ملك يمينى ( قمر و عمر )

الحلقه ( 54 )

الحلقه 54

عمر : نرجع تانى ؟

هبه : ايوه انا بحبك اوى وانت كمان

عمر : طب ممكن اعرف جوزك طلقك ليه ؟

هبه : متفقناش هو كل حاجه خايف من الجرايد وكمان ممنوع اللبس مايوه ممنوع ابين شعرى عاوز يعمل عليا سي السيد مستحملتش

عمر : وانتى بقى فكره انى ممكن ارجعلك عادى كده هو اللى بعدنا عن بعض هو ان احنا اطلقنا وخلاص انتى سبتى جوزك كده اوك نرجع

هبه : اه طبعا خلاص يا عمر مفيش حاجه هتبعدنا تانى انا خلاص اتعلمت من غلطتى ومش هعمل تانى اللى كنت بعملو

عمر: اه يعنى لما نرجع مش هتهزقينى تانى ولا تقوليلى يا بتاع المكربصات

وكمان لو ظهرة اشاعه او حاجه من دى مش هتقوليلى يا خاين يا واطى ؟

هبه : لا يا عمر خلاص انا اتعلمت

عمر : ماشى انا موافق نرجع بس بشرط

هبه : انا من ايديك دى لايدك دى شرط

( كان عمر بيتكلم مع هبه وقمر وقفه فى المطبخ بتحاول تسمعهم بس للاسف كان صوتهم واطى فا مكنتش سمعه حاجه )

قمر : خلاص انا كده دورى خلص هو هيرجع لهبه وانا هفضل زى مانا

بس انا مش هقبل بالوضع ده هو لو عاوز يرجع لهبه لازم يتجوزنى ويطلقنى بعدها

ولو مرضيش والله هروح افضحو عند اختو مستر ايمن حقانى مش هيسبنى وهقف جنبى ده راجل محترم وبيعرف ربنا

**** ( بقلم هند محمد @isis Mohamed ) ****

شافعى : بس كده احنا مش متفقين يا حسام الفيلم مفهوش عنصر جذب ولا فنانه ولا رقاصه ولا اكشن ولا اى حاجه الناس هتدخل ليه الفيلم بقى

حسام : الناس هتدخل عشان الفكره واحد ميت روحو بتكلم عزرائيل وعزرائيل بيخيره تدخل فى جسد مين دا قمة الخيال

شافعى : قمة الخيال بتاعك ده من غير الفلفل والشطه بتوع الافلام دلوقى مش هينفعو وهيخسرونى فلوسى

حسام : مش هتخصر صدقنى الناس هتدخل تتفرج على الفيلم عشان ده فن محترم وكفايا انها روايا يعنى عمل ادبى

شافعى : طب خلى عمر يعمل اغنيه ونجيب رقاصه حلوه كده ترقص

حسام : رقاصه ايه مينفعش طبعا

شافعى : طب نحط كام افيه كده يضحكو الناس

حسام : ده مش فيلم كومدى

ده خيالى سياسى

شافعى : نعم سياسى لا احنا متفقناش على كده انا مليش فى السياسه

حسام : مش بالظبط بس هى الروايا بتتكلم عن الناس الارواح انته مش قارتها

شافعى : لا هو انا فاضى