مع اقتراب فتره الانتخابات .. نصوّت ولا ما نصوّت ؟؟..انا طول عمري أمارس حقي الانتخابي .. لأني بأعتبر عدم الانتخاب هو منتهى السلبيه.. بأحاول اشوف مين احسن .. وأشوف شو بيحكوا الناس عنه .. وبأسمع اللي ضد حد ليش هو ضده ،. وبالاخر بأختار اكتر واحد في أمل فيه انه يعمل اشي لصالح المهنه.. ومش اني بأعرف حد بشكل شخصي.. إنما انا اعتبر اني اذا ضليت متفرّجه.. يعني ما بيطلع لي ألوم ولا أقول ليش صار وليش عملتوا وليش ما عملتوا .. أول خطوه نحو التغيير هو الانتخاب.. الشباب اللي بيحق له ينتخب عليه ثقل واعتماد كبير .. هذول الشباب(صيدلي، صيدلانيه) قوه بحد ذاتهم ..المهنه وتطويرها بحاجه لهم ولأفكارهم المبدعه .. وطاقتهم المستمره ..بيطلع بإيدهم يعملوا كتير اشياء.. بيقدروا يضغطوا على المرشح اللي رح ينتخبوه .. بيقدروا يتابعوه بعدين .. مجرد عدم الانتخاب معناه الانسحاب من الساحه.. وترك الامور سايبه للي بده يتحكم فيها يعمل زي ما بده !!.. أقل شي بأقدر اعمله من اجل التغيير هو اختيار اصلح الموجود .. بدكم الوضع يتحسن ؟؟ بدكم الاجور ترتفع؟؟ بدكم نسبه الربح تزيد؟؟ بدكم حقوقكم وين ما كنتوا؟؟ بدكم نصير زي باقي الدول اللي الصيدلي عايش فيها زي الخلق؟؟ خلينا نعمل اشي.. ننتخب ونطالب اللي مننتخبه انه يطبق الحكي اللي بيقوله.. ما تستهينوا بأنفسكم ..التغيير بإيدينا..خلينا ناخذ هذه الخطوه .. الاتحاد قوه والتفرق ضعف..
