الحسد هو تمني زوال النعمه عن الآخرين.. أما الغِبطه (بكسر الغين)فهي الحسد المستحب اللي لا يتمنى الشخص زوال النعمه عن المحسود ..بالعكس بيكون يقول : الله يبارك له ويا ريت يكون عندي زيه..أنا لما احكي لكم عن قصص الناس اللي بتحس مع غيرها وبتعمل خير.. انا أكون متأكده انه وجود هيك ناس بيفرحكم .. بيحسسكم انه الدنيا لسه بخير.. وانه نتشجع نعمل زيهم .. هذول الناس اللي مش ناسيين أنهم هلق فوق الأرض وبكره رح يكونوا تحتها.. عم بيجمعوا حسنات ليوم تشخص فيه الأبصار..وعمل الخير ماله علاقه بقديش عمرك ولا شو بتشتغل..إذا إماطه الأذى عن الطريق حسنه وتبسمك في وجه أخيك صدقه!! ..جمله قالتها زمان وحده راقصه تابت وعرفت الطريق الى الله.. ما أنسى شو جاوبت المذيعه اللي كانت بتعمل معها مقابله .. سألتها ليش ما بتردي على الإشاعات اللي بيحكوها عنك؟؟!!.. قالت لها ووجهها يضيء بالإيمان : (يقولوا اللي عايزينه ! أخذ من حسناتهم ..أصل انا.. شوالي فاضي!.. )يعني كيس الحسنات تبعها فاضي وبدها تعبيه!.. وإحنا كلنا ..اللي شواله فاضي واللي شواله نص مليان واللي شواله مخزوووووق!.. ما في أجمل من انه الواحد يقعد يسمع للناس اللي حديثي التوبه واللي بيبكوا على ذنوبهم بحرقه.. اللي كلهم إقبال على الله.. هؤلاء .. أنا .. أغبطهم ..😍😍😍
