ترياقي

2

غير الرقه والجسم المعبأ نعومة

عندك باهرة القمرا البتخفي نجومة

وزار الصحة عنك اكدت معلومة

حتى العطسة منك خالية من جرثومة

#الجزء_الثاني

🍃

🍃

في الغرفة الاتنين وهم ماشات على أطراف اصابعهم زي الحرامية وبيتكلمو ب صوت واطي كانو همس (ديل التومات صفاء ومروة طوال ولونهم مايل للاخضر وجميلات من جوة وبرا عمرهم 26 سنة دخلو الجامعة بس ماكملو تعليمهم طيوبات ودمهم سكر)

- زي ما اتفقنا انا ارفع الملاية وانتي اكشحي الموية وخلي الباب فاتح

- اتفقنا يلا هجووووووم

رفعو الملاية بس لقو السرير فاضي

- دي مشت وين

جات من وراهم وخلعتهم

- ههههههههههههههه الليلة اتسديت حقي 😜

الاتنين عملو كدا 😧 😧

- مالكم زي الصبت فيكم مطرة

- مطرة في عينيك كفاية الخضة

- ضوقوووووووها مو حارة انقلب السحر على الساحر 😂

- حرام عليك تعملي فينا كدا 😡 😡

- والبتعملو فيني ماحرام 😒 كل يوم مصحني ب جردل موية

- بسيطة ي نهول حنتسداها فيك

- نهلة هههههههههههه يلا اطلعو من غرفتي عايزا ادوش عشان احصل الجامعة

- يعني بتطردينا 😒

- ايووووووون 😜

- طالعين ي حقارة شوفي البيعمل ليك الشاي منو

- نهلة :أخواتي السمحات انا بحبكم ياخ 😍

- امشي ي مصلحجية

نهلة او نهول زي ما أخواتها بيحبو ينادوها صغيرة البيت 👶🏼عمرها 22 سنة جميلة حلبية بشرتها ناصعة وشعرها اسود وطويل عيونها عسلية

وعندها عضمتين وشامة يعني كسارة عديل 😘

امهم فوزية مرة ب مية راجل عمرها في بداية الاربعين بيقولو ليها ام البنات

اما ابوهم عمرو51 سنة كان ميكانيكي اتشل في حادث وبقى ملازم السرير وبسبب ظروفهم التومات خلو الجامعة واشتغلو عشان يقدروا يعالجو ابوهم ويصرفو على البيت

 - نهلة لبست ومشت الحوش لقت ابوها راقد في السرير وأمها جمبو

صبحت عليهم وباست ايديهم

 - بقيت كيف ي ابوي..

- الحمد لله ي بتي نعم الحال

- يلا ي امي انا مشيت