الحلقه 38
حسام : ها يا دكتور طمنى ارجوك
الدكتور : "
"
انتى اول الجواز كنتى بتخدى موانع حمل ؟
وفاء : اه اخدة حبوب حوالى 6 شهور بس
الدكتور : اختى من نفسك كده ولا دكتور هو اللى كتبهالك ؟
وفاء : لا انا واحده صحبتى كانت بتخدو وقالتلى عليه حلو فا جبتو
الدكتور : قالتلك عليه حلو على اساس انو نوع اكله جديده او محل لبس بتجربيه
حسام : مين صحبتك دى اكيد هبه صح ؟
وفاء : اه المهم يعنى دلوقتى المشكله فين ؟
الدكتور : هو المشكله الحبوب دى عملتلك كسل فى التبويض بحيث ان البريود مش مظبوطه صح مش كل شهر بتيجى ؟
وفاء : لا مش كل شهر
الدكتور : بسبب الحبوب طيب انا هكتبلك حقن تمشى عليها دى منشطات وان شاء الله لو محصالش حمل خلال ال 3شهور الجاين هنعمل حقن مجهري ومتقلقوش دا شئ عادى جدا
حسام : يعنى الحبوب دى هى السبب صح
الدكتور : ايوه مش المفروض اى واحده تاخودها من نفسها لان كل حاله ليها حبوب خاصه بيها مينفعش حبوب منع الحمل تتاخد كده لمجرد واحده صحبتنا قالت
حسام : عندك حق والله
وفاء : وانا مالى ما هبه قالتلى دا حلو خوديه
الدكتور : اه حلو طعمو بقى ولا رحتو اصلها بتفرق
حسام : ههههههههه
وفاء : انته مالك قرفان كده ليه غلط فيها ايه المشكله مش كبيره يعنى
الدكتور : الدوا ده تخديه بأنتظام وتجونى كل يوم 30 فى الشهر عشان نشوف وصالنا لايه التفضلو بقى
**** ( بقلم هند محمد @isis Mohamed ) ****
عمر : قمر يا قمر
قمر : نعم نعم انا سمعاك بس بيكون فى ايدى حاجات لما تنده اصبر شويه وهجيلك
عمر : انتى اخاتى عليا اوى يا قمر وبقيتى تزعقيلى
قمر : مانا بغير لنهال وانته نازل قمر قمر قمر كنت عاوز ايه ؟
عمر : ماشى المهم لقيت ولد ممتاز كاتب اغانى تحفه وكمان صحبو ملحن شفتى الحظ
قمر : عشان تعرف انى افكارى عبقريه
عمر : انا نازل اقبلو بقى عاوزه حاجه من تحت
قمر : لا انا بنزل الصبح بشترى كل حاجه
عمر : طيب انا هتاخر نامى انتى متستننيش
قمر : ماشى حاضر
أنت تقرأ
ملك يمينى ( قمر و عمر )
Romanceقصه اجتماعيه رومانسيه دراميه تناقش كل المشاكل التى تقابل اى زوج وزوجه فى حياتهم الزوجيه من غيره وشك ومصروف البيت والاولاد مشاكل موجوده فى كل بيت مصرى وعربيى فى قالب درامى رومانسى بقلمى انا هند محمد isis.mohamed@yahoo.com انا بدأت كتابت هذه القص...
