الحلقه 43
هبه : تتجوزنى انا
فريد : اه ولا انتى مش عاوزه
هبه : انا صعبانه عليك صح
فريد : لا طبعا بس بجد انا مشدودلك اوى
هبه : بس انا
فريد : عارف ان ظروفك وحشه واعصابك تعبانه بس لما نكون مع بعض اكيد هتقدرى تعدى المرحله دى وانا معاكى
هبه : طب انا ليا طلب انا مش عاوزه اقعد فى البيت انا عاوزه افضل اشتغل
فريد : برحتك انا موافق
هبه : وتحلفلى انك عمرك ما تخونى ابدا
فريد : اخونك لا طبعا استغفر الله مستحيل اعمل كده
هبه : ههه ( بخجل ) خلاص موفقه
فريد : طب رقم اخوكى او ابوكى عشان اطلبك منهم معاد واخطبك رسمى منهم
هبه : مش لازم مش انا موفقه خلاص هما مش لازم
فريد : ايوه بس يعنى الاصول
هبه : اصل بابا مش عايش فى مصر وهو اصلا
فريد : طب اخوكى
هبه : دا رقمو بس بيتهيقلى برضو انو مسافر
فريد : هجرب برضو
هبه : ماشى تصبح على خير
فريد : وانتى من اهل الخير
**** ( بقلم هند محمد @isis Mohamed ) ****
حسام : تصدقى انك معنديكش شخصيه ولا كلمه
وفاء : شكرا ليه بقى عملت ايه ؟
حسام : انتى مش امبارح قولتيلى انا مش هكلم هبه ولا هعبرها تانى
وفاء : انا وهبه اخوات واصحاب ومهما نعمل فى بعض مش هنسيب بعض اطلع منها انته
حسام : اشربيها المهم الدكتور قالك ايه ؟
وفاء : قالى الحمد لله الادويه عملت مفعول واحتمال خلال الشهر ده يحصل حمل
حسام : يا رب ان شاء الله
وفاء : هو عمر اخبارو ايه ؟
حسام : من ساعة عيد الميلاد ماشوفتوش
وفاء : اخت بالك وهو بيبص على قمر
حسام : اه كان مدايق اوى اول مره اشوفو كده
وفاء : دا مكنش بيعمل كده مع هبه
حسام : تقصدى انو بيغير عليها ؟
وفاء : اه
حسام : لالالا مش ممكن دى صغيره عليه اوى
وفاء : مش عارفه بس مش مرتاحه
حسام : حتى لو كلامك ده صح احنا مالنا هو حر
وفاء : لا مش حر يسيب هبه عشان يتجوز قمر
أنت تقرأ
ملك يمينى ( قمر و عمر )
Romanceقصه اجتماعيه رومانسيه دراميه تناقش كل المشاكل التى تقابل اى زوج وزوجه فى حياتهم الزوجيه من غيره وشك ومصروف البيت والاولاد مشاكل موجوده فى كل بيت مصرى وعربيى فى قالب درامى رومانسى بقلمى انا هند محمد isis.mohamed@yahoo.com انا بدأت كتابت هذه القص...
