الحلقه 23
قمر : انتو اللى هنا بتعملو ايه ؟
هانى : احنا فى ناس قالولنا ان فى دكتور هنا عشان الخلفه مانتى عارفه ربنا مرزقناش قولنا نيجى يمكن يكون فى امل
انتى بقى سبتى البلد ليه ومين البنت دى
تريز : وازاى خالتى وعمى وغريب يقولو انك موتى وانتى عايشه اهو هو فى ايه ؟
قمر : ( وهى مرتبكه ومتلخبطه ) مفيش حاجه انتو ازاى عرفتونى وانا لبسه كده
تريز : مالك يا قمر حصل ايه احنا متربيين سوى مالك ازاى مش هنعرفك حتى لو لبسه زى الهنود برضو هنعرفك
قمر : طب تعالو نتكلم تحت بلاش هنا تعالو
( قمر حطت نهال فى الشنطه بتاعتها ونزلت مع هانى وتريز جيرنها فى البلد )
تريز : قولى بقى فى ايه ؟
قمر : طب احلفولى الاول انكم مش هتروحو تقولو لغريب او لابويا او امى فى البلد احلفو انكم مش هتقولو لحد اصلا
هانى : هو فى ايه يا قمر ما تقولى وليه فى البلد بيقولو انك موتى ؟
قمر : احلفو الاول انكم مش ههتقولو لحد انكم شفتونى او حتى تقولو لحد انكم تعرفو انى لسه عايشه
تريز : والعزرا ما هنقو لحد حاجه
قمر : وانته كمان احلف يا هانى
هانى : والمسيح ما هقول لحد خالص بس احكلنا فى ايه وانتى بتعملى هنا ايه ؟
قمر : انا كده اطمنت بص انتم عرفين ان بعد ما اختى ماتت ان ابويا وامى كانو عوزين يجوزونى شعبان
تريز : اه طبعا عشان العيال
قمر : انا مكنتش عاوزه هربت اوى مره بس صعب عليا العيال ورجعت بعد ما هربت بيومين غريب كان هيقتلنى ودانى الترب وضربنى وكان هيدفنى حايه
هانى : معقول عمل كده بس برضو عندو حق انتى شرفو
قمر : كسر حقو يموتنى وانا معملتش حاجه بقولك كانو هيجوزونى وانا 17 سنه وشعبان 40 سنه يرضى مين ده دا غير 5عيال هكون خدامه ليهم
تريز : متئخزنيش يعنى وانتى بتشتغلى ايه مانتى شكلك خدامه برضو يبقى ولاد اختك اولى بيكى
قمر: ما عشان كده باقولك رجعت وغريب اخدنى الترب وكان هيدفنى حايه هربت تانى وادينى شغاله هنا مع ناس طيبين اوى وبيعملونى كويس اوى
وباخد مرتب كمان دا غير اكلى وشربى ولبسى كمان على حسبهم
هانى : بس برضو ولاد اختك اولى بيكى
قمر : غصب عنى يا هانى انته عارف غريب مش بيتكلم غير بئديه ضرب وتلطيش وشعبان كمان الله يرحمها اختى كانت كل يوم تشتكى منو ارتاحت لما ماتت الله يرحمها
تريز : طب مش هترجعى خالص تانى
قمر : ارجع عشان اتقتل ؟
هانى : متخفيش اخوكى اتغير بعد ما اتجوز وكمان شعبان اتجوز عزه بنت عمك واهو بيربى عيالها وعيالو مع بعض
قمر : هو غريب اتجوز؟ امته ومين ؟
تريز : بنت عمى زكى اللى فى اول البلد دى كمان حامل
قمر : طب وابويا وامى ؟
هانى : موجودين بس امك تعبانه مع مرات اخوكى
قمر : انا مش هقدر ارجع وانتو حلفتو انكم مش هتقولو لحد
هانى : ايوه بس انتى بنت بلدى هسيبك كده ازاى ارجعى ومحدش هيعملك حاجه
قمر : بقولك مش هقدر اسيب الناس اللى بشتغل عندهم
المهم انا ليه طلب منكم
تريز : عينى يا اختى عاوزه ايه ؟
