ترياقي

10

جد عفوا ياخ انا ما رديت

احساس بالشوق هو الرد عليك

قال ليك كيفك يا شوق جواي

شرفتنا ياخ هلا مرحب بيك

طولت علي يا شوق مالك

انا قبل ايام فتشت عليك

ولقيتك جد افراح جواي

يوم شرقت داك شاقتني إليك

الشباب رجعو البيت بعد ما اتفقو على تفاصيل العرس والمساهمات الحيقدموها

- اااااخ من التعب مشتاق ل سريري

- اي فعلا يوم متعب

حسام ك العادة وصل مهند البيت ومشى بيتهم

مهند دخل لقى امو صاحية منتظراهو

- سلام ي ست الكل مالك صاحية ل اسة

- عارفني ي ولدي لو ما اتطمن عليك ما بنوم

*حاجة فاطمة من يوم ولدا عمل الحادث بقت تخاف عليهو اكتر وما بتنوم الا تطمن عليهو

- ربنا يحفظك لينا ي احلى ام بالدنيا

- ويحفظك ي ولدي انا حخت ليك العشاء مسافة تغير ملابسك

- امشي ارتاحي ونومي انا شبعان حتى شربت القهوة

- بالهناء حبيبي تصبح ع خير

- وانتي من اهلو ي احن أم في الدنيا

مهند بيحب امو شديد لانها كانت بالنسبة ليهو الام والاب ابوه اغترب لامن هو كان صغير حتى يوفر ليهم الاحتياجات المادية وفعلا من ناحية القروش ما مقصر معاهم بس هم كانو محتاجين ل وجودو جمبهم المال ماكل شئ حتى لما احتاجو ليهو ومرتو حنستو يجي يسلم على اولادو ويقيف مع ولدو رفض وقال انو ما فاضي وانو هو شغال عشانهم والحاجة دي خلت الفجوة بين مهند وأبوه تكبر

🌿

نهلة رجعت البيت وكانت مرهقة شديد حاولت تنوم كل ماتغمض عيونها بتتذكر في الزول الدخل قلبها دون استئذان وشقلب حياتها بعد ماكانت مرتاحة ماعندها حاجة للحب جهجه فكرها وعقلها بقى مشغول بيهو وبس حاولت تبعد عنها الإحساس الجديد دا بس ماقدرت

نهلة مابتؤمن بالحب كانت بتفتخر بأنها انثى قوية مافي راجل دخل حياتها كانت بتشوف الحب ضعف (عفوا نهول الحب ماضعف الحب قوة لكن مايضعفنا ويضعف الحب هو الخذلان )

وانو زي الوباء قاسي شديد وبيوجع عشان كدا كانت قافلة قلبها ماعارفة انو الحب مابيدق الباب بجي خاشي كدا تووش 😂