الحلقه 32
هبه : شروط ايه يعنى عاوز فلوس ؟
ايهاب : مش بالظبط
هبه : طب قول عاوز ايه ؟
ايهاب : اول حاجه عشان جوزنا يبقى حلال وتنفعى تجوزى عمر تانى لازم نتجوز بجد مش على ورق وبس
هبه : ايه لا طبعا
ايهاب : انا عاوز نفضل سنه متجوزين زى اى اتنين
تانى حاجه تسيبيلى الشركه اديرها انا وانتى خلال السنه دى تقعدى فى البيت انا ماحبش مراتى تشتغل
تالت حاجه ايمن يمشى
هبه : انا غلط لما جتلك اصلا انا ماشيه
( قامت هبه وراحت عند الباب )
ايهاب : على فكره هترجعيلى تانى وهترضى بكل شروطى عشان مش هتلاقى غيرى
هبه : انته لو اخر راجل على الارض مش هجيلك تانى
( مشية هبه ورزعة الباب وراها )
ايهاب : هترجعى تانى يا هبه ملكيش غيرى اصلا ههههههههههههه وساعتها هوريك يا ايمن يالى عاملى فيها شاريف
**** ( بقلم هند محمد @isis Mohamed ) ****
عفاف : خير يا دكتور طمنى
الدكتور : مبروك يا مدام انتى حامل فى الاسبوع ال 5 مبروك
ايمن : ههههههه الحمد لله
عفاف : انا كنت حسه الحمد لله
الدكتور : ان شاء الله ناويه تعملى متابعه ؟
ايمن : اه يا دكتور بصراحه انا ارتحتلك
الدكتور : ربنا يخليك اوك يا مدام انا هكتبلك على شويت ادويه مجرد مقويات مش اكتر حديد وفايتمنات وانتى بقى كترى من الفواكه والخضروات والالبانى
عفاف : حاضر يا دكتور ما انا عارفه ما انا خلفت قبل كده
الدكتور : طب تمام ان شاء الله تجيلى كمان شهر ولو تعبتى تعالى على طول
عفاف : حاضر
( خارج ايمن وعفاف من عند الدكتور )
ايمن : مبروك يا قلبى يا ام عيالى
عفاف : انا فرحانه اوى يا ايمن يا رب تبقى بنت يا رب
ايمن : يا رب ولاون خلفت البنات متعبه بس ماشى اى حاجه منك حلوه
عفاف : حبيبى يا ايمن فرحان ؟
ايمن : طبعا اكتر منك كمان
ها بقى اطلبى منى اى حاجه اعملهالك انهاردا انتى طلباتك اومر انهاردا
عفاف : يعنى هتدلعنى انهاردا ؟
ايمن : طبعا انا عندى غير ام عبدو
عفاف :اه يا خرابى منك
ايمن : هههههههههه بهزر معاكى يا فوفه حبيبتى بحب اشوفك وانتى متغاظه
عفاف : طب ما انا عارفه عشان كده بتغاظ
انا بقى عوزاك تفسحنى فى النيل
من ساعت ما نزلنا القاهره وانا نفسى اشوفو وانته مش فاضى
ايمن : بس كده خلاص انا عزمك على العشا على النيل انهاردا
بس انا ليه سؤال ؟
عفاف : ايه ؟
ايمن : هى ليه كل الستات وهى لسه شاكه انها حامل تبقى دايخه ومعدتها وجعاها واول ما تخرج من باب الدكتور تبقى زى القرده ولو قولتلها تتشقلب ممكن تتشقلب افهم بس ؟
عفاف : مش عارفه ههههههههههههههه
انا فعلا مش دايخه ولا عاوزه ارجع
ليه صحيح ؟
ايمن : بتدلعو
يلا عشان نروح نتعشى يا جميل تحبى تكلى ايه ؟
عفاف :انته قول ؟
ايمن : خلاص نروح مطعم الاول وبعد كده نفكر
**** ( بقلم هند محمد @isis Mohamed ) ****
عمر : قمر يا قمر انتى فين قمر
راحت فين دى يا قمر
قمر : ايوه انا هنا اهو جيالك استنى بس بلبس ثوانى
انا جيت اهو نعم
عمر : كنتى فين ؟
قمر : بغسل الموعين
عمر : انا زهقان اوى
قمر : طب ما انا مشغلالك التلفزيون اهو
عمر : مش عارف بقى انا زهقان
