أنت تقرأ

القماري الغريبة... طارق اللبيب

Historia Corta

كل مرة بحكي ليكم القصة براي .. الليلة انا عايز اكون مستمع معاكم .. .. ونخلي بطل القصة يحكي لينا .. وبالاحرى البطله انثى .. القصة دي غير حقيقية . لا احداثها ولا شخصياتها .. وانا اخترت شخصية انتقائية .. لان الشخصيات العوجاء لاتعنيني .. وده منهجي...

#اللبيب #سوداني #طارق

الأخيرة 1

832 14 0 
                                    

                                              
  انا طبعا" خليت الناس بتكلمو في كلامهم ..وقمت خشيت جوة في الاوضة ..
معزة جات لاحقاني .. قالت لي انتي غبية يافاطمة؟.. قايمة ليه؟ امي قربت تقتنع .. امي هسي باقية بين نارين .. عايزاك انتي شديد .. ومتألمة من حالة مصعب .. 
والله يافاطمة موضوعك ده شكلو ح يظبط .. قلت ليها كيف؟
قالت لي انا اتصلت على صفاء ..ووريتها الصورة انو مصعب مابحبها ..وبكرها وبحب فاطمة ..ومصعب ماقادر يتصرف عشان امي واعدة امك .. 
وصفاء قالت براها بتفسخ الخطوبة .. بس انتي اصبري ..مسألة زمن 
وقولي لي مصعب ..يطلع من الحالة دي ..الفرج قريب ان شاء الله ..
انا قلت ليها يامعزة.. انا مصعب ماعايزاهو.. انتو ماعايزين تفهموني مالكم؟
بالاختصار ياجماعه .. انا خليتهم في الحالة دي.. ومشيت الداخلية ...
يوم الجمعة من الصباح.. وتاني انشغلت .. وحاولت انسى .. قدر ماحاولت ماقدرت .. اول ما اصحى مافي خيالي غيرو .. وبنوم وهو اخر انيس في قلبي وروحي ..
القماري الغريبة... طارق اللبيبحيث تعيش القصص. اكتشف الآن