الحلقه 48
ايمن : يا نهارك اللى مش معدى 59%
ام ايمن : يا لهوى ايه 59 %
سهر : ( بدلع ) ههههههه بتهزر صح اكيد 95 بس انته بتهزر يا ايمون صح
ايمن : ايمون كمان ايمون دانتى يومك فل معايا بتذاكرى يا سهر
اه بذاكر
ادخل عليكى الائيكى سرحانه
سرحانه فى ايه يا سهر ؟
بسمع بصوت واطى
دلوقتى انتى جبتى 59 % اعمل فيكى ايه اختارى
عمر: انتى طول السنه بتعملى ايه ؟
ام ايمن : بتعمل ايه مشغاله الاغانى بتعتك وسرحانه
سهر : انا كنت بذاكر هما بقى اللى مش بيعلمو الورق كويس
عمر : طب اعملى اعادة تصحيح
سهر : اه اعمل انا متئكده انى حليت كويس
ايمن : ( قام جرى ورها حولين السفره ) بتجرى همسكك انتى هتضربى علقه انهاردا
سهر : الحقنى يا عمر
عمر : خلاص يا ايمن معلش مش مهم
ايمن : مش مهم ايه يا عمر 59 % تعمل بيهم ايه تدخل ايه ؟
سهر : اى حاجه ان شالله كلية زراعه
ايمن : زراعه يا فشله تدخلى زراعه تعملى ايه تلمى الدوده
عمر :تدخل معهد اى حاجه يا ايمن وبعدى ما كلو محصل بعضو
سهر :صح كلو محصل بعضو وبعدين ما انا كده كده هتجوز واقعد فى البيت لزمتو ايه وجع القلب
عمر: هو انا كل ما اسكتو تقوميه تانى اتهدى بقى
ايمن : تتجوزى ومين هيقبل يتجوز واحده فشله زيك 59 %
سهر : امسكو كويس يا عمر اوعى يفلت منك
عفاف : خايفه كده منو طب مذاكرتيش ليه ناقصك ايه قوليلى
سهر : بقولك ايه مش ناقصه ولعا هو شايط لوحدو
ايمن : اوعى يا عمر اديها على وشها البت دى ليكى عين يا فشله تتكلمى
سهر :عمر قالهالك هدخل اى معهد وخلاص
ايمن : معهد اخرتها وليه ما تدخوليش جامعه ناقصك ايه فهمينى
سهر : المعهد زى الجامعه مش فارق كتير
ايمن : سبنى يا عمر اديها قلامين البت دى
ام ايمن : تعالى فى حضن امك يا حببتى
سهر :الحقينى يا ماما هيضرنى
ام ايمن : ( اول ما سهر دخلت حضنها مسكت شعرها وبالشبشب ) انا مش قادره اقوم اجرى وراكى يا بايظه ياللى مش نافعه
أنت تقرأ
ملك يمينى ( قمر و عمر )
Romanceقصه اجتماعيه رومانسيه دراميه تناقش كل المشاكل التى تقابل اى زوج وزوجه فى حياتهم الزوجيه من غيره وشك ومصروف البيت والاولاد مشاكل موجوده فى كل بيت مصرى وعربيى فى قالب درامى رومانسى بقلمى انا هند محمد isis.mohamed@yahoo.com انا بدأت كتابت هذه القص...