قمر : انا من وقت للتانى هكلمكم تطمنونى على امى وابويه بس من غير ما يعرفو وكمان هبعتلكم كل شهر فلوس تدوها لامى بس من غير ما حد يعرف
هانى : لا يا قمر مينفعش لازم ترجعى انا مش هسيبك هنا ميصحش
قمر : غريب هيقتلنى
تريز : خلاص يا هانى قمر عندها حق
هانى : احنا صعيدا ازاى عوزانى اسيبها هنا لوحدا
قمر : لو يرضيك انى اموت وانا معملتش حاجه هاجى معاك بس هو كده يرضى ربنا
هانى : وبرضو مايرضيش ربنا انك تفضلى لوحدك كده من غير راجل
قمر : بقولك انا هنا بشتغل مع ناس وصلين اوى شوف المستشفى هنا شكلها ايه
هانى : وهو اللى انتى بتشتغلى عندو ده هو صاحب المستشفى ؟
قمر : لا واحد تانى بس مراتو بتتعالج هنا ومراتو هتموت يا عينى وبنتو انا اللى باخد بالى منها ملهاش حد
هانى : وبنت اختك اللى هى برضو ياتيمه دى مش صعبانه عليكى
قمر : صعبانه عليا بس انا مش هرجع وانتو حلفتو بالعزرا وبالمسيح انكم مش هتقولو انكم شفتونى
تريز : احنا خيفين عليكى
قمر : والله ما تخافو انا هنا مرتاحه اوى وكمان فى امان اوى وبشتغل عند ناس محترمين اوى
هانى : طب على الاقل قولى انتى شغاله عند مين
قمر : لا مش هقولك بس انا هديك رقم تليفونى
تريز : احنا خيفين عليكى يا قمر
قمر : عارفه احنا متربيين سوى وانا ياما كنت باجى نلعب فى حوش بيتكم بس انا بجد مرتاحه هنا انا لو رجعت البلد هتبهدل هروح ارجع مع امى فى البيت وكمان مرات اخويا طب وبعدين واتجوز اى حد بقى يتقدملى عشان اخلص من الخدمه اللى من غير تمن
تريز : عندك حق وفى الاخر مش هيتقال لك حتى كلمت شكر
قمر : اديكى قولتيها والحمد لله انى قبلتكم انتو انا بثق فيكم انكم مش هتقولو حاجه
ولا هتقولو ؟
هانى : خلاص سرك فى بير مش هنقول لحد بس دائما تطمنينا عليكى ولو احتاجتى اى حاجه قوليلى انا زى اخوكى صحيح احنا مش من دين واحد بس يعنى
قمر : دين ايه اللى بتتكلم فيه متقولش كده والله انته احسن من اخويا احنا اخوات يا هانى
دانته راضع انته وغريب على بعض ولا نسيت
هانى : لا مش ناسى
قمر : طب شفت بقى انك اخويا برضو
تريز : خلاص يا قمر متخفيش هاتى رقمك بقى عشان نبقى نطمن عليكى
قمر : وانا كل شهر هبعت فلوس اللى اقدر عليها لامى وهبعتهالك فى البوستا ماشى يا هانى
هانى : خلاص ماشى بس هدهالها ازى يعنى هنقولها فلوس ايه يعنى ؟
**** ( بقلم هند محمد @isis Mohamed ) ****
هبه : عمر انته لسه هنا
عمر : انا جنبك اهو نامى ارتاحى
هبه : انا بحبك اوى يا عمر متسبنيش ليه طلقتنى سبتنى وانا ماليش غيرك
عمر : مش انتى الى عاوزه كده كل شويه طلقنى طلقنى ادينى طلقتك
هبه : بس انا لما بقول كده بكون عوزاك جنبى اكتر
عمر : كل حاجه لها حدود وانتى ضغطى عليا اوى وامى كمان ماتت بسببك
هبه : انا اسفه انا كنت بحب ماما اوى والله بحبها وانته عارف
بس انا لما عرفت انك مخلف من غيرى مكنتش شايفه ولا حاسه قدامى
عمر : كلو من المنتج منو لله
هبه : هترجعلى يا عمر
عمر : بلاش نتكلم دلوقتى المهم انك تقومى بالسلامه ارتاحى وانا معاكى اهو ومش هسيبك غير فى بيتك
