الحلقه 11
( بعد ما روح ايمن البيت )
عفاف : ايه رئيك فى الاكل مقولتش يعنى تسلم اديكى زى كل يوم
ايمن : حلو يا حببتى تسلم اديكى وعنيكى كمان
بس فى حاجه كده وبفكر فيها مش عارف قلبى مش مرتاح بس عقلى بيقولى فرصه
عفاف : ايه هى الحاجه دى ولا حاجه خاصه بيك ؟
ايمن : لا ولا حاجه خاصه ولا حاجه هبه اتصلت بايه الصبح وعرضه عليا اشتغل معاها فى الشركه بمرتب اعلى وكمان هتدينا سكن لينا احنا التلاته انا وانتى شقه ومامتك شقه وامى واختى شقه وهديها منها كمان
انا بقى محتار اوافق ولا لا
عفاف : بصراحه هو عرض حلو اوى
ايمن : بس انا شايفو عرض وحش اوى
اولا انا هنا بشتغل من 8 لحد 4 بكون فى البيت 4 ونص بالكتير لاكن فى القاهره معرفش هخلص امتى
ده غير الزحمه وبعدين هنا الناس طيبه والدنيا رايقه والبحر
هناك مفيش اى ميزه خالص
عفاف : عندك حق وكمان بيقولو الحاجه فى القاهره غاليه اوى وكمان مغشوشه
ايمن : شفتى بقى يبقى ايه احسن ؟
عبد الرحمن : ممكن اقول اقتراح
ايمن : طبعا قول ؟
عبد الرحمن : ايه رئيك تاخد اجازه سنه بدون مرتب وننزل القاهره نجرب ولو معجبكش نرجع تانى
ايمن : وانته عاوز تنزل القاهره ليه ؟
عبد الرحمن : عشان اكون جنب خالو وكمان انا السنادى هدخل المدرسه ما ادخل مدرسه لغات فى القاهره هنا مافيش كلو حكومه او خاصه ومش حلوه
عفاف : فى دى بقى عبد الرحمن عندو حق ؟
ايمن : طب واختى اللى لسه فى الثانويه دى ؟
لا انا هقولها لا انا مش مرتاح
عفاف : خلاص يا ايمن اعمل اللى يريحك المهم تبقى مرتاح
ايمن : بس خايف اخوكى يزعل ؟
عفاف : لو على عمر نفسو هبه تفلس وتقعد فى البيت عمر دماغو كبيره
ايمن : طيب انا هقولها لا بقى
بصى انا الحمد لله اكلت هقوم ارتاح شويه على 7 كده صحينى عشان اروح اشوف امى بقالى 3 ايام مرحتلهاش
عفاف : انا كنت عندها الصبح وانا بجيب خضار عديت عليها لتكون عاوزه حاجه كانت عاوزه ملوخيه جبتلها وودتها
ايمن : ربنا يخليكى ليا يا رب ماما فوق مش عاوزه اجبلها حاجه وانا راجع ؟
عفاف : لا مش ناقصها حاجه
أنت تقرأ
ملك يمينى ( قمر و عمر )
Romanceقصه اجتماعيه رومانسيه دراميه تناقش كل المشاكل التى تقابل اى زوج وزوجه فى حياتهم الزوجيه من غيره وشك ومصروف البيت والاولاد مشاكل موجوده فى كل بيت مصرى وعربيى فى قالب درامى رومانسى بقلمى انا هند محمد isis.mohamed@yahoo.com انا بدأت كتابت هذه القص...
