ملك يمينى ( قمر و عمر )

الحلقه { 14 }

الحلقه 14

وفاء : قول يا حسام مين الرقصه دى بدل انته عرفنى والله اقطعلك السناريو اللى قدامك انا مجنونه

حسام : ما انا لو قولتلك هتتجننى اكتر وبعدين احنا لسه مستكرناش فى 2 مترشحين ومش عرفين نختار مين

وفاء : الله ما يطولك يا روح مين الرقصه يا حسام متلعبش بعداد عمرك معايا

حسام : ههههههه انتى قلبتى ابراهيم الابيض كده ليه ههههههههههههه

وفاء : قول بقى مين

حسام : الاولى صافينار

والتانيه سما

وفاء : صافينار ودى عرفاها سما دى بتاعت ايه لتكون بتاعة احمد الشبشب ضاع

نهار اسود لا لا دى ولا دى شوف اى وحده تانيه الا دول انته فاهم

حسام : وانا مالى المنتج هو اللى عاوزهم وهو اللى مرشحهم

وفاء : اللى دول يا نهار اسود صافينار لا ومش بس دى كمان سما تعرف لو مثلة مع دول انا هسبلك البيت

حسام : بطلى جنان ده شغل

وفاء : ميخصنيش يا حبيبى انا قولت لا يعنى لا

حسام : بس انا هعمل الفيلم

وفاء : مصمم ؟

حسام : اه مصمم

وفاء : طيب انا فى بيت ابويا لو غيرة رئيك تعالى خدنى

حسام : وفاء ده شغل متبقيش زى هبه واقل حاجه نتخانق عليها

وفاء : انته جاى تقولى هشتغل مع صافينار وعاوزنى اقولك ايه ربنا يفتحه فى وشك يا حبيبى لا مش هقولك كده

حسام : هو انا قولتلك هتجوز عليكى انا بس همثل مش اكتر من كده

وفاء : ولو والله ابدا مايحصل ابدا انا لميت شنطتى ولو غيرة رئيك انا عند بابا

**** ( بقلم هند محمد @isis Mohamed ) ****

قمر : مس هبه ممكن ادخل

هبه : ادخلى

قمر : فى حاجه عاوزه اقولها لحضرتك ممكن تكون مش مهمه بس انا لازم اقولك كل حاجه

هبه : فى ايه يا قمر انتى شوفتى عمر مع ست وانتى فى مارينا ؟

قمر : لالا مش مستر عمر

مستر راضى لم كان هنا سئلنى تانى انا باخد كام انا قولتلو 250 زى ما حضرتك قولتى

فاقالى هو هيدينى 500 بس اروح اشتغل عندو فا انا قولتلو مقدرش اسيب حضرتك

فاقالى هيدينى 700 انا قولتلو لو حتى ادتنى 1000 مقدرش اسيب نهال

هبه : شكرا يا قمر بس انتى جايه تقوليلى ليه ؟

قمر : بصراحه من كلامو حسيت انو بيشكك فى مستر عمر وبيشكك فى الناس اللى حوليكى عشان ياخد منك فلوس انا بقى خفت تشكى فيه او حاجه فا جيت وقولتلك كل اللى حصل بالحرف