الحلقه 24
ايمن : اتفضلى بس انا كنت عاوز اقولك الشقق بتاعة العاشر
هبه : مش مهم دلوقتى شقق ايه المهم عاوزه اسئلك فى حاجه وتجوبنى بصراحه انا عارفه انك مش بتكذب ؟
ايمن : فى ايه يا هبه قلقتينى خير ؟
هبه : هو عمر امبارح اخد منك قميص وبنطلون ؟
ايمن : بقى انا بقولك كلام فى الشغل وانتى تقوليلى عمر
هبه : ( بزعيق ) رد عليا اخد منك لبس ولا لا
ايمن : انتى كمان بتزعقى طب هجوبك عشان اريحك اه يا هبه اخد منى قميص وبنطلون ولونهم كحلى كمان فى حاجه كمان ؟
هبه : طب ماقولتش كده من الاول ليه ؟
ايمن : عشان انا فى الشغل وبعدين انتى دلوقتى ملكيش تسئلى عمر جاب لبسو منين او عمل ايه
هبه : انا بحبو اوى يا ايمن اوى
ايمن : طب خلينا فى الشغل دلوقتى شقق العاشر احنا فاضل كام شيك ؟ والتسليم هيبقى لصاحب العماره ولا للشركه اللى وخدين منها المقوله ؟
هبه : انته متعرفش عمر هيروح لعفاف ولا لا انهاردا
ايمن : ركذى معايا عمر ايه التسليم هيبقى لمين ؟
هبه : مش عارفه كلم وفاء متكلمنيش فى الشغل دلوقتى سلام
ايمن : طب فى اكتر من ورقه محتاجه امضتك انتى هترجعى الشغل امته ؟
هبه : انته كلمت عمر انهاردا
ايمن : سلام يا هبه انتى بجد مجنونه ربنا يخليكى ليا يا عفاف
( قفل ايمن )
هبه : دادا هو عمر شوفتيه مع قمر كانو لوحدهم ولا كان معاهم حد
منى : اه كان معاهم مستر رامى
جليله : رامى ايه مش احنا ماشوفناهمش اصلا
منى : لا يا ماما قمر لما كلمتنى كان مستر رامى موجود معاهم
هبه : بجد طيب خلاص انا كده ارتاح هاتى الفرخه بقى
جليله : ايوه كده بالهنا يا رب والشفا مطرح ما يسرى يمرى
منى : ايه يا ماما كل ده انتى بتحضرى عفاريت
**** ( بقلم هند محمد @isis Mohamed ) ****
قمر : اهو بقى استحميتى ونظفتى وبقيتى فله نامى بقى شويه ما اخد دوش انا كمان بسرعه ماشى ربنا يهديكى يا رب
( دخلت قمر تاخد دوش وطبعا شويه ونهال قعدت تعيط عمر سمعها دخل يشوفها )
عمر : قمر انتى فين البنت بتعيط
قمر : ( من ورا باب الحمام ) معلش يا مسر قربت اخلص شيلها بس شويه انا خلاص اهو على طول
عمر : طيب بس بسرعه اسكتها ازاى طيب
قمر : اديها اى شوخليله او اى حاجه عندك لاعبها
عمر : طيب بس بسرعه
باس يا حببتى اغنيلك طيب طب اغنيلك ايه بس يا قلبى بقى مش بحب اسمعك تعيطى طب شووفى العصفوره بصى
بس بقى والله اعيط انا كمان بس حبيبتى طب يا قمر خلصى بقى
قمر : ( طلعت قمر من الحمام وهى بالبورنس والفوطه على راسها ) خلاص انا جيت اهو معلش
عمر : كل ده يا قمر البنت حرام عليكى
قمر : خلاص بس بجد كنت محتاجه الودش دا جدا انا اسفه
عمر : طب انا هخرج وانتى سكتيها وكملى لبسك ده
قمر : معلش انا بس كنت مستعجله عشان البنت
عمر : طب يلا عشان نشوف هتروحى فين انا رايح اوضتى
