وأثناء التقاط إسلام لأشيائها نظر لوجهها فظهر على وجهه ابتسامة وقال ....
إسلام : ولا أقولك أنا مش أسف
الفتاة باستغراب : نعم
إسلام بابتسامة : أصل الصراحة أنا خبطتك من غير قصد فأكيد ربنا أراد إنى قابلك عشان أشوفك ياقمر
الفتاة بغضب وهى تلتقط أشيائها بسرعة : أنت واحد قليل الأدب ومش محترم .... وتركته وغادرت بسرعة ولم تلتفت له
إسلام : استنى بس طب أنتى نسيتى تخدى القلم ده
و لكنه لم يجد منها رد ..... إسلام فى نفسه : والله عسل ولا عينيها دى أكيد هنتقابل تانى يا صاحبة العيون الفضية .
وعند الفتاة بعد ما تركته رن هاتفها .....
ردت الفتاة بغضب : ايوة يا منة
منة : ايه يا جنة مالك
جنة بضيق : مفيش ... أنتى كنتى متصلة ليه
منة بعدم تصديق : كنت بشوف أخبار الكلية معاكى ايه أول يوم ... وكمان عشان أقولك إن أحنا هنروح لمليكة النهاردة
جنة : يابنتى أنتى لحقتى دى لسه ماشية امبارح
منة : قلقانة عليها يا جنة أول مرة تبعد عنى وموبايلها مقفول ومش عارفة أوصلها عايزة أروح أطمن عليها
جنة : يعنى أنتى عايزة ايه دلوقتى
منة : نروح لمليكة دلوقتى مش أنتى خلصتى
جنة : ايوة
منة : خلاص هى معرفانى عنوان الفيلا استنى على أول شارع (..........) ده الشارع اللى فيه الفيلا وأنا مسافة السكة وجاية ونروح
جنة : خلاص مااشى أنا خارجة من الكلية اهه
منة : طاايب يالا سلام
وأغلقت معها بعد أن اتفقا أين سيتقابلان ...
___________________________________
فى فيلا المهندس
كان إياد فى غرفته ينتظر محمود ليأتى وعز قد ذهب إلى شركته و مليكة فى غرفتها ونجات تجلس مع إيمان فى غرفة المعيشة فقالت نجات لإيمان .....
نجات : أمال فين مليكة يا إيمان
إيمان : فى أوضتها يا نوجاا محبتش أزعجها
نجات معترضة : ليه يابنتى مروحتلهاش ممكن تتفتكر إن أحنا مش سائلين فيها روحى نادى عليها عشان تقعد معانا هنا
إيمان موافقة : حاضر يا نوجاا
وذهبت إيمان إلى مليكة وطرقت على باب الغرفة كانت مليكة فى هذه اللحظة خارجة من الحمام وسمعت طرق الباب فذهبت لتفتحه ....
مليكة بابتسامة بعد أن رأت إيمان : أهلاً بيكى يا إيمى
إيمان مبتسمة ودخلت إلى الغرفة : ايه يا مليكة منزلتيش ليه ولا أنتى عايزة حد يجى يخدك ينزلك
مليكة معترضة : أبداً والله أنا كنت هلبس الحجاب ونازلة ده أنا خفت أنكوا تقولوا عليا كسولة
إيمان مبتسمة : لا يا ستى مقولناش ويالا إلبسى الحجاب عشان ننزل
مليكة بمرح : حاضر هواا وأكون مخلصة
ولبست مليكة حجابها و نازلوا إلى نجات ...
مليكة وهى تقبل نجات على خذها : عاملة ايه يا نوجا
نجات مبتسمة : بخير طول ما أنتى بخير يا حبيتى .. ثم أكملت بحزن مصطنع : أنتى لازم حد يطلع ينزلك هزعل منك كده
مليكة : أبداً والله وبعدين هو أنا أقدر على زعلك يا جميل ده أنتى الخير والبركة
إيمان مؤيدة : عرفيها يا مليكة أصلها مش مصدقة إن هى لسه شباب
نجات ضاحكة : داتكوا ايه يا أولاد فكرتونى بأيام زمان و أنا كنت فى عز شبابى وبطولاتى مع جدكم حسن
إيمان ضاحكة : ايوة هى دى يا نوجا ايه هى بطولاتك مع سى جدو
مليكة ضاحكة : اهاا يا نوجا احكي
نجات ضاحكة : طب اسمعوا
وظلت نجات تقص لهما عن أيام الماضى ....
____________________________________
أنت تقرأ
حب إجباري
Romanceهل الحب إجبار؟؟ هل من الممكن أن تجبر على أن تحب شخصاً ما ؟؟ نعم من الممكن أن تجبر على أن تحب شخصاً ما ..فهو يتملك جميع حواسك .. لا تعرف كيف تهرب منه .. لا تعرف لماذا يحصل هذا معك .. كل ما فى الامر أنك تجد نفسك هكذا بدون سبب تنجذب إليه .. تراه فى كل...