هبه : تقصد بيتنا
عمر : ان شاء الله ارتاحى بس غمضى عنيكى كده ونامى
هبه : طب هات اديك احضنها وانا نايمه عشان مش تسبنى وتمشى
عمر : ايديا معاكى اتفضلى
هبه : هو انا عاوزه اسئل سؤال اخير بس وحيات بنتنا تقولى الحقيقه ؟
عمر : ايه عاوزه تعرفى ايه ؟
هبه : هو القميص ده بجد بتاع ايمن ولا بتاع واحده ست انته كنت عندها ؟
عمر : هو انا لو اديتك فى وشك دلوقتى هيحصلك حاجه والله ما هيحصل حاجه
**** ( بقلم هند محمد @isis Mohamed ) ****
وفاء : دى راحت فين دى
لو سامحتى ماشوفتيش البنت اللى كانت شايله طفله وقاعده هنا
الممرضه : اه كانت مع اتنين واظاهر نزلت من شويه معاهم
وفاء : اتنين مين رجاله ولا ستات ؟
الممرضه : لا ست و راجل كده وشكلهم فلاحين او صعيدا حاجه كده وهى نزلت معاهم
وفاء : ست وراجل مين دول انا هكلمها فى التليفون
ده مقفول
رحتى فين يا قمر
**** ( بقلم هند محمد @isis Mohamed ) ****
قمر : معلش اتئخرت عليكم
تريز : كل ده فين قولتى هتدينا رقمك وقمتى فجئه ليه ؟
قمر : ابدا كنت بجيب حاجه وبعدين ما انا سبت البنت معاكم اكيد مش هسبها وههرب اتفضل يا هانى الرقم اهو خليه معاك
هانى : على العموم انا بس عشان حلفت هحافظ على سرك بس خلى بالك من نفسك ولو احتاجتى اى حاجه اتصلى بيه
قمر : حاضر ادينى رقمك عشان مش معايا
هانى : انا رنيت عليكى
قمر : طب تمام انا كده سيفتها اه لو لقيت الخط مقفول متقلقش عشان خط الشغل غير الخط ده
هانى : يعنى ده خط جديد ؟
قمر : ايوه
تريز : ايه ده انتى نفس الشركه
طب ما بدل ما تبعتى فلوس البوستا ابعاتيهم من التليفون نظام الكاش
هانى : صح فكره برضو
قمر : ماشى هبقى اعمل نظام الكاش اسهل برضو
بس هتقولو لامى الفلوس دى منين ؟
تريز: مش عارفه بس هدور على حجه متخفيش مش هنقول سرك لحد
قمر : متشكره اوى ربنا يكرمكم يا رب
تريز : ادعيلى ربنا يكرمنى بعايل
قمر : ان شاء الله انتو لسه متجوزين قريب انتو مكملتوش سنه انتو خيفيين ليه
خودو حولى تشوفى طريقه وادى ماما ال 500 جنيه دول
تريز : ماشى هدهملها
قمر : متشكره اوى يا تريز انتى وهانى بس محدش يعرف انى عايشه ابوس اديكم
هانى : لا متخفيش مع انى مش موافق وخايف عليكى بس انا حلفت
قمر : طيب انا كده اطمنت
**** ( بقلم هند محمد @isis Mohamed ) ****
وفاء : عمر عمر
عمر : ( قام من جنب هبه براحه ) فى ايه ؟
وفاء : انا بدور على قمر مش لاقيها انته ماشوفهاش ؟
عمر : لا انا من ساعت ما قفلت الباب عليا مشفتهاش
وفاء : انا بكلمها الموبيل بتعها مقفول والبنت كمان معها مش عارفه راحت فين
عمر : ممكن تكون فى الحمام او نزلت تجيب اكل او اى حاجه
وفاء : انا كنت تحت بجيب اكل وقولتلها تيجى معايا خافت البنت تبرد قالتلى لا هتستنى هنا
عمر : تليفونها مفقول برضو انا كده قلقت
وفاء : طب انا هروح اشوفها فى الحمام
عمر : استنى هى جايه هناك
كنتى فين ؟
قمر : كنت بجيب حاجه من تحت
عمر : حاجة ايه ؟
قمر : "
"
"
حاجه خاصه