قمر : حاضر
**** ( بقلم هند محمد @isis Mohamed ) ****
عفاف : انتى مش عندك مدرسه انهاردا مروحتيش ليه ؟
سهر : مليش مزاج هذاكر فى البيت
عفاف : لا المفروض تحضرى
سهر : هو فى حد بيشرح من اول السنه المدرسين هنا حاجه غريبه المدرس يدخل يمسح التاريخ ويرجع يكتبو ويكتب اسم الدرس جرس الحصه يضرب وخلاص على كده انا هذاكر فى البيت احسن
عفاف : مانتى فى مطروح كنتى بتحضرى اشمعنى ؟
سهر : بقولك هنا مفيش حد بيشرح انا اروح واضيع وقتى ليه دا حتى الغياب المدرس بيقولى اللى هيدخل درس ميحملش هم الغياب
عفاف : معقول طب خلاص ذاكرى ليكون مدرسة عبد الرحمن كده كمان ؟
سهر : لا عبد الرحمن مدرسه محترمه مش كده خالص
عفاف : طيب هتتغدو ايه انهاردا اعملهولك
سهر : اى حاجه كده خفيفه بلاش طبخ وحياتى
عفاف : طيب تموتى فى الاكل الهلس ده
ام ايمن : متسمعيش كلامها طلعى حاجه ناكلها عدله
سهر : انا مش عاوزه اكول طبيخ انا اقولك اعملى مكرونه واستيك
عفاف : اعمل كده يا ماما ؟
ام ايمن : انتى جوزك شقيان طول النهار اعملى اكل حلو
سهر : بس انا عاوزه اكول كده مش طبيخ
عفاف : خلاص يا سهر ذاكرى انتى هعملك اللى انتى عوزه
ام ايمن : انتو حرين بقولك ايه يا عفاف متزعليش لو فتحت التلفزيون تدايقى ؟
عفاف : لا يا ماما هو من امته التلفزيون بيزعل افتحلك قناة ايه ؟
ام ايمن : اللى عليها حريم السلطان
عفاف : ههههههه حاضر انتو فطرتو ؟
سهر : اه مع ايمن وعبد الرحمن فطرنا وايمن اخد بيدو وداه المدرسه وهو نازل
عفاف : الواحد بقى لازم يفوق بعد اللى حصل ويركذ فى حياتو شويه
انا قصرت مع ايمن اليومين اللى فاتو دول اوى
ام ايمن : ولا قصرتى ولا حاجه فيها ايه لما تريحى يومين مانتى شيلانه بقالك كتير لا متقوليش كده
عفاف : ربنا يخليكى لينا يا ماما
ام ايمن : هتيلى بقى حريم السلطان
**** ( بقلم هند محمد @isis Mohamed ) ****
عمر : خلاصتى يا قمر ولا لسه
قمر : اه انا جايه اهو
انا جيت ايه ده هو حضرتك بتلم حاجاتك ليه ؟
عمر : انا وهبه اطلقنا خلاص لازم اخد كل حاجاتى من هنا قبل ما هى تيجى ده بيتها هى مش بيتى
قمر : طب ما ترجعلها تانى ؟
عمر : انا طلقتها 3 مرات خلاص مينفعش
قمر : طب ما تشوفو شيخ كده او حد يمكن يقول ينفع
عمر : خلاص يا قمر ماعدش ينفع بعدين انا قرفت غيره وشك انا تعبت احنا نبعد عن بعض احسن
قمر : طب والبنت محدش فكر فيها
عمر : نهال هتفضل معاها هى امها ولما اعوز اشوفها تبقى تجبيهالى معلش هتعبك بس انتى بقى همزة الوصل بينى وبين بنتى هى على طول معاكى
خودى يا قمر خلى الموبيل ده معاكى وهاتى التانى
ده فيه كميرا ونت عشان كل يوم تصوريهالى وتبعتيلى صورها ماشى على الواتس اب
قمر : انا معرفش استخدو انا معرفش غير انى ارد واقفل
