ملك يمينى ( قمر و عمر )

الحلقه ( 25 )

 

الحلقه 25

ام قمر : مش فهمه يعنى ايه دا انا زى امك هتكلفى نفسك ليه

تريز : انا هقولك على حاجه قولت محدش يقدر يفيدنى فيها غيرك

ام قمر : خير يا تريز انا عيونى ليكى

تريز : انتى عارفه انى خلاصة الجامعه الزراعه وقعت فى البيت واتجوزت وهانى بقى رافض يخلينى اشتغل فضلت وراه لحد ما وافق اعمل مشروع صغير كده بس كان مشكله فى المكان

انا بقى فكرت فى الاوضه اللى ورا البيت اللى كنتى مربيه فيها طيور زمان

ام قمر : اه بس دى انا قفلاها من ساعت ما قالو على ان فى انفلونزا الطيور وانا ماجبتش حاجه والله كانت ما باجبش فرخه من باره ولا حتى بيض دلوقتى بقى كلو بشتريه من باره

تريز : شفتى بقى الحاجات دى خير فى البيت بس احنا مش هنربى فراخ عشان الحكومه احنا هنجيب بطريات ارانب ومتخفيش يا خالتى انتى مش هتعملى اى حاجه انا هعمل كل حاجه وكمان هئجر منك الاوضه وكمان تدخلى شريكه معايا لو تحبى

ام قمر : اه ادخل معاكى بس يعنى الحال زى مانتى شايفه انا مش معايا فلوس دلوقتى ؟

تريز : ولا يهمك انا هدفع بعد كده ابقى اخصم من فلوس الارانب اللى هبعها

ام قمر : بجد يا تريز ربنا يكرمك يا رب

تريز : هتئجريلى الاوضه بقى بكام ؟

ام قمر : اللى تقولى عليه دانتى زى بنتى

تريز : خلاص هديكى 100 جنيه كل شهر للاوضه والمكسب بقى زى ما ربنا يكرمنا 200 فى الشهر

250 او 500 زى ما ربنا يكرم بس انا ليا شرط يا خالتى

ام قمر : خير ؟

تريز : انا ماحبش حد يدخل على الحاجه بتعتى يعنى انا وانتى بس اللى ندخل نشوفهم الحاجات دى بتتنظر

ام قمر : اه عندك حق

تريز : يعنى مرات غريب ماتدخلش

ام قمر : اقولك انا هديكى المفتاح وانتى بقى اشتغلى برحتك انا بعد ما قمر ربنا افتكرها مابقتش قادره اعمل حاجه يا دوب شوية الاكل خودى المفتاح اهو وابتدى وقت ما تحبى ولو عوزتى حاجه قوليلى

تريز : ماشى يا خالتى خودى بقى 5 شهور أيجار مقدم عشان لو مقدرتش ادفع فى اول كام شهر يكون معاكى تعويض

ام قمر : بس ده كتير اوى

تريز : لالا مش كتير ده حقك

ام قمر : طب خودى 250 جنيه مش قولتى انا هبقى شركتك

تريز : ايوه بس انا لسه ماجبتش حاجه

ام قمر : طب ما فلوس اللى هتجيبى بيها انا مينفعش ابقى شريكه مع حد وانا مدفعتش حاجه خودى وبعدين ما هى فلوسك اصلا