وفاء : (افتكرت حاجه بتاعت البنات ) خلاص يا عمر سبها على راحتها المهم انها كويسه هى والبنت
عمر : متختفيش كده تانى قبل ما تمشى تقولى هتروحى فين فهمه
قمر : حاضر اسفه
عمر : طب هبه نايمه دلوقتى انا هروح اغير وانام شويه
وفاء : لالا خليك معاها لحسن تصحى وترجع تتعب تانى انا ما صدقة انها بقت كويسه
عمر : وفاء انا تعبان بقالى يومين ما نمتش بجد مش قادر
وفاء : طب نجبلك سرير جنبها بس متسبهاش هتتعب تانى
عمر : طيب امرى لله هستنى انا هدخل طيب جنبها بدل ماتصحى وتتجنن تانى تقول انى مع ممرضه او حاجه
قمر : ههههههههههه
عمر : بتضحكى مانتو كلكم ستات مجانين زى بعض انتى كمان لما تتجوزى هطلعى عين جوزك انا عارف
قمر : لالا انا هكون من ايديه دى لايديه دى وعمرى ما هشك فيه ابدا
عمر : كلام مابناخدش منكم غير كلام بس
**** ( بقلم هند محمد @isis Mohamed ) ****
ايمن : لسه صحيه
عفاف : مش قادره انام
ايمن : طب قومى انا جايبلك لقمه كده انتى مكلتيش قومى يا حبيبتى
عفاف : مش قادره ماليش نفس
ايمن : انا هئكلك بأديا يلا يا عمرى عشان خطرى
عفاف : خدنى فى حضنك يا ايمن
ايمن : يا قلب ايمن انتى تعالى يا حبى ( اخدها فى حضنو وقعد يطبطب عليها ) انا معاكى اهو ومش هيسبك عمرى بس لازم تاكلى عشان عبد الرحمن وعشانى لو جرالك حاجه انا هعمل ايه ؟
عفاف : يعنى انا لو جرالى حاجه انته مش هتروح تتجوز عليا ؟
ايمن : انا لا طبعا هو انا هلاقى زى فوفه حبيبتى فين مستحيل اتجوز غيرك ابدا
عفاف : يا حبيبى يا ايمن
ايمن : انتى بقى لو جرالى حاجه هتتجوزى غيرى ؟
عفاف : انا لو انته جرالك حاجه انا هموت على طول
ايمن : بعد الشر عنك يا حبيبتى يا ام عيالى
اه بقى مش عاوزه تجبيلى بنوته حلوه كده زيك
عفاف : هو ده وقتو يا ايمن
ايمن : اه وقتو انا عاوز بنوتها حلوه واسميها فوفه عشان ادلعها وانتى لا
عفاف : هههههه
ايمن : ايوه كده اضحكى خلى الشمس تطلع
يلا كولى بقى حبيبتى
عفاف : حاضر بس انته اكلنى
ايمن : خرابى على الدلع ماشى افتحى بؤك
**** ( بقلم هند محمد @isis Mohamed ) ****
( وفى الصباح )
الدكتور : صباح الخير يا نجم
عمر : صباح النور
الدكتور : بجد فيلمك انا دخالتو امبارح حلو اوى انا ومراتى فضلنا نضحك ضحك خصوصا لما مراتك الاولى عرفت انك اتجوزة عليها الرقاصه بجد فيلم رائع
عمر : طب الحمد لله انو عجبك
الدكتور : بجد جميل ومراتك الاولى دى دى مجنونه ورخمه رخامه
هبه : بالعكس دا فيلم مش حلو والزوجه الاولى بتحبو جدا
الدكتور : مراتى رئيها كده برضو بس بجد فيلمك خد بطار كل الرجاله
عمر : ههههههههههه طب الحمد لله
الدكتور : يا ريت كل واحد مراتو نكديه يتجوز واحده زى صافينار كده
هبه : ممكن اخد رقم مراتك التليفون ؟
الدكتور : ليه ؟
هبه : عشان اقولها جوزك معندوش دم وعينو زايغه واخين وواطى
الدكتور : نعم ؟
عمر : معلش هى كده حولت اغيرها معرفتش حقك عليا
الدكتور : لا عادى يا نجم ما هما كلهم كده
ممكن ايديكى بقى عشان اشوف الجرح والشرايين اتلامت ولا لسه
