"Kumusta ka na mahal?"
Yan ang tinig na tanging narinig ni Ashley habang nakahawak sa cellphone nya. At bigla nyang narinig ang malakas na putukan ng baril na umalingawngaw sa kawalan.
Nakatanga siyang lumuluha hawak ang cellphone nya. Nag-iisip kung ano ang nangyari ng hindi nya namalayan na pumatak na ang kanyang mga luha, bumilis ang tibok ng kanyang puso na tila ba may hindi magandang nagyayari.
Habang nagdidial siya ng number ni Marco, iyak siya ng iyak pero tanging operator lamang ang sumasagot sa kanya. " Ano kayang nangyayari kay Marco, Oh, Lord ikaw na po ang bahala sa mahal ko".
Pabalik-balik sya ng kalalakad sa kwarto habang dial ng dial sa number ni Marco, at niyayakap ang mga damit na naiwan ng taong mahal nya, hindi nya mapigilan ang kanyang luha na pumapatak, kusa lang etong tumutulo na parang ayaw huminto. Kinakabahan sya habang hinahaplos ang tyan nya, ilang buwan na lang at manganganak na sya. Magkakaanak na sila ng mahal nya.
Umaga na pala, nakatulogan nyang hawak2x ang tshirt ng sundalo nya at maga ang kanyang mga mata. Pero wala pa rin syang natatanggap na text at tawag, ano kaya ang nangyari sa mahal ko sabi nya sa sarili.
