ترياقي

15

عارفين لمن افتح عشان انزل بارت و القى التعليقات حقتكم و الفوت حقكم على بارت الرواية .. بانبسط و الله ...
ربنا يفرحكم زي ما دخلتوا الفرحة على قلبي ...
نرجع للرواية ...

👇.
.
.
.

طاعـم قولو يعجن فى الكلام ويعصِّد

وموس شــوقو تجرح للقلوب وتفصِّد

الفوق حسنو .. بكتب وادوبى واقصِّد

قوس حاجبو لابــد لى الكباد مترصِّد

مزمل جاء الجامعة وهو ماشي ب عكاز

- نور شوفو العاشق الولهان الحب كسرو

كلهم عاينو للاتجاه

- ميرال : ياربي دا مالو 🤔

- نهلة عشان كدا كان غايب

- ريم : مش قلت ليكم مامن عادتو يختفي ساي

- نور : ي حرااام حنني ،،طيب يلا عليهو

- نهلة انا ما ماشة معاكم اسة حيتعابط فيني

- ريم : ما حلوة منك مهما كان دا زميلنا بطلي دغالة وارح

مشو سلمو عليهو وكفرو ليهو وقال ليهم عربية ضربتو والحمدلله جات سليمة وربنا ستر وقبل على نهلة وقال ليها

- لو عارف حتجي تسلمي علي كنت اتمنيت اني اضرب من زمان

- نهلة ما للدرجة دي مهما كان احنا زملاء اجر وعافية ان شاءالله ، عن اذنك

بعد مشو مزمل كان مبسوط انو سلم على نهلة في يدها جاهو صلاح

- فرحنا معاك ،، ولا عشان الجماعة جو سلمو عليك

- مزمل : اتمنيت اني ما افك يدها بس لقيتها شينة

- صلاح : كويس انك ما عملتها، ، وريتهم الحقيقة

- مزمل : هما ماعندهم دخل بالموضوع دا حساب بيني وبين الشباب

- صلاح والبقية كمان ماليهم ذنب ماتظلمهم ساي

- مزمل انا اتاكدت ب طريقتي كلمت شباب من الشفاتة العندنا واديتهم مواصفات الناس الضربوني قبضو واحد وبعد دقهو اعترف انو في اتنين جوهو ب عربية توسان سوداء ودي نفس عربية ايهاب

- صلاح : ياخي في مليون عربية بالمواصفات دي ماتخلي الحقد يملأ قلبك

- مزمل انا متاكد انهم هم وبعدين ماعندي عداوة مع زول... انا ود قلبا يعملو فيني كدا حوريهم الطفا النور منو 😠

- صلاح طيب حتعمل شنو

- مزمل وقف ع حيلو وقال ليهو وهو ماشي حتعرف في الوقت المناسب

🌿

- امي رايك شنو في البت دي

- سعاد: مالا حلات الدنيا عليها لكن المقدمة دي ل شنو جيب من الآخر (مفتحة ي حجة )