الحلقه 55
ايهاب : لا ازاى دى بقى مش هقول غير لما اعرف هتدفعى كام
هبه : نهار اسود عليك هو انته مش بتشبع فلوس
نفسى اعرف كل الفلوس اللى عندك دى بتعمل بيها ايه
ايهاب : مش هقولك
هبه : لا بجد يا ايهاب فلوسك كل ده متزعلش يعنى انته مش متجوز ولا عندك ولاد ليه بتجمع فلوس كده ؟
ايهاب : ( بعيون هربانه ) بحب الفلوس اصل انا شرير ههههههههههه
هبه : طب احنا عمرنا ما اتكلمنا فى كده بس انا بجد هموت واعرف
انته حبيت قبل كده ؟
ايهاب : مش عاوز افكر فى كده المهم خلينا فى عمر
هبه : لا بجد قول انته ليه متجوزتش لحد دلوقتى ؟
ايهاب : لازم تعرفى يعنى ؟
هبه : اه قول
ايهاب : هتدفعى كام ؟
هبه : ولا مليم قول بقى بجد
ايهاب : قومى يا هبه وملكيش داعوه بيه
هبه : طب قولى احكيلى عنك انته بتعرف كل حاجه عنى اشمعنى انا معرفش حاجه عنك انته مش ابن عمى
ايهاب : لا مش ابن عمك انا ابن عم اخوكى
هبه : والله انته رخم قول يا ايهاب بقى حبيت قبل كده ؟
ايهاب : اه حبيت وانا فى الجامعه بنت جارتنا
بس ساعتها مكنش حلتى حاجه
هى بقى راحت اتجوزت واحد تانى عندو شقه فى الخصوص ههههههههههه
هبه : ههههههههههه طب وبعدين ؟
ايهاب : بس هى دلوقتى معاها ولدين وبنتين
هبه : انته بتشوفها لحد دلوقتى ؟
ايهاب : اه مش بقولك جارتنا وكل ما تيجى عند امها اوريها عربيتى عشان تعرف انها غلطة لما سابتنى
هبه : لسه بتحبها ؟
ايهاب : مش عارف بس بابقى فرحان اوى وانا شايفها عنها هتطلع على عربيتى وهى نازله من التوكتوك اللى ركباه هى وجوزها وعيلها
هبه : لا شرير شرير
ايهاب : انا كنت بحبها اوى بس هى بقى كانت عاوزه واحد يشيل
هبه : محدش بيعرف قيمة النعمه غير لما تضيع من ايدو
ايهاب : بس هى مكنتش نعمه
وكويس انى متجوزتهاش يمكن مكنتش وصلت للى انا فيه دلوقتى
هبه : طيب دلوقتى انا اعمل ايه يا ايهاب خليك جنبى
ايهاب : بقولك بلا جواز ولا قرف تعالى نشتغل سيبك منو
هبه : بس انا بحب عمر
أنت تقرأ
ملك يمينى ( قمر و عمر )
Romanceقصه اجتماعيه رومانسيه دراميه تناقش كل المشاكل التى تقابل اى زوج وزوجه فى حياتهم الزوجيه من غيره وشك ومصروف البيت والاولاد مشاكل موجوده فى كل بيت مصرى وعربيى فى قالب درامى رومانسى بقلمى انا هند محمد isis.mohamed@yahoo.com انا بدأت كتابت هذه القص...
