ترياقي

18

جاهل دابو ، يتمايل يميس مرناع
فريد فى طبعو ، رقه وكلام إقناع
لهج السادل فوق ضفايرو ... قناع
فيهو تلاقى ، طعم المنقه والنعناع

خالتي سعاد بعد عرفت الحاصل زعلت من روحهاشديد لانها ظلمت مروة وكانت خجلانة تقابلا بعد أسأت الظن بالذات انو سعاد عملت حركة ما بتشبها خالص شالت الرقم من تلفون ولدا من غير ماينتبه واتصلت على مروة وطلبت منها تبعد من حسام ومروة ردت ليها بكل ادب وقالت ليها
- انا ماعايزا حسام براهو عايزا حسام ب اهلو ولو ماعايزني حنسحب ب كل هدوء من حياتو وماتقلقي ي خالتي ماحجيب سيرتك، ،
بس حسام كان مصر على رأيو ولما لقة امو مصرة على موقفها اضطر يوريها الحقيقة ،، مشت ل مروة البيت وطلبت منها تسامحها على كل حاجة بدرت منها او من اخوها ،،
- وقالت ليها لو بالجد عايزا تسامحيني اقبلي ب ولدي انا ما حلقى عروس احسن منك ليهو
مروة طيبة وما بتخت حاجة في قلبها عشان كدا ربنا بيديها قدر نيتها الصافية دي ،، وافقت وقال ليها
ﺍﻟﺒﻌﺰﻙ ﻣﺎﺑﺴﻴﺒﻚ
ﻻ ﺑﺒﺪﻝ ﺯﻭﻝ ﻣﻜﺎﻧﻚ
ﻭﺍﻟﺒﺮﻳﺪﻙ ﺑﻲ ﻋﻴﻮﺑﻚ
ﻳﺒﻘﻲ ﻳﺴﺘﺎﻫﻞ ﺣﻨﺎﻧﻚ
ﻭﺍﻟﺒﻌﺰﻙ ﻣﻬﻤﺎ ﺗﻐﻠﻂ
ﺟﺪ ﺑﻜﻮﺱ ﺍﻋﺬﺍﺭ ﻋﺸﺎﻧﻚ

خالتي سعاد أصرت يعملو الخطوبة خلال اسبوع وفعلا كانت فرحة للعيلتين ب خطوبة حسام ومروة
(المرة دي ماحوريكم اللبسة عشان ماتسحروها🙊)

ي دبلة الخطوبة عقبالنا كلنا😍
🍂
🍃

في المكتب
- مهند : ابشر ي عريس ،، اليشوفك اسة ما يشوفك قبل يومين
- حسام ههههه ماتزكريني ياخ ديك ايام الله لا عادا ،، ياداب حسيت ب وجعك ي صحبي الحب بيوجع شديد
- مهند : 😔
كن لطيفا بحديثك
فالبعض يعاني من وجع الحياة
- حسام : اسف ي خوة ماكان القصد ازكرك
- مهند: بتتاسف ع شنو انا الندمان على زمني الضيعتو معاها
- حسام ماتندم على الفات الجاي احلى اكيد ،، اها تختار براك ولا اشوف ليك انا
- مهند ب حزن صدقني مافارقة معاي انا عايز افرح ب اخوي وصحبي ورفيق دربي
- حسام : اخوك وصحبك ورفيق دربك فرحتو حتكون ناقصة من غيرك، ، وبالمناسبة انا جادي ما حاعرس واخليك
- مهند : حلال عليك العزوبية 😉
- حسام :😥😥 حقار ،،
- مهند : لو مصر اختر لي مجهولة
- حسام : فعلا دي فاتت علي كيف ،، خلاص لقيتها 😘

*مهند ليهو فترة بتحبيهو رسايل في تلفونو من رقم غريب رسايل كلها حب وغزل فيهو وفي لبسو واناقتو والرسائل دي بتجيهو يومي ولما يرجع للرقم بيلقى التلفون مقفول ما اشتغل بالموضوع كتير لكن حكى ل توأم روحو حسام والاخير اطلق عليها مجهولة و لل لحظة دي ماعرفو الرسايل دي من منو
🌿
نرجع ل ناس الجامعة طولنا منهم
مرت الأيام وبقو خلاص في امتحان السمستر الاخير

كل الشلة كانو بيتجمعو وبيقرو مع بعض والبنات اتفقو كل يوم ينومو عند واحدة عشان يشجعو بعض
كانو مركزين على قرايتهم على الرغم من انهم كانو فوضوين لكن وقت الجد بيجدو

اول يوم في الامتحانات نهلة كانت مقلقة مع انها شاطرة بس خوافها مشت الجامعة واخدت معاها دعوات امها وابوها ،، شافت ريم ماسكة الكتاب وبتقرا وهي متجهة ع قاعة الامتحانات ضحكت فيها وقالت ليها
- الصلاة يوم القيامة ما بتنفع
- ريم : لكن القراية بتنفع ،، انتي عارفة الحاجات البقراها قبل الامتحان ب دقايق كلها بتظبط معاي
- نهلة : ي بختك محظوظة انا راسي بكبس
- ريم : هو وينو الراس 😜
- نهلة : هههههه عمرك ماحتكوني جادة ؛؛ خشي القاعة يلا
- ريم : نتلاقى بعد الامتحان ✋🏼 موفقة
- وانتي كمان يارب
نهاية الجزء الثامن عشر