عمر : طب انا مش هقدر اشوف الجرح انا باره معلش خلصى واندهيلى
( خرج عمر باره لقى قمر حاضنه نهال ونايمه )
عمر : قمر اصحى قمر
قمر : ايه فى ايه
عمر : انتى ليه نمتى هنا مروحتيش ليه
قمر: هروح فين اخاف اروح انام فى الفيلا لوحدى
عمر :كنتى روحتى عند عفاف طيب
قمر : خفت اروح لها
عمر : طب انتى هتفضلى كده روحى عند عفاف دلوقتى عشان البنت
قمر : لا انا كنت عاوزه اروح الفيلا بس خفت بليل نهال عاوزه تغير
عمر : خلاص انا هوديكى بس شويه انا كمان عاوز اغير مين بيكلمك ؟
قمر : دى منى
الو ايوه يا منى
منى : انا وماما فا الفيلا انتو فين ؟
قمر : شويه وهنجلكم انا ومستر عمر
منى : طيب هبه عامله ايه ؟
قمر : ان شاء الله هتبقى كويسه انتى عرفتى منين ؟
منى : البواب قلنا تحبى نجلكم
قمر :استنى اسئل مستر عمر
منى بتقول تيجى اقولها تيجى ولا لا
عمر : اه خليها تيجى عشان ما تبقاش لوحدها هبه ووفاء مشيت
قمر : اه يا منى تعالى احنا فى المستشفى اللى جنب الفيلا فى اول الطريق الصحراوى
منى : خلاص انا عرفاها انا هاجلكم اهو
عمر : قوليلها ان احنا هنروح عشان هما يجو بسرعه
قمر : منى بصى البنت محتاجه تغير وجعانا لازم اروح دلوقتى فا انا هاجى على الفيلا انا ومستر عمر انتى بقى تعالى مش هنقدر نستناكم
منى : ماشى خلاص انا جايه انا وماما
قمر : طيب ماشى
**** ( بقلم هند محمد @isis Mohamed ) ****
عفاف : ايه ده انته رايح فين ؟
ايمن : رايح الشغل هروح فين يعنى العيد خلص والشغل بدء
عفاف : شغل انا مش قولتلك سيب شغلك مع المجنونه دى دى موتت امى
ايمن : وانا قولتلك مينفعش اسيبها وهى محتجانى لو قالتلى امشى همشى
عفاف : يعنى هتستنى لما تطرودك
ايمن : لا هبه مش ممكن تعمل معايا كده وبعدين الشغل حاجه والحياة الشخصيه حاجه انا مقدش اسيب واحده محتجانى
عفاف : بس انا مش عوزاك تشتغل معاها خلاص عمر طلقها مفيش حاجه تربطنا بيها
ايمن : لا فى نهال وكمان فى عشره بنا وكمان عيش وملح
غير كده انتى عارفه انها فى المستشفى واجب عليا اقف جنبها
عفاف : لا يا ايمن مش هتروح مش هخليك تنزل
ايمن : بجد طب ماشى انا نازل وورينى هتوقفينى ازاى
عفاف : ايمن متعملش فيا كده حرام عليك
ايمن : انا زى ما حنين عليكى وعلى طول بعمل اللى بتقولى عليه بس انا الراجل هنا انا اللى بمشى البيت ده ومش هسمح ان حد يمشينى فهمه
عفاف : كده يا ايمن بتزعقلى خلاص روح وسبنى لوحدى
ايمن : استغفر الله العظيم انا مش اقصد ازعقلك بس انا مش بحب حد يقولى اعمل ايه ومعملش ايه دى شغل مش بمزاجى انا نازل الشركه مش هتئخر عليكى اول ما اخلص هاجيلك ماشى
عفاف: خلاص برحتك
ايمن : طب ادعيلى طيب هنزل من غير ما تدعيلى
عفاف : ربنا معاك
ايمن : مش هتئخر هاجى على طول اضحكى بقى يا فوفه ولا اقولك ام عبدو
عفاف : هههههههه لا فوفه احلى
ايمن : ايوه كده والله اطيب قلب فى العالم حبيبتى انتى والله
عفاف : متزعقليش تانى
ايمن : حاضر
عفاف : مش هتفطر؟
