يا جماعه احنا عندنا مشكله على الصعيد الوطني !!! مش معقول اللي عم بيصير .. أي واحد صار مستعد يقعد بصيدليه ويقول لك شغلوني عندكم!!!
اليوم زبون عندي جايب ابنه معه .. الابن متخرج جديد paramedic (مسعف طبي) والاب مبسوط عليه .. وما شاء الله ..
بعد ما بارك لي بعضويه المجلس.. وإذ به بيطلب مني ألاقي لإبنه شغل مسائي بصيدليه 😳!!!! 😏😏😏 😱😱😱😖😖😖..
طبعا انا ما بدي أخسر زبوني من سنين .. فكنت بمنتهى اللطف معه .. وحكيت معه بالعقل..(وزي ما بيكتبوا شباب هالايام بالعgل😊).. قلت له يا ابو فلان.. انا مش بس ماااااا رح أدور له على شغل بصيدليه .. لا وكمان اذا لقيته بصيدليه رح أخالفها وعلى طول على مجلس تأديبي !! لانه هذا من أهم الاشياء اللي رح نشتغل عليها بالمجلس.. الصيدليه مش مفروض يكون فيها غير صيدلي ( بكالوريوس/ دبلوم) .. يعني دور لإبنك على مجال تاني يشتغل فيه .. زي مؤسسه تمريض أو مركز طبي.. والله يوفقه (وسيبك من الصيدلياااااات وقصصها .. خليها لأصحاب مهنتها وبس 💪💪💪)..
#ألبسوا_لابكوتات
#إحكوا_علم_عقدوهم
#وصلوا_رساله_الصيدلي_مش_بياع