قمر : طب اعملك ايه انا ورايا حاجات كتير فى البيت ولسه عاوزه انزل اشترى حاجات
عمر : حاجات ايه ؟
قمر : حاجات للبيت وكمان الدوا بتاعك المرهم خلص وكمان المضد الحيوى وحاجات لنهال
عمر : وهتسبينى لوحدى
( جرس الباب رن )
قمر : ايه ده هو حضرتك مستنى حد ؟
عمر : لا ليكون رامى
قمر : طب انا هقفل عليك لتكون مس هبه او حد تانى
عمر : قمر اى حد غير رامى متقوليلوش حاجه فهمه
قمر : حاضر بس اناهقفل عليك الباب بالمفتاح ماشى
عمر : ماشى
( خرج قمر وقفلت على عمر )
قمر : ايوه جايه مين باره ؟
عفاف : انا يا قمر افتحى
قمر : انتى مين ؟
عفاف :انا عفاف مش عارفه صوتى
قمر : معلش مش مركذه ازى حضرتك اتفضلى
ايمن : كنا قريبين عفاف قالت تشوف نهال وعمر هو عمر هنا
قمر : لا دا هو مسافر
عفاف : ايه ده يا قمر ليه لابسه جوانتى وكمامه وبالطو كده انتى كنتى بتعملى ايه ؟
قمر : انا كنت باصبن الحمام وكنت بغسل كام حاجه كده من بتوع نهال
عفاف : طب مالك مرتبكه كده ليه ؟ هو فى حد معاكى هنا
قمر : بس اصلى اول مره تشوفونى بلبس مبهدل لبس البيت يعنى
تشربو ايه ؟
ايمن : ولا حاجه هو عمر سافر فين ؟
قمر : مسافر تونس
ايمن : ليه ؟
قمر : هو قالى انو فى جاوله فى دول المغرب وهيقعد حوالى شهر
عفاف : اه طيب ممكن تعمللنا شاى وتجبيلنا نهال
قمر : حاضر
( قامت قمر تجيب البنت وقبل ما تدخل على نهال الاوضه خلعت الكمامه والجوانتى واللبس بتعها )
عفاف : هى مالها كده مرتبكه
ايمن : مش عارف انا حاسس بكده برضو
عفاف : ليكون معاها حد ومخبياه ؟
ايمن : هو فى واحده يكون مخبيه واحد ولابسه كده ازاى يعنى بس هى فعلا مش طبيعيه
قمر : اتفضلو نهال هروح اعمل شاى
عفاف : هى نايمه ليه ؟
قمر : من شويه حمتها ونامت
ايمن : طب هو انتى قاعده لوحدك ليه مش عند هبه ليه ؟
قمر : هى قالتلى افضل هنا ومستر عمر كمان قالى افضل هنا
عفاف : طب روحى لمى حاجاتك عشان هتيجى معايا
قمر : لا مش هينفع انا مرتاحه هنا وكمان مستر عمر قالى متنقلش من هنا
عفاف : طب روحى اعملى شاى الاول
قمر : حاضر
( دخلت قمر المطبخ )
عفاف : انا بقولك فى حد معاها
ايمن : طب استنى اشوف كده خليكى انتى شايله البنت
( قام ايمن يبص فى الحمام الصغير وفى السفره والانتريه حتى غرفة قمر ونهال بس ملاقاش حد وقف جنب غرفت عمر حاول يفتح الباب بس لاقاه مقفول )
ايمن : ملاقتش حد بس اوضت عمر مقفوله
عفاف : لتكون مخبيا فيها وقفلينها
قمر : اتفضلو الشاى انا مش حطه سكر
ايمن : ماشى يا قمر روحى انتى
قمر : حاضر
( موبيل قمر رن )
عفاف : ايه مش هترودى ؟
قمر : رقم معرفوش
ايمن : رن تانى شوفى مين
قمر : مش بحب ارد على ارقام غريبه
انا هروح المطبخ اكمل غسيل الريموت اهو عشان التلفزيون
ايمن : اوك روحى انتى
( التليفون الارضى رن جرى ايمن ورفع السماعه )
ايمن : الو
رامى : الو مين انته ؟
ايمن : انته اللى مين وعاوزه ايه ؟
رامى : هو ده مش منزل عمر فهمى ؟
ايمن : ايوه هو مين انته بقى
رامى : انا رامى انته مين ؟ وفين قمر ؟
ايمن : اهلا يا رامى انا ايمن جوز عفاف