ايمن : انا قمت عملت سنداوتش وشاى الحمد لله
عفاف : كنت صحتنى طيب
ايمن : مش عاوز اتعبك قولت اخليكى مرتاحه
بقولك خلى قمر تجيب البنت اليومين دول عندنا عشان متبقاش لوحدها
عفاف : لا خليها لوحده وملكش دعوه بقمر ماشى
ايمن : انتى بتغيرى من قمر ولا ايه دى قد سهر هتغيرى من وحده اصغر منى ب 15 سنه
عفاف : ودى مين اللى اغير منها بس اهتمامك بيها يعنى حاجه تدايق لو على نهال اجبها وانا اخد بالى منها لاكن قمر لا
ايمن : خلاص اعملى اللى انتى عوزاه انا رايح الشركه كده هتأخر السلام عليكم
**** ( بقلم هند محمد @isis Mohamed ) ****
( وصل عمر وقمر الفيلا )
قمر : دادا يا منى شكلهم مشيو
عمر : طيب انا طالع اعمل شويت حاجات فوق وهنزل تانى هتفضلى هنا ولا هتعملى ايه ؟
قمر : لا انا اخاف لوحدى الفيلا كبيره وكمان ساعات النور بيقطع وانا لوحدى
عمر : طب تروحى عند عفاف ؟
قمر : لا برضو
عمر : طب هتعملى ايه ؟
اقولك انا هطلع اشوف هعمل ايه وبعدين هجيلك ونشوف
قمر : ماشى وانا هطلع احمي نهال لحسن باقلها يومين مش استحمت
عمر : وانا اقول الريحه دى جايه منين طيب اطلعى شوفى هتعملى ايه
قمر : طب مش تمشى وتسبنى
عمر : لا متخفيش
قمر: ماشى انا طلعه
**** ( بقلم هند محمد @isis Mohamed ) ****
جليله : كده برضو يا هبه تحرقى قلبى عليكى
هبه : طب اعمل ايه الدنيا قدامى كانت سودا
وام عمر ماتت بسببى
جليله : بس برضو يا حببتى مش تنتحرى مش كده والله انا اول ما عرفت وانا قلبى وجاعنى عليكى انتى لسه صغيره يا حبيبتى والدنيا لسه قدامك
قومى يلا عشان تاكلى انا بقى جبتلك فرخه تكليها وشوربا عشان تعوضى الدم اللى نزل منك
هبه : لالا انا مش قادره هو عمر فين ؟
منى : مستر عمر روح يغير وكمان قمر معاه نهال كانت عاوزه تغير وتاكل وكانت قمر خلصت الحاجه الى معاها
جليله : والله قمر دى بنت حلال مخليه بالها من نهال ولا تكون امها
هبه : يعنى هى وعمر لوحدهم فى الفيلا دلوقتى ؟
منى : تقريبا
هبه : طب معاكى تليفون يا منى صح
منى : اه معايا اتفضلى
هبه : ( اتصلت بعمر مردش وبقمر مش بترد والبيت محدش بيرد )
منى : انا بتهيقى فى صوت موبيل بيرن ده موبيل حضرتك دا مكتوب ايمن
هبه : هو موبيلى هنا طب هتيه بسرعه
الو ايمن ازيك
ايمن : الحمدلله انتى اخبارك ايه دلوقتى
هبه : انا كويسه بس انا عاوزه اسئلك سؤال ممكن ؟
ايمن : اتفضلى بس انا كنت عاوز اقولك الشقق بتاعة العاشر
هبه : مش مهم دلوقتى شقق ايه المهم عاوزه اسئلك فى حاجه وتجوبنى بصراحه انا عارفه انك مش بتكذب ؟
ايمن : فى ايه يا هبه قلقتينى خير ؟
تفتكرو هبه هتسئل ايمن فى ايه ؟
أنت تقرأ
ملك يمينى ( قمر و عمر )
Romanceقصه اجتماعيه رومانسيه دراميه تناقش كل المشاكل التى تقابل اى زوج وزوجه فى حياتهم الزوجيه من غيره وشك ومصروف البيت والاولاد مشاكل موجوده فى كل بيت مصرى وعربيى فى قالب درامى رومانسى بقلمى انا هند محمد isis.mohamed@yahoo.com انا بدأت كتابت هذه القص...
