البارت دا بعد بارت استسحامحنى
مش عارفة مش بيترتب صح
كان يوسف غادر من فيلته و ذهب إلى منة ليقوم بإيصالها إلى الشركة فى طريقه وعندما وصل تحت عمارتها ... قام بالإتصال عليها لتنزل له ....يوسف : أزيك يا منة
منة : الحمدلله تمام ... أخبارك أنت
يوسف وهو يتنهد : الحمدلله أنا مستنيكى تحت ... انزلى يالا
منة باستغراب : حاضر ... وأغلقت معه
منة أحست من نبرة صوت يوسف أن به شئ ... و لكنها قررت التحدث معه عندما تنزل له وتقابله ... و لكن عندما نزلت له صدمت من منظره و شهقت ...
منة بشهقة : يوسف ... ايدك مالها
يوسف بلا مبالاة : سيبك متخديش فى بالك ... يالا عشان منتأخرش على الشركة
منة بعصبية : يوسف أنت بتستهبل
يوسف بضيق : فى ايه يا منة لكل ده
منة و عينيها بدأت تلمع بالدموع : فى إن ايدك مجروحة و نزفت كتير وأنت مش هامك فيها ايه ... لا وكمان جاى بالعربية وأنت اللى سايقها
يوسف بضيق : طب أنتى هتعيطى ليه دلوقتى ... مش حاجة كبيرة أوووى ... ده جرح صغير
نظرت له بغضب وقالت : أنت واحد مستهتر ... لأن ممكن الجرح الصغير ده يقلب بحاجة كبيرة
يوسف و هو يأخذ نفسًا عميقًا : طب أنتى عايزة ايه دلوقتى
منة بغضب : استنى هنا أنا راحة الصيدلية و جاية
يوسف : ملهاش لازمة الصيدلية يا منة و يالا نمشى
نظرت له بغضب ... وتركته وذهبت إلى الصيدلية فهى أمام العمارة التى تسكن بها و ذهبت اشترت بعض الأشياء منها و عادت له مرة أخرى و جلست بالمقعد الذى بجانبه ... ونظرت له بغضب وسحبت يده لتنظف الجرح وتعقمه ...
منة بغضب وهى تسحب يده : ايه اللى عمل في ايدك كده ... ثم شهقت وهى تخرج الزجاج منها و قالت بغضب : أنت ازاى مستحمل الوجع بيها وهى فيها الازاز ده
يوسف : عااادى يا منة مش بتوجع أوووى ... ساعات وجع القلب بيعدى أى وجع تانى بمراحل
نظرت له منة بحزن و قالت وهى تمسك زجاجة المطهر بيديها بعد أن نظفت جرحه من الدماء : هيحرقك شوية
أومأ برأسه ... فوضعت المطهر على يديه ....
يوسف بصوت مكتوم : اااه
منة : أنا أسفة
يوسف : بتتأسفى على ايه
منة : عشان بوجعك
يوسف : أنتى عمرك ما كنتى سبب فى وجعى يا منة و لا هتكونى أنتى فرحتى ... أوعى تفكرى فى يوم من الأيام أنك سبب وجعى
أنت تقرأ
حب إجباري
Romanceهل الحب إجبار؟؟ هل من الممكن أن تجبر على أن تحب شخصاً ما ؟؟ نعم من الممكن أن تجبر على أن تحب شخصاً ما ..فهو يتملك جميع حواسك .. لا تعرف كيف تهرب منه .. لا تعرف لماذا يحصل هذا معك .. كل ما فى الامر أنك تجد نفسك هكذا بدون سبب تنجذب إليه .. تراه فى كل...