عمر : طب تعالى قعدى بصى هعلمك
ركذى بقى
قمر : حاضر
**** ( بقلم هند محمد @isis Mohamed ) ****
ايمن : وفاء انا لازم اخد امضة هبه على الورق ده عشان نسلم الشقق فى وقتها
وفاء : انا كنت هروحلها كمان شويه فى المستشفى بس قولت اروح البيت الاول اجيب حاجات من هناك محتجاها لبس وحاجات كده
ايمن : بس انا محتاج الورق ده دلوقتى عشان هنسلم بكره
وفاء : طب تعالى معايا الفيلا نجيب شويت حاجات ونروح سوى على المستشفى ؟
ايمن : امرى لله يلا
**** ( بقلم هند محمد @isis Mohamed ) ****
هبه : الو اهلا يا شهد ازيك
شهد : الحمد لله وحشانى اوى انا لسه صحيه انا ورامى دلوقتى وهنلبس ونجيلك
هبه : ليه هو مش رامى مع عمر دلوقتى
شهد : لا رامى لسه نايم جنبى اهو
هبه : طب اقفلى دلوقتى يا شهد
منى انتى مش قولتليلى ان رامى مع عمر انتى مش قولتى كده
منى : اه انا فهمت كده من كلام قمر بس هى ماقلتش انا اظاهر فهمت غلط
هبه : يعنى عمر وقمر لوحدهم فى البيت دلوقتى
جليله : ما تتهدى بقى وارتاحى ايه اللى انتى فيه ده الراجل مش وش كده بطلى هريه ونكته فى نفسك
هبه : طب ما هى بتقولك لوحدهم فى البيت
جليله : ومالو ايه يعنى عمر اللى بيقعد مع احلى بنات واجمل بنات هيبص للمفعوصه دى استهدى بالله وكملى الفرخه افتهى بؤك
هبه : بس
جليله : ياختى اتهدى بقى
**** ( بقلم هند محمد @isis Mohamed ) ****
( راحت وفاء عند هبه فى الفيلا مع ايمن )
وفاء : ايمن خليك هنا هطلع اجيب حاجات لهبه وجيالك
ايمن : بس بسرعه عشان مستعجل
وفاء : ماشى
ايمن : هو مش عربية عمر دى هو فين ؟
وفاء : تلاقيه فوق هطلع اشوفو
( طلعت وفاء دخلت اوضت هبه وعمر لقت قمر قاعده جنب عمر على طرف السرير وهو بيكلمها وطبعا فهمت غلط)
وفاء :: ايه ده انتو بتعملو ايه
عمر : فى ايه يا وفاء ايه بنعمل ايه ده كنت بعلمها على الموبيل الجديد
وفاء : يعنى هبه بتموت وسايبها وكمان جايب لقمر موبيل جديد ؟
عمر : انتى مالك انتى اصلا هو انتى مراتى ؟
وبعدين هبه خلاص انا طلقتها وادينى بالم حاجاتى وماشى هى بقت كويسه
( ايمن سمع الصوت طلع يجرى )
ايمن : فى ايه مالك يا وفاء
عمر هو فى ايه
وفاء : البيه دخلت عليه لقيتو هو وقمر قعدين على السرير جنب بعض شفت البجاحه
عمر : طبعا ما وحده مجنونه هتصاحب ايه اكيد واحده ضاربه زيها
ايمن انا اديت موبيلى القديم لقمر عشان تصورلى البنت كل يوم عشان انا هسيب البيت هنا نهال مش هقدر كل يوم اشوفها فا قولت قمر تاخد موبيلى وانا اجيب واحد تانى وتبعتلى الصور عشان مش كل يوم اجى هنا
هى بقى مش بتعرف فى الموبيلات دى فا كنت بعلمها فى ايه بقى
ايمن : والله انته ليك الجنه واختك دى ربنا يكرمها
عمر : هو فى زى عفاف