رامى : اهلا ازيك وحشنى والله مش باين ليه ؟
ايمن : مشاغل والله
رامى :الله يعينك هى قمر فين ؟
ايمن : هديهالك قمر تعالى كلمى رامى
قمر : الو
رامى : ايوه يا قمر جوبى عليا اه او لا ماشى
قمر :ماشى
رامى : هو ايمن معاه عفاف ؟
قمر :اه
رامى : طب هما عرفو ان عمر عيان ؟
قمر : لا
رامى : ماشى اول ما يمشو كلمينى
قمر : حاضر
رامى : طب سلام
عفاف : بيسئلك على ايه ؟
قمر : على البنت بيقولى هى كويسه قولتلو اه قالى محتاجين حاجه قولتلو لا قالى لو احتاجتو حاجه اكلم مدام شهد قولتلو حاضر
ايمن : اوك ماشى يلا يا عفاف بقى عشان هنتئخر
عفاف : طب استنى شويه بس نشوف
ايمن : الساعه 9 يلا بقى عشان منتأخرش على البيت
عفاف : ماشى حاضر خودى البنت وخلى بالك منها
قمر : فى عنيه
( ونزل ايمن وعفاف عشان يتعشو باره زى ما كانو متفقين )
عفاف : انا مش مطمنه مش عارفه ليه ؟
ايمن : ليه الاكل وحش دا السمك تحفه
عفاف : مش فاهمنى انا مش مرتاحه لقمر كانت مرتبكه كده ومش مظبوطه وكمان ليه اوضت عمر مقفوله ؟
ايمن : يمكن عمر قافلها حتى لو بيثق فى قمر المثل بيقولك حرس ولا تخون
عفاف : مش عارفه شكه فيها
ايمن : حبيبتى خلينا مع بعض بقى نفكر فى نفسنا وفى ولادنا
ها لو بنت تسميها ايه ؟
عفاف : مش عارفه
ايمن : عوزين نسميها اسم كده لايق على ايمن
عفاف : طب ايه ايه رئيك فى ياسمين
ايمن : حلو بس منتشر
عفاف : طب ناردين
ايمن : يعنى ايه ؟ ناردين ؟
عفاف :مش عارفه سمعتو مره
ايمن :لما نروح نقعد نشوف اسامى كده على النت اسامى شيك كده وليها معنى
عفاف : ماشى زى ما حبيبى يقول
**** ( بقلم هند محمد @isis Mohamed ) ****
عمر : كل ده يا قمر اتأخرتى تحت كده ليه ؟
قمر : بشترى الحاجات والله معلش وبعدين عشان منزلش واسيبك فتره طويله
عمر : مقولتليش عفاف وايمن حسو انى موجود
قمر : مش عارفه بس حسه انهم شكو فيه
عمر : ازاى ؟
قمر : بصاتهم كده وكلامهم وكانو عملين يبصو على اوتك اوى
المهم انا هروح اعملك الشوربه واجى اديك الدواى
اه صح الصيدالى سئلنى وقالى الدوى ده بتاع ايه فاقولتلو قالى لا ده مش بتاع التسمم
عمر: ( بخوف ) امال بتاع ايه ؟
قمر : ما انا قولتلو كده قالى هو مين بياخد الدوا ده قولتلو بابا
بصلى بقرف كده وقالى قالى معرفش
عمر :هو عارف انك بتشتغلى عندى ؟
قمر : لا دا صيداليه مش من هنا دى فى الشارع اللى ورانا اللى جنب المول
عمر : اه
قمر : طيب انا فتحت الدوا اقرا الناشره بتعتو لقيتو كلو بالانجليزى انا خايفه يكون الدكتور كتبلك دواى غلط
عمر : لا متخفيش بس انا ارتحت عليه
قمر :طيب الحمد لله معلش البنت بتعيط هسكتها واعملك الاكل واجيلك
عمر : طيب يا قمر متشكر اوى
**** ( بقلم هند محمد @isis Mohamed ) ****
أنت تقرأ
ملك يمينى ( قمر و عمر )
Romanceقصه اجتماعيه رومانسيه دراميه تناقش كل المشاكل التى تقابل اى زوج وزوجه فى حياتهم الزوجيه من غيره وشك ومصروف البيت والاولاد مشاكل موجوده فى كل بيت مصرى وعربيى فى قالب درامى رومانسى بقلمى انا هند محمد isis.mohamed@yahoo.com انا بدأت كتابت هذه القص...
