ترياقي

4

كيف لي أن أصف شعور غريب يراودني في كل لحظه أشعر بأنني سأراك في القريب العاجل .. شعور يصعب على أعظم وأروع كلمات العالم أن تصفه بحروفها المتواضعه ...

الجزء الرابع

- هوبا وهو عينو على ميرال مالكم اتاخرتو ع الحفلة

- اهو جينا قبل تبدأ 😘

طبعا هوبا بيحب ميرال وعايز يتزوجها بس اهلو ماموافقين لانو امها خواجية بيقولو ليهو مابتعرس بت الكافرة ودا كلام غلط منهم لانو ام ميرال مسيحية يعني اهل الكتاب وميرال مسلمة

كل الشلة قعدت جمب بعض

لاري جاء قاشر ب بنطلون جينز ازرق وقميص اسود مع اسبورت ازرق وساعة سويسرية

الحفلة بدت و لاري غنى احلى اغانيهو بالسوداني والخليجي

لو سالوك علي قول ليهم منامو قلا

اصلو مكاتبو علة والحب ليس إلا

ومهما طال فراقي او عز التلاقي

انا على عهدي باقي

الطلبه كانو بيغنو معاهو وبيرقصو

وهم بيهتفو ماشاءالله وجميل ي لاري وبعض البنات مبحلقين فيهو

غايتو جنس حالة 😂

كلهم كانو مندمجين بالذات نهلة كانت مبسوطة وبتغني بطريقة جميلة وطفولية

الا مهند كان معاهم ب جسدو بس ومزمل (العاشق الولهان😘) سرحان في نهلة

انتهى الفاصل الأول

مهند زهج من الحفلة قال يطلع برا يغير جو وهو طالع ضرب نهلة من غير مايقصد ومشي من غير مايعتذر

- هييييي انت عميان ما بتشوف

عاين ليها ومشى ولا قال ليها بتقولي شنو

اتغاظت منو 😡

- ميرال سألتها مالك

- واحد حيوان ومابشوف ضربني ولا حتى اعتذر

- معليش بيكون ماقاصد

- لو ماقاصد مايعتزر طيب ماعندو زوق بس ... اوووووف عكر مزاجي

- خلاص ي زولة ماتكبري الموضوع

نور كانت مع باقي الشلة شافت ود عمها بكري مشت سلمت عليهو

- هيي انت الجابك جامعتنا شنو

- نسيتي انو دي جامعتي قبل تكون جامعتك 😉

عمار عجبتو نور طوالي خشى فيهم شمال

- شنو ي مان ما اتعرفنا على المزة دي

- 😡 عمار احترم روحك مزة في عينك دي بت عمي نور

- عمار ماشاءالله اسم على مسمى اتشرفنا ومد يدو سلم عليها سلمت عليهو ب خجل واستاذنت منهم رجعت ل شلتها