ترياقي

17

لا اريد رجل فى حياتى انا انثى قادرة على ان ترتب العالم فى خمس دقايق ولكنى قد اقضى عمرا كاملا فى ترتيب غرفة كان فيها رجل ورحل

الليل كان طويل على كل الاطراف
مهند بيفتش في حسام وحسام سايق العربية لافي بيها في الشارع وهو بيقول اكيد تاني ماحتعاين لي في وشي بس برضو جواهو كان في شوية امل
رسومات روعتك تــذكار
علي أبواب بيوت الحـي
محــل تاوّق لـقيتك شوق
مشتت في الشوارع ضي
أماسينا البتسهر بيــك
نجيماتنــا البتشهد لي
وراك لا جفّن الدمعات
ولا أتلاقن رموش عيني
أوّنس بيك نصايص الليل
احجيك دندّنه وموّال

ومروة صدعت من التفكير الكتير بس كانت خلاص اتخذت قرارها
🌿
صباحات الله ب خيرا
حسام فتح عيوني ب تعب لقى روحو غفا شوية في العربية عاين للساعة لقاها 5 صباحا شال تلفونو كمية من المكالمات من مهند وناس البيت ،، عايز يتحرك تلفونو رنة
- أيوة ي مهند ماتقلق علي انا كويس ،، جاي ع البيت
🍂

- صفاء : صباحووو بقيتي كيف ،، ان شاءالله نمتي كويس
- مروة : الحمد لله ع كل حال ،، هو انا نمت من اساسو
- صفاء : المريتي بيهو ماهين ،، بقيتي على شنو
- مروة: ماعايزاهو وحسيب الشغل
صفاء اكيد ما جادة ي بت حسام زنبو شنو وبعدين انتو بتحبو بعض
- مروة زنبو انو عصمت خالو ولو على قلبي حضغط عليهو
- صفاء: اسمعي نصيحة من اختك الكبيرة ،، ماتضيعي حاضرك بسبب ماضيك 👌 و اسة قومي ارح منتظرك للشاي
مروة ماطايقة روحها وعلي العلي امها وابوها شغالين معاها تحقيق صفاء جات انفذتها و قدرت تقنعهم انها مروة ماكانت واعية ل تصرفها وماعارفة روحها هي عملت كدا ليه
- الام: ي حليلا بتي ادوها عين ،، ياما قلت ليك اتحصني مابتسمعي الكلام الناس مابتريح
- مروة ان شاءالله ي امي تاني حكون حريصة على التحصين
- الاب : ربنا يسعدك ويهنيك

بداية الأسبوع زي كل مرة صفاء مشت شغلها ونهلة ع جامعتها وحسام ماليهو نفس يمشي المكتب
اما مروة قاعدا في البيت وحاردا الشغل الباب دق امها نادتها تشوف في منو في الباب فتحت الباب لقتو عصمت
- مروة : هو انت ليك وش تجي تاني هنا
- عصمت : لازم اتكلم معاكي ضرورى ممكن تديني من زمنك شوية
- مروة : ولا ثانية وعايزا تقفل الباب في وشو عصمت لز الباب
- مروة انا عمري ماشفت زول دغيل زيك
- عصمت شاكليني زي ماعايزا لكن ماحمشي قبل اتكلم معاك ولو ما اديتيتي فرصة حخش ل امك و ابوك واحكي ليهم كل شي
- مروة انت جنيت عايز مني شنو ماكفاية العملتو
- عصمت : حنتكلم كدا جمب الباب
- مروة: امشي استناني نهاية الشارع
خشت جوة لفحت توبها وجات طالعة لاقتها امها ،، ماشة وين ودا منو الكان في الباب
- مروة : دا ود الجيران كان عايز حاجة وانا ماشة قريب

* مروة كانت غضبانة وشها لامن عامل 11 من الزعل ،،لاقت عصمت واتكلم معاها مسافة طويلة وقال ليها
- مافي زول معصوم من الغلط كلنا بنغلط بس المهم الناس تتعلم من أخطأها انا اتعلمت من الفات وبقيت زول كويس وحكى ليها عن حسام وانو عاش سن أكبر من عمرو لانو شال مسؤلية البيت بعد ابوه اتوفى واول مرة يشوفو فرحان وسعيد لما كان جاي عشان يخطبها وليه يومين قافل نفسو في الغرفة مابتكلم وما بياكل وانتو عارفة الاكل بالنسبة ل حسام شنو 😉 المهم قال ليها كلام كتير انا ماسمعتو كلو

مروة طلعت ب وش وجات ب وش تاني امها قالت سبحان مغير الاحوال
مشت على غرفتها وشالت تلفونها وركبتو لانو كل جزء كان في جهة والغريبة التلفون فتح جاتها كمية من الرسايل كلها من رقم مسجلاهو ب حبي(حسام)

في رسالة وقفت عندها وقرتها مية مرة
اتشعرين بالليل هنا ؟
بصوت الليل وصوت الحب وصوت الذكرى ...؟
اتشعرين بي وبخوفي من فقدانك غاليتي
أتعلمين انك اكسجين حياتي ونور ايامي
أتعلمين أنني لا شئ من دونك
أتعلمين انه في قاموسنا انا وانتي لا يوجد كلمة فراق لأنه لن يفرقنا عن بعض سوى الفراق الابدي

قرت الرسالة وبقت تبكي لانها كانت حتضيع حبها ب يدها مسحت دموعها وعايزا تتصل على حسام في نفس الوقت حسام كان ماسك تلفونو واداهو تقرير استلام الرسالة طوالي اتصل عليها
فتحت الخط واي زول ساكت الصمت كان سيد الموقف احيانا الصمت أبلغ من الكلام بعد شوية بقو الاتنين يبكو ما بكاء عادي جعيير عديل (سمعت الحب ببكي لكن ما قدر دا 😂)
بعد مسافة بقو يعاتبو في بعض
كل ما يُقدم الينا بحب يكون رائعاً
حتى كلمات العتب التي تأتينا بدافع الحب تُسعدنا جداً 😍❤️

واخيرا اتجمعو القلبين

نهاية الجزء السابع عشر
صلو على رسول الله