ترياقي

12

بسقيك الرحيق،،، كان الرحيق بسواكي

وبقطر لك دماي كان ده البجيبو رضاكي

المالكني بي رقة نداك ونجاكي

كيف الحلة لو باقي التمني رجاكي

مروة قفلت التلفون وجرت حضنت امها

- باركي لي ي امي انا خلاص عينوني وحنزل شغل من بكرا

- الف مبروك تستاهلي كل خير عقبال ما افرح ب عرسك ان شاءالله

- صدقي ي امي اول مرة اكون فرحانة كدا مع اني اشتغلت قبل كدا بس دا اول مرة اكون مبسوطة ومتفائلة

- دوم يارب لي زمن ما شفت الضحكة الحلوة دي على وش بتي السمحة

- ان شاءالله حتشوفيني دايما ضاحكة

عدى الاسبوع سريع مروة اتاقلمت في الشغل وحسام كان مبسوط من وجودها وكل شوية يتحجج ويتونس معاها خلال أسبوع بقو قراب من بعض شديد وبيتكلمو بالتلفون صباح ومساء ، مهند ملاحظ للتغير الطرأ على صحبو تغير للأحسن واتمنى ليهو السعادة وعدم الخذلان

في كافتريا الجامعة

- عارفين الاسبوع دا احلى أسبوع

- ليه ي نهول بتقولي كدا

- نهلة : ما شفت مزمل خالص

- ميرال هههههه لقيتك ما جادة

- ريم شكلك حنيتي ي بت وفقدتيهو

- نهلة اسكتي قبل اكشحك بالعصير دا قال أحن انا ما صدقت ارتحت منو

- فتاح وهوبا جو عليهم بتقولو في شنو ي مزز

- ريم طبعا مسلطة طوالي حكت ليهم الشمار هوبا وفتاح عاينو ل بعض نظرة فيها كلام كتير

متذكرين لما ايهاب قال ل فتاح ما حنسكت اخر اليوم هوبا شرح ل فتاح حيعملو شنو وفهمو انهم حيأدبوهو ب طريقة تخليهو تاني ما يفكر يقرب على نهلة وفي نفس الوقت مايظهرو في الصورة عشان مايسببو مشاكل ل نهلة وليهم ودا الحصل اجرو ليهم نفرين عشان يدقو مزمل دق خفيف وديك ماصدقو مسكو مزمل (زي مابقولو لاقوه في زقاق ضيق) ودقوه دق الجبال لدرجة انو رقد في المستشفى فترة ودا سبب غيابو

- نرجع للشلة مالكم سكتو

- نقول شنو يعني غاب ولا جاء مالنا ومالو

- ريم سبحان مغير الاحوال دا ماكان كلامك

- فتاح كنت غلطان لأني معصب وبعد هديت لقيت الموضوع ماخطير

- ريم صدقتك😒

- فتاح لازم تصدقي لانو دي الحقيقة

(ريم سكتت بس كان جواها الف سؤال لانها عارفة فتاح كويس وغياب مزمل مستحيل يكون صدفة )