ترياقي

3

تذّكر دائمآ إنك مع مرور السَنوات

سَتتغير كثيرآ، سَتحب ما كنت تُكره ،

وربمْا تَكره ما تُحب ، سَتنسى ما تعلقت به ، وسَتمضي الحياة لتجعل منك

شخص لا يُشبهك أبدآ

#الجزء_الثالث

نهلة وصلت شلتها وهي زهجانة

قبل ما نعرف السبب نتعرف على شلتها

3 بنات وولدين

البنات ريم ونور وميرال

ريم زولة طيوبة وبت راحات جميلة لونها فاتح طولها متوسط

نور هادية ومابتتكلم كتير خضراء قصيرة ملامحها عادية

اما ميرال فخلطة غريبة سمراء طويلة ونحيفة عيونها خضر (جميل ي أسمر على قول ود الامين) امها فرنسية وابوها سوداني عاشت في الإمارات وجات السودان زيارات مع ابوها بس اول مرة تجي براها للجامعة

الاولاد إيهاب (هوبا) طويل اخدراني وجيه ومرطب

عبد الفتاح(فتاح) اخدراني سمين (تختخ) طولو متوسط ومفلفل شعرو

- ريم ماعرفتك ي بت شنو الحلاوة دي

- ميرال نهلة دي من يومها حلوة بس الليلة مزة عديل😉

- ريم ل ميرال ماعرفتك ي الخواجية بقيتي سودانية

- يختي انا سودانية ابا عن جد

- هههه يختي ومزة عاد بعد دا انا الخواجية 😂😂

انتبهوا لنهلة الكانت مامعاهم خالص وزهجانة شديد

- مالك نهول زهجانة كدا ورابطة وشك مية ربطة

- ياخ الزفت دا يوم حيجلطني كرهني الجامعة

- ريم دا منو ما تقولي لي العاشق الولهان

- ميرال دا اسمو مجنون نهلة هههه

- نهلة يجن بعيد مني من جيت داخلة مارفع عينو مني قربت أقع زاتو

- ريم ي بت في زول لاقي حب زي دا

- نهلة دا ما حب دا مرض الله يخلص السنة دي ع خير وارتاح من خلقتو

- ميرال انتي ما تتكلمي معاهو ماصح منو كدا الجامعة كلها بتتكلم عنكم

- نهلة ياخ جاني مرة واتكلمت معاهو كلام حار الفي مكانو مايجي ماري ب جمبي بس تقولي شنو دمو بارد تلجة بس

- نور ماتشتغلي بيهو الموضوع ماخطير روووقي وابتسمي الليلة جاينا لاري 😍

- نهلة 😀😀 اها احلى ابتسامة ل عيونو

كلهم ضحكو فيها ومشو ع محاضرتهم

🍂

🍃