محطة القطار عشان نكسب وقت
حسام : طب فهمونى طيب انا مش فاهم حاجه
عمر : تعاله وانا هفهمك وانته بسرعه يا رامى
**** ( بقلم هند محمد @isis Mohamed ) ****
ايهاب : مالكم فى ايه انتو الاتنين
هبه : انا ندمانه
ايهاب : جايه تندمى دلوقتى ؟
وفاء : يا ترى سهر عملت ايه انا نفسى اعرف
انا هكلمها
ايهاب : اوعى تعملى كده يا خبر بفلوس بكرا يبقى ببلاش
وفاء : قمر لو حصلها حاجه انا مش هسامح نفسى صحيح انا مش بحبها بس هى معملتليش حاجه
ايهاب : بقولك ايه ما بلاش كلام الستات ده انتو كنتو عوزين تبعدوها واهها بعدة مترجعوش تندمو بقى
أنت تقرأ
ملك يمينى ( قمر و عمر )
Romanceقصه اجتماعيه رومانسيه دراميه تناقش كل المشاكل التى تقابل اى زوج وزوجه فى حياتهم الزوجيه من غيره وشك ومصروف البيت والاولاد مشاكل موجوده فى كل بيت مصرى وعربيى فى قالب درامى رومانسى بقلمى انا هند محمد isis.mohamed@yahoo.com انا بدأت كتابت هذه القص...