وفاء : اه انا وهبه طلعنا مجنين ماشى وانته بقى يا عاقل بتعلمها فى اوضت النوم وعلى السرير خلاص مفيش مكان غير ده ؟
عمر : يا حبيبى يا حسام حاسس بيك والله بلوتى نفس بلوتك
قمر : انتى فهمتى على فكره انا مش كده خالص والله
ايمن : خلاص يا قمر مفيش حاجه
حرام عليكى ما الناس محترمين اهو
عمر : المهم عرفتى بتعملى ايه ؟
قمر : اه عرفت
عمر : هاتى القديم بقى عشان اشيلو
قمر : اتفضل
انا هروح الم باقى حاجات نهال
ايمن : انته كمان بتعمل ايه يا عمر ؟
عمر : بالم حجاتى وهروح شقتى انا هفضل قاعد هنا انا طلقتها خلاص
وهروح كمان اطلقها رسمى دلوقتى
ايمن : طب فكرة كويس ؟
عمر : طبعا انته شايف المرار اللى فيه قدام عنيك انا تعبت وزهقت
قمر : انا اخت الحاجه خلاص
وفاء : ليه انتى رايحه فين ؟
قمر : اى مكان انا اخاف اقعد لوحدى والفيلا فضيه كده
وفاء : طب خليكى معايا انا راحه لهبه دلوقتى تعالى معايا
ايمن : طب والبنت ذنبها ايه تقعد فى المستشفى لا بصى تعالى عندنا
قمر : ايوه بس
عمر : طب انا هوصلك عند عفاف تعالى ورايا يا قمر
ايمن : طب استنى نمشى سوى خلصى يا وفاء بسرعه وانا تحت مع عمر
وفاء : طيب انا هنجز بسرعه واجلكم تحت خليك معاهم متسبهمش لوحدهم
ايمن : ( باستغراب ) يا حبيبتى يا فوفه
( ونزل ايمن وهو مدايق جدا من وفاء وجنانها )
عمر بقولك ايه انته هتعمل ايه بقى
عمر : هشوف شغلى اهم حاجه دلوقتى
ايمن : بس هبه هتعمل معاها ايه ؟
عمر : ولا حاجه احنا اطلقنا وخلاص انا حر بقى انا معنديش غير شغلى دلوقتى عاوز اغير اسلوب شغلى اقدم فن محترم عشان بنتى لما تكبر تفتخر بيه محدش يقول بنت مطرب التكاتك
ايمن : والله انته عندك حق بس فى حاجه كده كنت متردد اقولهالك
شغلى مع هبه انا عاوز اكمل كده هيديقك ؟
عمر : لا طبعا انته حر وبعدين ده شغل
ايمن : يا ريت تقول لاختك بقى عوزانى اسيب الشغل
عمر : ملكش دعوه ومتمشيش ورا كلام الستات صدقنى بيجيب ورا اسمع كلامى
ايمن : ههههههه انا مش بمشى ورا حد اللى فى دماغى بعملو
عمر :حبيبى يا جوز اختى يا مسيطر انته نفسى ابقى زيك
**** ( بقلم هند محمد @isis Mohamed ) ****
ام قمر : اهلا اهلا ازيك يا تريز
تعالى يا حبيبتى نورتى
تريز : ازيك يا خالتى وحشانى
انا جتلك انهاردا وقولت بقى ماجيش وايدى فاضيا
ام قمر : مش فهمه يعنى ايه دا انا زى امك هتكلفى نفسك ليه
تريز : انا هقولك على حاجه قولت محدش يقدر يقدنى فيها غيرك
تفتكرو تريز هتقول لام قمر ايه ؟
أنت تقرأ
ملك يمينى ( قمر و عمر )
Romanceقصه اجتماعيه رومانسيه دراميه تناقش كل المشاكل التى تقابل اى زوج وزوجه فى حياتهم الزوجيه من غيره وشك ومصروف البيت والاولاد مشاكل موجوده فى كل بيت مصرى وعربيى فى قالب درامى رومانسى بقلمى انا هند محمد isis.mohamed@yahoo.com انا بدأت كتابت هذه القص...
