الحلقه 49
نجلاء : من كام شهر زى العادا اتفقة انا وصحبتى فى النادى نطلع نروش انا وهى فى الساحل شويه واحنا مشيين كل واحده بعربيتها وبنسابق بعض كان فى عربيه نقل كبيره محمله احنا الاتنين شفنها فى اخر لحظه انا قدرة اتفادا ودخلة فى الرامله اللى على الطريق لاكن صحبتى دخلت فى العربيه وماتت قبل ما تتنقل حتى المستشفى
راضى : مش عارف اقولك ايه بس دا نصيبها وعمرها
نجلاء : وانا نصيبى افوق بقى من التوها اللى عايشه فيها واخد بالى من ان الموت قريب اوى لازم اخد بالى منو واخد بالى من بنتى ومنك انته كمان
يمكن اكون قصرت معاك كتير وكنت بطلب منك حاجات كتير لغاية ما الحياه بنا بقت مجرد فلوس وبس
راضى انا بجد محتاجاك جنبى بنتنا بجد هتضيع مننا لو ملحقناش نفسنا وقربنا منها
البنت طول النهار مع اصحبها فى النادى ولما ترجع البيت على النت مش بتتكلم معايا مش زى البنات العاديه
احنا محتاجينك يا راضى
راضى : كلامك صح الحياه مش فلوس وبس
بس شغلى كده اعمل ايه ؟
نجلاء : راضى انا نفسى اعيش زى اى ست يكون عندى عيال كتير وانته كمان نفسى تبقى جنبى مش على طول كده مسافر
راضى : مش انتى اللى قولتى مش عاوزه تخلفى تانى عشان جسمك مش بيوظ ؟
نجلاء : انا اتغيرة والله اتغيرة انته مش متخيل لما تشوف صحبتك وهى فى العربيه بعد ما دخلت فى العربيه النقل كان منظارها ازاى
انا كنت ممكن ابقى مكانها واموت زيها
راضى : بعد الشر عنك متقوليش كده
بس انا اول مره اشوفك كده حنينه ودموعك فى عنيكى
نجلاء : احساس الموت لما يبقى قريب اوى من الانسان بيخلى الدنيا دى كلها صغيره اوى فى عين الانسان
ارجوك يا راضى تعالى نغير حياتنا ونقرب من بعض وكمان اختك هبه تعالى نقرب منها يمكن حياتها تستقر شويه
راضى : ههههه حاضر يا حبيبتى بس موضوع انى مش اسافر ده صعب
نجلاء : خلاص المهم وانته فى مصر اكتر وقت تقضيه معايا انا وبنتك احنا محتاجينك اوى يا راضى
راضى : حاضر يا عيون راضى
نجلاء : انا هقوم اشوف البنت ولو فاضى خودنا غدينا باره ايه رئيك ؟
راضى : لا احنا قولنا نغير حياتنا انا عاوز اكول من اديكى
نجلاء : لا ههههههه انته ناوى بقى على تغيير شامل
راضى : انا بقالى اكتر من 4 سنين مكلتش فى البيت تخيلى
نجلاء : ياه لا يا حبيبى انا بقى هعملك اكل حلو روح شوف نرمين وانا هظبط شويت حاجات فى المطبخ
أنت تقرأ
ملك يمينى ( قمر و عمر )
Romanceقصه اجتماعيه رومانسيه دراميه تناقش كل المشاكل التى تقابل اى زوج وزوجه فى حياتهم الزوجيه من غيره وشك ومصروف البيت والاولاد مشاكل موجوده فى كل بيت مصرى وعربيى فى قالب درامى رومانسى بقلمى انا هند محمد isis.mohamed@yahoo.com انا بدأت كتابت هذه القص...
